15-Nov-2024

ନବରଙ୍ଗପୁର (ମିହିର ଶଙ୍କର ପାତ୍ର)
ସବୁବେଳେ କିଛି ନା କିଛି ଘଟଣାକୁ ନେଇ ଚର୍ଚ୍ଚାରେ ଅନୁସୂଚିତ ଜାତି ଓ ଜନଜାତି ବିଭାଗର ହାଇସ୍କୁଲ ଖୋଦ୍ ପୁଣି ବିଭାଗୀୟ ମନ୍ତ୍ରୀଙ୍କ ଜିଲ୍ଲାରେ । ରାତିରେ ଅନ୍ତେବାସୀ ପିଲାଙ୍କୁ ବିପଦ ସଙ୍କୁଳ ଅବସ୍ଥାରେ ସ୍କୁଲକାନ୍ଥ ଓ ମୁଖ୍ୟ ଫାଟକ ରଙ୍ଗ ମରାଇବା ଭଳି ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଲକ ସଦର ବଡ ଆମ୍ବଡା ପଞ୍ଚାୟତ ଅନୁସୂଚିତ ଜାତି ଓ ଜନଜାତି ବିଭାଗ ହାଇସ୍କୁଲଠାରେ ।
ବଡ ଆମ୍ବଡା ପଞ୍ଚାୟତ ଅନୁସୂଚିତ ଜାତି ଓ ଜନଜାତି ବିଭାଗ ହାଇସ୍କୁଲ ତୃତୀୟ ପର୍ଯ୍ୟାୟରେ 5Tରେ ସ୍ଥାନିତ ହୋଇ ହାଇସ୍କୁଲକୁ ସୌନ୍ଦର୍ଯ୍ୟକରଣ କରାଯାଇଥିଲା । ପଞ୍ଚାୟତରାଜ ବିଭାଗୀୟ ଅଧିକାରୀଙ୍କ ତତ୍ତ୍ଵାବଧାନରେ ଅଧାପନ୍ତରିଆ କରି ଉକ୍ତ କାମଟି ଫାଇଲ ମାଧ୍ୟମରେ ସମ୍ପୂର୍ଣ ଦର୍ଶାଇ ଦିଆଯାଇଥିଲା   । ତେବେ ଗୁରୁବାର ବିଦ୍ୟାଳୟ ଚୁଟି ହେବା ପରେ ରାତିରେ ବଡ ଆମ୍ବଡ଼ା ଅନୁସୂଚିତ ଜାତି ଓ ଜନଜାତି ବିଭାଗ ହାଇସ୍କୁଲରେ ୬ଷ୍ଠରୁ ୧୦ମ ଶ୍ରେଣୀର ୧୫ରୁ୨୦ ଅନ୍ତେବାସୀ ଛାତ୍ରଙ୍କୁ ବିପଦ ସଙ୍କୁଳ ଅବସ୍ଥାରେ ହାଇସ୍କୁଲ ପରିସରରେ ଥିବା ମୁଖ୍ୟ ଫାଟକ ଓ କାନ୍ଥକୁ ବ୍ୟାଞ୍ଚକୁ ବ୍ୟାଞ୍ଚ ଉପରେ ବାନ୍ଧି ରଙ୍ଗ ମାରିଥିଲେ ।

ହାଇସ୍କୁଲର ପ୍ରଧାନ ଶିକ୍ଷକଙ୍କ ଉପସ୍ଥିତିରେ ତେବେ କେଉଁ ସ୍ଥିତିରେ ଏଇଭଳି କାମ ଛାତ୍ର ମାନଙ୍କୁ ନେଇ କରାଗଲା ତାହାକୁ ନେଇ ଅଭିଭାବକ ମାନେ ପ୍ରଶ୍ନ ଉଠାଇବା ସହ ଏହାର ତଦନ୍ତ ଦାବି କରିଛନ୍ତି । ଏହା ସହ ପିଲାଙ୍କ ଯଦି କୌଣସି ଅଘଟଣ ହେଲେ କିଏ ଦାୟୀ ରହିବା ସହ ପିଲାଙ୍କ ପାଠପଢାକୁ ନେଇ ପ୍ରଶ୍ନ ଉଠାଇଛନ୍ତି ଅବିଭାବକ । ଏନେଇ ଆମେ ବଡ ଆମ୍ବଡା ଏସଏସଡି ହାଇସ୍କୁଲ ପ୍ରଧାନଶିକ୍ଷକ ରଞ୍ଜନ କୁମାର ବେହେରାଙ୍କୁ ଯୋଗାଯୋଗ କରିଥିଲେ ମଧ୍ୟ ଯୋଗାଯୋଗ ହୋଇପାରିନଥିଲା । ଏନେଇ ଆମେ ଗୋଷ୍ଟି ମଙ୍ଗଳ ସମ୍ପ୍ରସାରଣ ଅଧିକାରୀଙ୍କୁ ଯୋଗାଯୋଗ କରିବାରୁ ସେ କହିଥିଲେ "ଏନେଇ ଆମେ ତଦନ୍ତ କରି ସଂପୃକ୍ତ ଶିକ୍ଷକ ବିରୋଧରେ ଶକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ଦୋଷୀ ଶିକ୍ଷକଙ୍କୁ ନିଲମ୍ବନ କରାଯିବ ।