19-Nov-2024

ବରପାଲି(ସୁଦାମ ଦୀପ) 
ବରଗଡ଼ର ବୈଦିକ ଅନୁଷ୍ଠାନ ସମୂହ ତରଫରୁ ବରପାଲି ସ୍ଥିତ ଶିରିଡି ସାଇ ମନ୍ଦିର ପରିସରରେ ହେପି ପେରେଣ୍ଟିଂ କର୍ମଶାଳା ଅନୁଷ୍ଠିତ ହୋଇଯାଇଛି। ଏଥିରେ ଅନୁଷ୍ଠାନର ଚେୟାରମ୍ୟାନ ଆନନ୍ଦ ଅଗ୍ରୱାଲ ଅଭିଭାବକ ମାନେ କେମିତି ଚିନ୍ତାମୁକ୍ତ ରହି ନିଜ ପିଲାମାନଙ୍କୁ ପାଠ ପଢାଇ ପାରିବେ, ଆଧୁନିକ ଯୁଗରେ ପିଲାମାନଙ୍କ ସ୍ୱାସ୍ଥ୍ୟପ୍ରତି ଯତ୍ନବାନ ରହିବା ସହ ଉନ୍ନତ ଶିକ୍ଷାପ୍ରଣାଳୀ ଓ ଚରିତ୍ର ଗଠନ କରି ପାରିବେ ତା ଉପରେ ସରଗର୍ଭକ ତଥ୍ୟ ଉପସ୍ଥାପନ କରିଥିଲେ। ବରଗଡ଼ ବୈଦିକ ବିଦ୍ୟାଳୟର ଅଧ୍ୟକ୍ଷ ସୁକାନ୍ତ ମହାପାତ୍ର କର୍ମଶାଳାର ଉଦ୍ଦେଶ୍ୟ ଜ୍ଞାପନ କରିଥିଲେ। ବୈଦିକ ଗ୍ରୁପର ଚେୟାରମ୍ୟାନ ଅଭିଭାବକ ମାନଙ୍କ ଭିନ୍ନ ଭିନ୍ନ ପ୍ରଶ୍ନର ଉତ୍ତର ରଖିଥିଲେ। ଅନୁଷ୍ଠାନ ତରଫରୁ ଶିରିଡି ସାଇ ସଂସ୍ଥାନ ବରପାଲିର ସଭାପତି ଦୀନବନ୍ଧୁ ପ୍ରଧାନ, ସାରସ୍ୱତ କୋଚିଂ ସେଣ୍ଟରର ପରିଚାଳକ ଅଶୋକ ପଣ୍ଡା, ବରିଷ୍ଠ ସାମ୍ବାଦିକ ବାଲ କିଶୋର ଖାଡ଼ଙ୍ଗା, ମାରୱାଡି ମହିଳା ସମିତିର ସଭାନେତ୍ରୀ ସନ୍ତୋଷ ଅଗ୍ରୱାଲ, କିରଣ ଦେବୀ ଅଗ୍ରୱାଲ, ବରିଷ୍ଠ ଶିକ୍ଷକ ଉମେଶ ଦାଶ ଙ୍କୁ  ସମ୍ବର୍ଦ୍ଧିତ କରା ଯାଇଥିଲା। ବରପାଲି ନାଗରିକ ମାନଙ୍କ ତରଫରୁ  ବୈଦିକ ଗ୍ରୁପର ଚେୟାରମ୍ୟାନ ଓ ପ୍ରିନସିପାଲଙ୍କୁ ସମ୍ବର୍ଦ୍ଧନା ଜ୍ଞାପନ କରିଥିଲେ। କାର୍ଯ୍ୟକ୍ରମକୁ ବୈଦିକ ଗ୍ରୁପ ବରଗଡ଼ ଶାଖା ତରଫରୁ ଗୋବିନ୍ଦ ପ୍ରଧାନ, ଯୁବରାଜ ପ୍ରଧାନ, ଅନିଲ ତ୍ରିପାଠୀ, କୃଷ୍ଣଚନ୍ଦ୍ର ସାହୁ, କାଜଲ ପ୍ରସାଦ, ଆରତୀ ତାଣ୍ଡି, ମାଳତୀ ମିଶ୍ର, ଅଞ୍ଜୁ ବର୍ମା ପରିଚାଳନା କରିଥିଲେ।