24-Nov-2024

ବୌଦ୍ଧ(ଦେବବ୍ରତ ଦାଶଙ୍କ ରିପୋର୍ଟ): ବୌଦ୍ଧ ବ୍ଲକ ଲଷ୍ମୀପ୍ରସାଦ ପଂଚାୟତ ଅନ୍ତର୍ଗତ ଚାରିଶମ୍ଭୁ ମନ୍ଦିର ପରିସରରେ ଚତୁର୍ଥ ଗନ୍ଧରାଡ଼ି ଲୋକ ମହୋତ୍ସବ ପାଇଁ ଏକ ପ୍ରସ୍ତୁତି ବୈଠକ ଉପ ସଭାପତି  ବିଦ୍ୟାଧର ସ୍ୱାଇଁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି। ସମ୍ପାଦକ ଶମ୍ଭୁ ଗିରି ପୂର୍ବ ମହୋତ୍ସବର ଆୟ ବ୍ୟୟ ବିବରଣୀ ଉପସ୍ଥାପନ କରିଥିଲେ। ଡିସେମ୍ବର ୧୫ ତାରିଖରେ ଶୁଭଖମ୍ବ ସ୍ଥାପନ ଓ ଜାନୁଆରୀ ତୃତୀୟ ସପ୍ତାହରେ ମହୋତ୍ସବ ଆୟୋଜନ ବୈଠକରେ ପାଇଁ ଦିନ ଧାର୍ଯ୍ୟ କରାଯାଇଛି।ବୀର ଖୁମ୍ବ ପାଇଁ ଏକ ମଣ୍ଡପର କାର୍ଯ୍ୟ ଶୀଘ୍ର ଆରମ୍ଭ କରିବାକୁ ଆଲୋଚନା ହୋଇଥିଲା।ବୈଠକରେ ଏକ ଉପ କମିଟି ଗଠନ କରାଯାଇ ଜିଲ୍ଲାର ଉଭୟ ବିଧାୟକଙ୍କୁ ସାକ୍ଷାତ କରି ମହୋତ୍ସବ କିପରି ମହାସମାରୋହରେ ଆୟୋଜିତ ହେବ ସେ ସମ୍ପର୍କରେ ଆଲୋଚନା କରିବାକୁ ନିଷ୍ପତ୍ତି ଗ୍ରହଣ କରାଯାଇଛି। ମହୋତ୍ସବର ଖର୍ଚ୍ଚ କାଟ କରିବାକୁ ଆଲୋଚନା କରାଗଲା। ଆଲୋଚନାରେ ଅଦରକାରୀ ଖର୍ଚ୍ଚ କାଟ କରିବାକୁ ସଭ୍ୟ ଅକ୍ଷୟ ସ୍ୱାଇଁ ପ୍ରସ୍ତାବ ଦେଇଥିଲେ। ଆଲୋଚନାରେ ଉପ ସଭାପତି ମନରଞ୍ଜନ ପୁରୋହିତ, ପ୍ରଚାର ପ୍ରସାର କମିଟିର  ମୂଖ୍ୟ ସୁଧାଂଶୁ ମିଶ୍ର, ସହ ସମ୍ପାଦକ ସ୍ୱାଧୀନ କୁମାର ପ୍ରଧାନ, ଗଜେନ୍ଦ୍ର ବାରିକ, ଅଧ୍ୟାପକ ପ୍ରଭାତ କୁମାର ଶତପଥି, ଧ୍ରୁବ ଚରଣ ପାଣିଗ୍ରାହୀ, ତେଲିବନ୍ଧ ସରପଞ୍ଚ ରତ୍ନାକର ନାଏକ, ମନୋଜ ଗୁରୁ, ଆଦି ଜେନା, ବିସିକେଶନ ପ୍ରଧାନ, ଅକ୍ଷୟ କୁମାର ସ୍ୱାଇଁ, ନୀଳ ଲୋହିତ ମହାପାତ୍ର, ଗଣେଶ ଜେନା, ଶିବ ବେହେରା, ସ୍ଵପ୍ନେଶ୍ଵର ମହାନ୍ତି, ପ୍ରେମା ପ୍ରଧାନ, ବିଜୟ ଜେନା, ଧନଞ୍ଜୟ ଶତପଥି ପ୍ରମୁଖ ସକ୍ରିୟ ଅଂଶ ଗ୍ରହଣ କରିଥିଲେ। ଶେଷରେ ଉପ ସଭାପତି  ପ୍ରଭାତ ପ୍ରଧାନ ଧନ୍ୟବାଦ ପ୍ରଦାନ କରିଥିଲେ l