29-Nov-2024

ଅତାବିରା (ଆକାଶ ମିଶ୍ର):  ବିଶ୍ବର ଦୀର୍ଘତମ ନଦୀବନ୍ଧ  "ହୀରାକୁଦ " ଯାହାର ଦୈର୍ଘ୍ୟ ୭୪୬ ବର୍ଗ କିମି।ଏହି ଜଳଭଣ୍ଡାର ସୃଷ୍ଟିପାଇଁ ଦୁଇ ଲକ୍ଷ ଏକର ଜମି ର ଆବଶ୍ୟକତା ରହିଥିଲା ।ଏଥିରେ ୨୮୫ ଖଣ୍ଡ ଗାଆଁ, ୨୦୦ ମଠ ମନ୍ଦିର ଲୀନ ହୋଇଥିଲା ।ଏହାଦ୍ବାରା ବିସ୍ଥାପିତ ହୋଇଥିବା ୨୬୫୦୧ ପରିବାର ମଧ୍ୟରୁ ଅଧିକାଂଶ ଘରଡିହ ପାଇ ନାହାଁନ୍ତି । ଜଳ ଭଣ୍ଡାର ନିର୍ମାଣ ର ସାତ  ଦଶନ୍ଧି ପରେ ମଧ୍ୟ  ଅଧୁନା ଅଣୁ ବିଭାଜିତ ହୋଇ ବlସଚ୍ୟୁତ ଙ୍କ ସଂଖ୍ୟା  ୯୬୦୦୦ ରେପହଞ୍ଚିଛି । ଏମାନଙ୍କୁ ୧୦ ଡିସିମିଲ ଲେଖାଏଁ ଯାଗା ଦେବାକୁ ଓଡ଼ିଶା ସରକାର ରାଜସ୍ବ  ବିଭାଗ ପତ୍ର ସଂଖ୍ୟା ୫୫୩୧ , ତା ୩୦_୦୧_୨୦୦୨, ପଟେ ସଂଖ୍ୟା ୪୧୫୫୦ / ୨୫- ୧୦ -୨୦୦୪ ଏବଂ ମାର୍ଗଦର୍ଶିକା ପତ୍ର ସଂଖ୍ୟା ୧୭୩୪ , ତା ୨୨-୧-୨୦୧୪ ରେ ଜାରି କରିଥିଲେ ।୨୨ ବର୍ଷ ପରେ  ମାତ୍ର ୪୪୫୦ ପରିବାର ଙ୍କୁ ଘର ଡିହ ପଟ୍ଟା ଦିଆଯାଇ ଥିବା  ଅବଶିଷ୍ଟ ବିସ୍ଥାପିତ ପରିବାର ଆଜି ଯାଏଁ ଯାଯାବର ଭାବରେ ରହିଛନ୍ତି । ବରଗଡ ଜିଲ୍ଲାରୁ ୧୧୨ ଟି ପରିବାରଙ୍କୁ ପଟ୍ଟା ମିଳିଥିବା  ରାଷ୍ଟ୍ରୀୟ ମାନବାଧିକାର କମିଶନ ଙ୍କୁ ଜଣାଇଛନ୍ତି । ଅନ୍ୟ ବିସ୍ଥାପିତ ପରିବାର ମଧ୍ୟରୁ ଅତାବିରା ତହସିଲ ରେ ୧୩୦୦ ଆବେଦନ  ବିଚାରଧୀନ ରହିଥିବା ସଂଘ୍ର ସଭାପତି ପ୍ରକାଶ କରିଛନ୍ତି ।ଅତାବିରା  ପୂର୍ବତନ ତହସିଲଦାର  ମାର୍ଗଦର୍ଶିକା ପତ୍ର ସଂଖ୍ୟା ୧୭୩୪  ତା ୨୨-୧-୨୦୧୪ କୁ ଭୁଲ୍ ରୂପାନ୍ତର କରି ବାଟବଣା  କରି ସମସ୍ୟାକୁ ଜଟିଳ କରୁଛି  ବୋଲି ବିସ୍ଥାପିତ କଲ୍ୟାଣ ସମିତି  ଅଭିଯିକ କରିଥିବା ବେଳେ ମାନ୍ୟବର ରାଜସ୍ବ ମନ୍ତ୍ରୀ  ଏମାନଙ୍କୁ ଡିସେମ୍ବର ଶେଷ ସୁଦ୍ଧା ଜମି ଯୋଗାଇ ଦେବେ ବୋଲି ଗଣ ମାଧ୍ୟମ କୁ ସୂଚନା  ଦେଇଛନ୍ତି । ଉଭୟ କେନ୍ଦ୍ର ଓ ରାଜ୍ୟ ସରକାର ବିସ୍ଥାପିତ ପରିବାର କୁ ଜମି ଦେବାପାଇଁ ବାଧ୍ୟ ପରିକର ଥିବା ବେଳେ ଅତାବିରା ତହସିଲଦାର ଏମାନଙ୍କ ପ୍ରତି ବିମୁଖ ରହିଥିବା ତଥା  ଗତ ତା ୧୨-୩-୨୪ ରେ  ପତ୍ର ସଂଖ୍ୟା ୮୦୭ ର ପାଳନ ଆଜି ଯାଏଁ ହୋଇ ନଥିବା ନେଇ ଆସନ୍ତା କାଲି ଠାରୁ   ତହସିଲ କାର୍ଯ୍ୟାଳୟ ସମ୍ମୁଖରେ  ଆମରଣ ଅନଶନ କରାଯିବ   ବୋଲି ସମିତି  ସଭାପତି ଲୋକନାଥ ସାହୁ ସୂଚନା ଦେଇଛନ୍ତି । ଦାବୀ  ପୁରଣ ନ ହେବା  ପର୍ଯ୍ୟନ୍ତ  ଅନଶନ  ଜାରି ରହିବ ବୋଲି ସମିତି ପକ୍ଷରୁ ସୂଚନା ରହିଛି ।