14-Nov-2024

ସୋନପୁର, ତା ୧୪/୧୧(ପ୍ରେରଣା ଖବର): ସୁବର୍ଣ୍ଣପୁର ଜିଲ୍ଲା ସ୍ଥାନୀୟ ସରକାରୀ ବାଳିକା ଉଚ୍ଚ ବିଦ୍ୟାଳୟ ଠାରେ ଭାରତ ସ୍କାଉଟସ ଓ ଗାଇଡସ  ସଂସ୍ଥା ର ୭୫ ତମ ସ୍ଥାପନ ଦିବସ ଜିଲ୍ଲା ମୁଖ୍ୟ କମିଶନର ତଥା ଜିଲ୍ଲା ଶିକ୍ଷା ଅଧିକାରୀ ଶ୍ରୀ ଲକ୍ଷ୍ମଣ ଭୋଇ ଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି। ଏଥିରେ ଜିଲ୍ଲା ସ୍କାଉଟ କମିଶନର ଲୋକନାଥ ମେହେର, ଗାଇଡ କମିଶନର ଶ୍ରୀମତୀ ମଞ୍ଜୁଲତା ଜଗଦଲା ,ହେଡ କ୍ୱାର୍ଟର କମିଶନର ପ୍ରଞ୍ଜା ଦାସ ଓ ଜିଲ୍ଲା ସମ୍ପାଦକ ସତ୍ୟନାରାୟଣ ତ୍ରିପାଠୀ ସମ୍ମାନିତ ଅତିଥି ଭାବରେ ଯୋଗଦାନ କରି ସମାଜ ସେବାରେ ସ୍କାଉତ୍ ସଂସ୍ଥା ପ୍ରମୁଖ ଭୂମିକା ରହିଥିବାର ବକ୍ତବ୍ୟ ରେ କହିଥିଲେ।ପ୍ରାରମ୍ଭରେ ସମବେତ ହୋଇଥିବା ୪୬ ଟି ବିଦ୍ୟାଳୟ ର ୧୪୦ ଜଣ ସ୍କାଉଟ୍,ଗାଇଡ, ସ୍କାଉଟ ମାଷ୍ଟର ,ଗାଇଡ କ୍ୟାପଟେନ, ସ୍କାଉଟ କର୍ମକର୍ତା ସ୍କାଉଟ ପତାକା ଉତ୍ତୋଳନ ରେ ସମବେତ ହୋଇଥିଲେ। ପରେ ସମସ୍ତ ଏକ ବିରାଟ ଶୋଭାଯାତ୍ରା ରେ ବାହାରି ସହର ପରିକ୍ରମା କରିଥିଲେ ଓ ସହର ଉପକଣ୍ଠରେ ଥିବା ସୁରେଶ୍ଵରୀ ମନ୍ଦିର କୁ ଯାଇ ପରିସରକୁ ପରିଷ୍କାର କରିଥିଲେ ।

ସମସ୍ତ କାର୍ଯ୍ୟକ୍ରମ କୁ ଜିଲ୍ଲା ଟ୍ରେନିଂ କମିଶନର ଦୀନବନ୍ଧୁ ପ୍ରଧାନ ପରିଚାଳନା କରିଥିବା ବେଳେ ଅନୁଷ୍ଠିତ ସଭାକୁ ଜିଲ୍ଲା ସ୍କାଉଟ ମାଷ୍ଟର ସଞ୍ଜୀବ ସାହୁ ସଂଯୋଜନା କରିଥିଲେ। ଶୋଭାଯାତ୍ରା କୁ ଜିଲ୍ଲା ସଂଗଠନ କମିଶନର ଅନନ୍ତରମ୍ ମେନ୍ଦେଲି, ହରିଶ୍ଚନ୍ଦ୍ର ମ।ଝି, ଗଙ୍ଗାଧର ପ୍ରଧାନ, ଗଙ୍ଗାଧର ପଟେଲ, ଯଶୋବନ୍ତ ପଟେଲ, ଅଶୋକ ବୁଦ୍ଧିଆ, ମିତେନ୍ଦ୍ର ନାୟକ,ପ୍ରମୁଖ ସହଯୋଗ କରିଥିଲେ।