29-Nov-2024

କଣ୍ଟାବାଞ୍ଜି(ମୋହନ ସୁନା): ଗୁରୁବାର ସମ୍ବଲପୁର ରେଲ ମଣ୍ଡଳ ଅଧିନସ୍ଥ କଣ୍ଟାବାଞ୍ଜି ଗସ୍ତ ରେ ଆସିଥିଲେ ସମ୍ବଲପୁର ରେଲ ମଣ୍ଡଳ ଡିଆରଏମ ତୁଷାରକାନ୍ତ ପାଣ୍ଡେ। ସେ ସ୍ବତନ୍ତ୍ର ଟ୍ରେନ ଯୋଗେ କଣ୍ଟାବାଞ୍ଜି ଷ୍ଟେସନ ପହଞ୍ଚି କଣ୍ଟାବାଞ୍ଜି ରେଲବାଇ ଷ୍ଟେସନ ପରିଦର୍ଶନ କରିଥିଲେ। ବର୍ତ୍ତମାନ କେନ୍ଦ୍ର ରେଲ ବିଭାଗ କଣ୍ଟାବାଞ୍ଜି ରେଲବାଇ ଷ୍ଟେସନ କୁ ଅମୃତ ଭାରତ ରେଳ ଷ୍ଟେସନ ଯୋଜନା ରେ ସାମିଳ କରି ରୁପାନ୍ତରିତ କରି କୋଟି କୋଟି ଟଙ୍କା ଖର୍ଚ୍ଚ କରି ବିଭିନ୍ନ ନିର୍ମାଣ କାର୍ଯ୍ଯ ଚାଳିଥିବା ବେଳେ ତାହାର ତଦାରଖ କରି ଦେଖିଥିଲେ। ପରେ ଷ୍ଟେସନ ପରିସର ରେ ଟିକେଟ କାଉଣ୍ଟର ବୁଲି ଦେଖିଥିଲେ। ରେଲ ଷ୍ଟେସନ ଉନ୍ନତୀକରଣ ପାଇଁ ଷ୍ଟେସନ ପରିସର ରେ ଥିବା ଦୋକାନ ମାନଙ୍କୁ ଉଛେଦ କରିବା ରେଲ ବିଭାଗ ଘୋଷଣା କରିଛି। ଦୋକାନୀ ମାନଙ୍କ ଅଭିଯୋଗ ରେ ତାଙ୍କୁ ପ୍ରଥମେ ଥଇଥାନ କରାଯାଉ ପୁଣି ଉଛେଦ କରାଯାଉ ବୋଲି ସେମାନେ ଦାବୀ କରିଛନ୍ତି। ଗୁରୁବାର ଡିଆରଏମ କଣ୍ଟାବାଞ୍ଜି ଗସ୍ତ ରେ ଆସିଥିବା ବେଳେ ଦୋକାନୀ ମାନେ ତାଙ୍କୁ ସାକ୍ଷାତ କରି ତାଙ୍କ ସମସ୍ଯା ଜଣାଇଛନ୍ତି। ଡିଆରଏମ କଣ୍ଟାବାଞ୍ଜି ରେଲବାଇ ଅଞ୍ଚଳ ର ବିଭିନ୍ନ ସମୀକ୍ଷା କରିବା ପରେ ସ୍ବତନ୍ତ୍ର ଟ୍ରେନ ଯୋଗେ ପୁଣି ଫେରିଯାଇଥିଲେ। ତାଙ୍କ ଗସ୍ତ ସମୟରେ ରେଲ ବିଭାଗ ଅନେକ ଅଧିକାରୀ ଉପସ୍ଥିତ ଥିଲେ।