24-Nov-2024

ବରପାଲି(ସୁଦାମ ଦୀପ): ସ୍ଵଭାବ କବି ଗଙ୍ଗାଧର ମେହେରଙ୍କ ଶ୍ରାଦ୍ଧ ଶତବାର୍ଷିକୀ ତଥା ମେହେର(ଭୁଲିଆ)ଜାତି ର ରାଜ୍ୟ ସ୍ତରୀୟ ମହାସଭା ସ୍ଥାନୀୟ ବରପାଲି ହାଇସ୍କୁଲ ପଡ଼ିଆରେ  ରବିବାର ରାଜ୍ୟ ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂଦେଓ ମୁଖ୍ୟ ଅତିଥି ଭାବରେ ଯୋଗଦେଇ ଉଦଘାଟନ କରିଛନ୍ତି ।
ଆଜିର ଏହି ଉଦଘାଟନୀ ଉତ୍ସବରେ ରାଜ୍ୟ ସଭାପତି ବୈଶମ୍ପାୟନ ମେହେର ଅଧ୍ୟକ୍ଷତା କରିଥିବା ବେଳେ ସମ୍ମାନିତ ଅତିଥି ଭାବରେ ବିଜେପୁର ବିଧାୟକ ସନତ କୁମାର ଗଡତିୟା, ବରଗଡ଼ ବିଧାୟକ ଅଶ୍ଵିନୀ କୁମାର ଷଡ଼ଙ୍ଗୀ, ଅତାବିରା ବିଧାୟକ ନୀହାର ରଞ୍ଜନ ମହାନନ୍ଦ, ଭୁଲିଆ ସମାଜ ସଭାପତି ମହେନ୍ଦ୍ର ମେହେର ଯୋଗ ଦେଇଥିଲେ।ସଭାର ଆଭିମୁଖ୍ୟ ଡକ୍ଟର ଶୁକ ମୁନି ମେହେର, ଅତିଥି ପରିଚୟ ପ୍ରଦାନ କରିଥିଲେ ରାଜ୍ୟ କାର୍ଯ୍ୟକାରୀ ସଭାପତି ସୁରେନ୍ଦ୍ର ମୋହନ ମେହେର ଓ ଧନ୍ୟବାଦ ଅର୍ପଣ କରିଥିଲେ ଡାକ୍ତର ସୁବାସ ମେହେର। ଏହି ଅବସରରେ ମେହେର ଶତାବ୍ଦୀ ସୌରଭ ନାମକ ସ୍ମରଣିକାକୁ ଅତିଥିଗଣ ଉନ୍ମୋଚନ କରିଥିଲେ । ମୁଖ୍ୟଅତିଥି ଶ୍ରୀ ସିଂଦେଓ ସ୍ଵଭାଵ କବି ଗଙ୍ଗାଧର  ମେହେର ଏକା ନୁହଁନ୍ତି ସେ ସାରା ଓଡ଼ିଶାର ମେହେର ସମାଜକୁ ଏକତ୍ରିତ କରିପାରିଛନ୍ତି । ଏହାହିଁ ସମାଜପାଇଁ ଏକ ବିରଳ ବିଷୟ ଅଟେ ବୋଲି ମତବ୍ୟକ୍ତ କରି ମେହେର ସମାଜର ଉନ୍ନତି ଓ ଚାଷୀମାନଙ୍କ ଉନ୍ନତି ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ । 
ମଧ୍ୟାହ୍ନ ଅଧିବେଶନରେ ରାଜ୍ୟ ର ବିଭିନ୍ନ ପ୍ରାନ୍ତରରୁ ଆସି

ଥିବା କବି ଓ ଲେଖକ ମାନଙ୍କ ପୁସ୍ତକ ସବୁ କୁ ଉନ୍ମୋଚନ କରାଯାଇଥିଲା । ସନ୍ଧ୍ୟାରେ  ବିଶିଷ୍ଟ ବାଗ୍ମୀ କୃଷ୍ଣ କେଶବ ଷଡ଼ଙ୍ଗୀ  ମେହେର ସାହିତ୍ୟ ଆଲୋଚନା କରିବା ସହ ଗଙ୍ଗାଧର ସଙ୍ଗୀତ ଉପରେ ଆଧାରିତ ଗଙ୍ଗାଧର ଗୀତି କାର୍ଯ୍ୟକ୍ରମକୁ ରୀନା ଦାଶ ଓ ରବୀନ୍ଦ୍ର ପଣ୍ଡା ତଥା ସୁନ୍ଦରଗଡର କଳାକାର ମାନଙ୍କ ଦ୍ଵାରା ସମ୍ବଲପୁରୀ ନୃତ୍ୟ ପରିବେଷଣ କରାଯାଇଥିଲା । ଏହି ମହାସଭାରେ ରାଜ୍ୟର ବିଭିନ୍ନ ଅଞ୍ଚଳରୁ ସହସ୍ରାଧିକ ସଭ୍ୟ ସଭ୍ୟା ଯୋଗ ଦେଇଛନ୍ତି । ଏଥିରେ ଡ଼ଃ.ହେମନ୍ତ ମେହେର ରାଜ୍ୟ ଉପସଭାପତି ଯୁବାମଞ୍ଚ, ଉପଦେଷ୍ଟା  ଅଶୋକ କୁମାର ମେହେର,ନିଖିଳ ଓଡିଶା ଉପସ୍ଥିତ ଥିଲେ l