29-Nov-2024

କୋଦଳା(ଭଗବାନ ପାଢୀ): ଜାଲ କାଗଜପତ୍ରର ବିଲ କରି ଲକ୍ଷଲକ୍ଷ ଟଙ୍କା ଖାଇବା ପାଇଁ ଚଲାଇଥିଲେ ଯୋଜନା।ବାହାର କରିଥିଲେ ୬୨ଟି ଟେଣ୍ଡର ସେଥି ମଧ୍ୟରୁ କିଛି କାମ ସରିଯାଇ ଥିବା ବେଳେ କିଛି କାମ ଦୁଇ ଥର ବାହାରକରିଥିଲେ ।

ଏନେଇ କାଉନସଲର ଭଗବାନ ପାଢ଼ୀ ଅଭିଯୋଗ କରିବାସହ ବିଭିନ୍ନ ଗଣମାଧ୍ୟମକୁ ଜଣାଇଥିଲେ । ଏହା ସହ ପିଡି, ଡୁଡା ଙ୍କ ନଜରକୁ ମଧ୍ୟ ଆଣିଥିଲେ l ବିଭିନ୍ନ ଗଣମାଧ୍ୟମରେ ଖବର ପ୍ରସାରଣ ପରେ ଚେତା ପଶିଥିଲା ଅଫିସରଙ୍କ । ଗତ ୧୮ ତାରିଖରେ ଚିଠି ନମ୍ବର ୪୧୦୨ରେ ଗୋଟେ କାମ କେନସଲ କରିବା ସହ ଗୋଟେ କାମର ନାମ ପରିବର୍ତନ କରିଥିଲେ ।ବର୍ତମାନ ତା ୨୮ତାରିଖ ରେ ଚିଠି ନମ୍ବର ୪୧୭୫ ରେ ସମସ୍ତ କାମକୁ କେନସଲ କରାଯାଇଛି ।
ପ୍ରକାଶ ଥାଉକି ଏହି ୬୨ଟି କାମ ଭିତରୁ ଦଣ୍ଡେଶ୍ୱର ଗେଟ ଠାରୁ ନାମ ମନ୍ଦିର ପର୍ଯ୍ୟନ୍ତ ଫେବର, ଇଣ୍ଡୋର ଷ୍ଟାଡିୟମ ସାଇଡ ରେ ଫେବର କାମ ଓ ସବଜେଲ ନିକଟରେ ମାଟି ଫିଲିଙ୍ଗ କାମ ସରିଯାଇଥିବା ବେଳେ  କିଛି କାମକୁ ଦୁଇ ଥର ବାହାର କରା ଯାଇଥିଲା ଏବଂ  ଏନ ଏ, ସି ପରିସର ଭିତରେ ନ ଯାଉଥିବା କିଛି କାମର ମ‌‌ଧ୍ୟ ଟେଣ୍ଡର ବାହାର କରାଯାଇ ଥିଲା । ମନ୍ଦିର ରଙ୍ଗ କରିବା,  ମନ୍ଦିରରେ ମାଟି ଫିଲିଙ୍ଗ କରିବା ସ୍କୁଲରେ ମାଟି ଫିଲିଙ୍ଗ କରିବା ମନ୍ଦିରରେ ଫେବର ପକାଇବା ଭଳି ଅନେକ କାମ ରହିଛି |

ଏନେଇ କାଉଁସିଲର ଶ୍ରୀ  ପାଢ଼ୀ ସମସ୍ତ ଗଣମାଧ୍ୟମଙ୍କୁ ଧନ୍ୟବାଦ ଦେବାସହ କାର୍ଯ୍ୟନିର୍ବାହୀ ଅଧିକାରୀଙ୍କୁ ମଧ୍ୟ ଧନ୍ୟବାଦ ଦେଇଛନ୍ତି କି ଡେରିରେ ହେଲେ ମଧ୍ୟ କାର୍ଯ୍ୟନୁଷ୍ଟାନ ନେଇଛନ୍ତି |ଶ୍ରୀ ପାଢ଼ୀ ଆଶା ରଖିଛନ୍ତି ଆଗାମୀ ଦିନରେ କୋଦଳା ଏନ ଏ, ସି ର ଯେକୌଣସି ଟେଣ୍ଡର ବାହାରିବ ଏନ ଏ, ସି ପରିସରଭୁକ୍ତ ଥିବା ଟେଣ୍ଡର ବାହାରିବା ସହ ସରିଯାଇ ଥିବା କାମର ଟେଣ୍ଡର ଯେମିତି ନ ବାହାରିବ ଏବଂ ଯେକୌଣସି ଟେଣ୍ଡର ବାହାର କରା ଯାଉଛି ତାହାର ସମସ୍ତ ତଥ୍ୟ ପେପର ରେ ଉଲେଖ କରାଯିବ |