14-Nov-2024

ବୌଦ୍ଧ/ହରଭଙ୍ଗା(ଦେବବ୍ରତ ଦାସ): ବିଜେଡ଼ି ଶାସନରେ ଅଫିସରଙ୍କ ମାନମାନି ଚରମସୀମାରେ ପହଂଚିବା ସହ ବିଜେଡ଼ି କୁଜି ନେତାଙ୍କ କବ୍ଜାରେ ରହୁଥିଲେ ସରକାରୀ ଅଫିସର । ଯାହାର ସିଧାସଳଖ ପ୍ରଭାବ ସାଧାରଣ ଜନତା ଙ୍କ ଉପରେ ପଡି ଅନେକ ହନ୍ତ ସନ୍ତ ହେବା ଏହାର ପ୍ରତିକାର ଭୋଟ ବାକ୍ସରେ ଜବାବ ଦେଲେ । ହେଲେ ବର୍ତ୍ତମାନ ବି କେତେକ ଅଫିସରଙ୍କ ମାନମୁଖୀ ବିଜେପି ଶାସନକୁ ଇଙ୍ଗିତ କରିଛି । ଏଭଳି ଅଭିଯୋଗ ଆସିଛି ବୌଦ୍ଧ ବିଧାୟକ ସରୋଜ ପ୍ରଧାନଙ୍କ ପଂଚାୟତ ତିଲେଶ୍ୱରରୁ ।  ସୂଚନା ଅନୁଯାୟୀ ଚଳିତ ବର୍ଷ ଫେବୃଆରୀ ମାସରେ ତିଲେଶ୍ବର ଗ୍ରାମର ଦୋଳଗୋବିନ୍ଦ ନାଏକଙ୍କ 
ବାର୍ଦ୍ଧକ୍ୟ ଭତ୍ତା ଆବେଦନ କରିଥିଲେ । ଶ୍ରୀ ନାଏକ ପଂଚାୟତ ନିର୍ବାହୀ ଅଧିକାରୀ ଲଡୁ ସାହୁଙ୍କୁ ପ୍ରତ୍ୟକ ମାସରେ ଭତା ହେଲା ନାହିଁ ବୁଝି ଆସୁଥିଲେ । ତେବେ ଗତକାଲି ବ୍ଲକ କାର୍ଯ୍ୟାଳୟରେ ବୁଝିବା ପରେ ତାଙ୍କ ଭତା ଗତ ୩ ମାସ ତଳୁ ହୋଇଥିବା ଜାଣିବାକୁ ପାଇଥିଲେ । ଏଥି ସହିତ ତାଙ୍କୁ ଅନୁପସ୍ଥିତ ଦର୍ଶାଇ ପିଇଓ ଶ୍ରୀ ସାହୁ ଭତା ଟଙ୍କା ହଡ଼ପ ପାଇଁ ମସୁଧା କରୁଥିବା ଅଭିଯୋଗ କରିଛନ୍ତି ଶ୍ରୀ ନାଏକ । ତେବେ ପିଇଓ ଜଣଙ୍କ ସରପଞ୍ଚଙ୍କ ସ୍ୱାମୀଙ୍କ ଇଙ୍ଗିତରେ ରାଜନୈତିକ ଉଦ୍ଦେଶ୍ୟ ରଖି ଏଭଳି କରୁଥିବା ଅଭିଯୋଗ କରିଛନ୍ତି । ତେବେ ପୂର୍ବରୁ ମଧ୍ୟ ଶ୍ରୀ ନାଏକଙ୍କୁ ସରପଞ୍ଚ ଓ ତାଙ୍କ ସ୍ୱାମୀ ଏକ ପରିଚୟ ପତ୍ରରେ ଦସ୍ତଖତ ଦେଇନଥିଲେ । ଏହି ଘଟଣା ଜାଣିବା ପରେ ସେ ମୁଖ୍ୟମନ୍ତ୍ରୀଙ୍କୁ ଭେଟି ଏ ସମ୍ପର୍କରେ ଲିଖିତ ଅଭିଯୋଗ କରିବେ ବୋଲି କହିଛନ୍ତି । ଅନ୍ୟପଟେ ପିଇଓ ଲଡୁ ସାହୁଙ୍କୁ ପଚାରିବାରୁ ନିଜ ମୁଣ୍ଡରୁ ଦୋଷ ଖସାଇ ମୁଁ ଜାଣି ପାରି ନାହିଁ ନଚେତ ଭତାଟଙ୍କା ଦେଇଥାନ୍ତି । ଆମେ ୱାର୍ଡ ମେମ୍ବର , ପିଅନ ଜରିଆରେ ଖବର କରୁ ମାତ୍ର ଏହି କ୍ଷେତ୍ରରେ ଆମେ ଖବର ଦେଇନାହୁଁ। ନିଜର ଭୁଲ ସ୍ୱୀକାର କରିବା ସହ ଘଟଣାକୁ ଅଧିକ ଉପରକୁ ନନେବାକୁ ନିବେଦନ କରିବା ସହ ଖୁବଶୀଘ୍ର ଭତା ଟଙ୍କା ଦିଆଯିବ ବୋଲି ଖାମଖିଆଲି ଭାବେ କହିଥିଲେ । ଏନେଇ ହରଭଙ୍ଗା ବିଡ଼ିଓ ଶରତ କୁମାର ସେଠୀଙ୍କୁ ପଚାରିବାରୁ ଘଟଣା ସମ୍ପର୍କରେ ତଦନ୍ତ କରି ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କହିଛନ୍ତି ।