24-Nov-2024

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବିରାମହରାଜପୁର ମହାବିଦ୍ୟାଳୟ ପରିସରରେ  ମଦମୁକ୍ତି ଯୁବବାହିନୀ ଓଡିଶା ସୁବର୍ଣ୍ଣପୁର ଶାଖା ତରଫରୁ ଓଡିଶା ର ପୂର୍ବତନ ମୁଖ୍ୟମନ୍ତ୍ରୀ ଙ୍କ ଜନ୍ମ ଜୟନ୍ତୀ ପାଳନ ସହ ରାଜ୍ୟ କୁ ସମ୍ପୂର୍ଣ ମଦମୁକ୍ତ ସହ ସଶକ୍ତ ନିଶାନିବାରଣ ଆଇନ ଲାଗୁ କରିବାକୁ ଏକ ଦସ୍ତଖତ ଅଭିଯାନ ଆରମ୍ଭ ଅନୁଷ୍ଠିତ ହୋଇଯାଇଛି। ନବ ବାବୁ ଙ୍କ ମୁଖ୍ୟମନ୍ତ୍ରୀ ଥିବା ସମୟରେ ଓଡିଶା ନିଶାନିବାରଣ ଆଇନ ୧୯୫୬ ବିଧାନସଭା ରେ ଆଗତ କରାଇଥିଲେ କିନ୍ତୁ ପରବର୍ତୀ ସମୟରେ ଏହି ଆଇନ କୁ କାର୍ଯ୍ୟକାରୀ କରାଗଲାନାହିଁ । ଫଳରେ ଆଜି ର ସମାଜ ନିଶା କବଳରେ କବଳିତ, ନାରୀ ନିର୍ଯାତନା, ରାସ୍ତା ଦୁର୍ଘଟଣା, ଅକାଳ ମୃତ୍ୟୁ, ଅପରାଧ ଚରମ ସୀମା ରେ ପହଞ୍ଚିଛି। ତେଣୁ ମଦ କୁ ସମ୍ପୂର୍ଣ ବନ୍ଦ କଲେ ସୁସ୍ଥ ସମାଜ ଗଠନ ହୋଇପାରିବ।‌କାର୍ଯ୍ୟକ୍ରମ ରେ ଜିଲ୍ଲା ସଂଯୋଜକ ସୁଦାମ ଗାଈଗରିଆ ଯୋଗ ଦେଇ ନବବାବୁଙ୍କ ନିତି ଆଦର୍ଶ ବିଷୟରେ ଆଲୋଚନା କରିବା ସହ ଓଡିଶା ସରକାର ସଂଗ୍ରହ କରୁଥିବା ଅବକାରୀ ରାଜସ୍ବ ତୁଳନା ରେ ଅଧିକ କ୍ଷତି ହେଉଥିବା ସୂଚନା ସହ ଟେକଚନ୍ଦ କମିସନ ତଥ୍ୟ ଉପସ୍ଥାପନା କରିଥିଲେ। ମଦ ମୁକ୍ତି ଯୁବବାହିନୀ ର ଅନ୍ୟତମ ସଦସ୍ୟ ରାମେଶ୍ୱର ବଡ଼ମାଳୀ ଯୁବପିଢ଼ି ନିଶା ଠାରୁ ଦୁରେଇ ରହିବାକୁ ଆହ୍ୱାନ ଦେଇଥିଲେ। ଏହି ପରିପ୍ରେକ୍ଷୀରେ ଏକ ପ୍ରଶ୍ନତ୍ତରୀ କାର୍ଯ୍ୟକ୍ରମ ଛାତ୍ର ଛାତ୍ରୀ ମାନଙ୍କ ମଧ୍ୟରେ ଅନୁଷ୍ଠିତ ହୋଇଥିଲା। ଶେଷରେ ଏନ ସି ସି ଛାତ୍ର ସତ୍ୟସାଇ ମହାକୁର ଧନ୍ୟବାଦ ଅର୍ପଣ କରିଥିବା ବେଳେ ମିତ୍ରଭାନୁ ମଲ୍ଲିକ ଓ ବିଶ୍ୱମ୍ବର ସାହୁ ସହଯୋଗ କରିଥିଲେ।