14-Nov-2024

ପାଟଣାଗଡ(ପ୍ରେରଣା ଖବର): ପାଟଣାଗଡ଼ ବ୍ଳକର ଯୋଗୀମୁଣ୍ଡା ଓ ରହେନମାଲ ଉଚ୍ଚ ବିଦ୍ୟାଳୟ ମାନଙ୍କରେ, ମମତା ଏଚ ଆଇ ଏମ ସି ପ୍ରୋଜେକ୍ଟ ଜାଗୃତି ବଲାଙ୍ଗୀର ପକ୍ଷରୁ ଦୁଇ ଦିନ ଧରି କିଶୋର କିଶୋରୀ ମାନଙ୍କୁ ନେଇ ଜୀବନ କୌଶଳ କାର୍ଯକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ସଂସ୍ଥାର ଜିଲ୍ଲା ସଂଯୋଜକ ଶ୍ରୀଯୁକ୍ତ ବେଞାମିନ ନାୟକ ଙ୍କ ତତ୍ତ୍ଵାବଧାନରେ ଦିଲ୍ଲୀରୁ ଆସିଥିବା ତାଲିମ ଦାତ୍ରୀ ଶ୍ରୀମତି ପ୍ରିୟା ପ୍ରକାଶ ରାୟ କିଶୋର କିଶୋରୀ ମାନଙ୍କୁ ତାଙ୍କ

ଜୀବନରେ ହେଉଥିବା ଭାବନାତ୍ମକ ପରିବର୍ତ୍ତନକୁ ଖେଳ ମାଧ୍ୟମରେ ବୁଝାଇଥିଲେ। ଯେପରିକି ବାର୍ତ୍ତାଳାପ, ସମସ୍ୟା ସମାଧାନ, ଆତ୍ମା ସମ୍ମାନ ରକ୍ଷା, ସଠିକ ନିଷ୍ପତ୍ତି ନେବା, ଜୀବନର ଲକ୍ଷକୁ ସଠିକ ଭାବେ ନିର୍ଧାରିତ କରିବା ଓ ସମୟର ସଦ ଉପଯୋଗ କରି ଭବିଷ୍ୟତକୁ ସୁଦୃଢ଼ ବା ଉଜ୍ଜଳମୟ

କରିପାରିବେ ସେ ଉପରେ ଆଲୋକପାତ କରିଥିଲେ। ଏହି କାର୍ଯ୍ୟକ୍ରମରେ ଉପରୋକ୍ତ ଦୁଇଟି ଉଚ୍ଚ ବିଦ୍ୟାଳୟର ୧୨୫ ଜଣ ଛାତ୍ରଛାତ୍ରୀ ଅଂଶଗ୍ରହଣ କରି ଶିକ୍ଷା ଲାଭ କରିଥିଲେ। ଦୁଇଟି ସ୍କୁଲର ଶିକ୍ଷକ ମାନେ ଏହି କାର୍ଯ୍ୟକ୍ରମକୁ ପ୍ରଶଂସା କରିଥିଲେ। ଏହି ଅବସରରେ ବ୍ଳକ ସୁପରଭାଇଜର ସୁରେଶ ଚନ୍ଦ୍ର ପସାୟତ, ପବିତ୍ର ରଣା,ଅଗାଧୁ ବେହେରା, ସୁନୀତା ପସାୟତ ଓ ସ୍ନିଗ୍ଧା ମେହେର ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ।