29-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ଆଜି ଟୋକନ ସମସ୍ୟା କୁ ନେଇ ଜୟ କିସାନ ଆନ୍ଦୋଳନ ର ଏକ ପ୍ରତିନିଧି ମଣ୍ଡଳୀ ଏବଂ ଜିଲ୍ଲା ର ବିଭିନ୍ନ ବ୍ଲକ ରୁ ଆସିଥିବା ଚାଷୀମାନେ ବରଗଡ଼ ଜିଲ୍ଲାପାଳ ଙ୍କ ଦ୍ବାରସ୍ଥ ହୋଇ ଏକ ଲିଖିତ ଅଭିଯୋଗ ଦେଇଥିଲେ। ଚାଷୀମାନେ ତାଙ୍କ ଧାନ ଅମଳ କରିସାରିଲେଣି କିନ୍ତୁ ଏପର୍ଯ୍ୟନ୍ତ ଟୋକନ ଆସିନାହିଁ, ବହୁ ଚାଷୀ ଙ୍କ ଟୋକନ ଅତି କମ ପରିମାଣର ଆସିଛି ଆହୁରି ଅନେକ୍ ଚାଷୀଙ୍କ ଟୋକନ ଜାନୁଆରୀ ଶେଷ କିମ୍ବା ଫେବୃଆରୀ  ମାସ ରେ ଆସିଛି। ଏପରି ପରିସ୍ଥିତିରେ ଚାଷୀ ଧାନ ବିକ୍ରି କରିପାରୁନାହାଁନ୍ତି। ମଜୁରୀ,  ଟ୍ରାକ୍ଟର ଭଡା ତଥା ଅନ୍ୟାନ୍ୟ ଖର୍ଚ୍ଚ ପାଇଁ ଘୋର ଅସୁବିଧା ର ସମ୍ମୁଖୀନ ହେଉଛି। ଏହି ସମୟରେ ରବି ଋତୁରେ ଧାନ ଚାଷ ପ୍ରଭାବିତ ହେବ ବୋଲି ଚାଷୀମାନେ ଜିଲ୍ଲାପାଳ ଙ୍କ ଠାରେ ଅଭିଯୋଗ ଦେଇଥିଲେ। କିନ୍ତୁ ଚାଷୀମାନଙ୍କ ସହ ଆଲୋଚନା କଲା ସମୟରେ ଜିଲ୍ଲାପାଳ ଟୋକନ ସମସ୍ୟା ର ସମାଧାନ ରାଜ୍ୟ ସ୍ତରରେ ହୋଇପାରିବ, ଏହା ଜିଲ୍ଲାପାଳ ଙ୍କ କ୍ଷମତା ର ବାହାରେ ବୋଲି କହିଥିଲେ।  ଜିଲ୍ଲାପାଳ ଏହି ସମସ୍ୟା କୁ ରାଜ୍ଯ ସରକାରଙ୍କ ପାଖକୁ ପଠାଇ ଦେବେ ବୋଲି କହି ନିଜର ଅକ୍ଷମତା ପ୍ରକାଶ କରିଥିଲେ। 
   କିନ୍ତୁ ନୂତନ ସରକାର ଆସିବା ପରେ ଗଣମାଧ୍ୟମ ରେ ପ୍ରଚାର ହୋଇଥିଲା ଯେ ଜିଲ୍ଲାପାଳ ଙ୍କୁ ଧାନ ବିକ୍ରି କରିବା ର  ସମ୍ପୂର୍ଣ୍ଣ କ୍ଷମତା ପ୍ରଦାନ କରାଯାଇଛି। କିନ୍ତୁ ବାସ୍ତବରେ ଏପରି ନୁହେଁ। ତାହା ବରଗଡ଼ ଜିଲ୍ଲାପାଳ ପ୍ରକାଶ କରିଦେଇଛନ୍ତି। 
    ଜିଲ୍ଳାପାଳ ଙ୍କ ଏପରି ଅକ୍ଷମତା ଦେଖି କହିଥିଲେ ଯେ ଯଦି ଆସନ୍ତା ଡିସେମ୍ବର ପ୍ରଥମ ସପ୍ତାହରେ ଏହି ସମସ୍ୟା ର ସମାଧାନ ନହୁଏ ତାହେଲେ ୮ ଡିସେମ୍ବର  ମୁଖ୍ୟମନ୍ତ୍ରୀ ଙ୍କ ସୋହେଲା ଗସ୍ତ ସମୟରେ ଚାଷୀମାନେ ରାଜରାସ୍ତାକୁ ଧାନ ଆଣି ଆନ୍ଦୋଳନ କରିବାକୁ ବାଧ୍ୟ ହେବେ, ଏପରି ଏକ ଚରମ ବାଣୀ ସୁଣାଇ ଦେଇଛନ୍ତି ଚାଷୀମାନେ। 
  ଏହି କାର୍ଯ୍ୟକ୍ରମରେ ଜୟ କିସାନ ଆନ୍ଦୋଳନ ର ସାଧାରଣ ସଂପାଦକ ହର ବଣିଆଁ, ଅରୁଣ ପ୍ରଧାନ, ମିନିଷ୍ଟର୍ କରିବା, ବିଜୟ ପ୍ରଧାନ, ଜିତୁ ବେହେରା, ଗିରି ସାହୁ, ଅଶ୍ବିନୀ ସାହୁ, ଘନଶ୍ଯାମ ସା ଆଦି ଚାଷୀ ପ୍ରତିନିଧି ଜିଲ୍ଲାପାଳ ଙ୍କ ସହିତ ଆଲୋଚନା କରିଥିଲେ