11-Nov-2024

ବଲାଙ୍ଗିର(ଦେବାଶିଷ ବହିଦାର): ବଲାଙ୍ଗିର ଜିଲ୍ଲା ଆଇନ ସେବା ପ୍ରାଧିକରଣ ତରଫରୁ ଆଇନ ସଚେତନତା ଶିବିର
ରାଜ୍ୟ ଆଇନ ସେବା ପ୍ରାଧିକରଣଙ୍କ ନିର୍ଦେଶ ଅନୁସାରେ ଏବଂ ଜିଲ। ଆଇନ ସେବା ପ୍ରାଧିକରଣଙ୍କ ଅଧକ୍ଷ ଡକ୍ଟର ପବିତ୍ର ମୋହନ ସାମଲଙ୍କ ତତ୍ୱାବଧାନରେ ଅନୁଷ୍ଠିତ ହୋଇଯାଇଛି l ସ୍ଥାନୀୟ ପଥରଚେପl ଓଡିଶା ଆଦର୍ଶ ବିଦ୍ୟାଳୟ ଠାରେ ଅନୁଷ୍ଠିତ ଏହି ଆଇନ ସଚେତନତା ଶିବିରରେ  ବଲାଙ୍ଗିର ଜିଲ୍ଲା ଅତିରିକ୍ତ  ନ୍ୟାୟାଧିଶ(ପୋକସୋ) ଗୋପବନ୍ଧୁ ଗଡନାୟକ ଯୋଗଦାନ ଦେଇ ପୋକସୋ ଆଇନ ସମ୍ବନ୍ଧରେ ବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ଅବଗତ କରାଇଥିଲେ। ବଲାଙ୍ଗିର ଜିଲ୍ଲା ଆଇନ ସେବା ପ୍ରାଧିକରଣ ସଚିବ ପବିତ୍ରାନନ୍ଦ ପ୍ରଧାନ କିଶୋର  ନିଜ ବକ୍ତବ୍ୟରେ ଅଧିନିୟମ ଓ ନାଗରିକଙ୍କର ମୌଳିକ ଅଧିକାର  ସହିତ ଛାତ୍ରଛାତ୍ରୀ ମାନଙ୍କର ରାଷ୍ଟ୍ରପ୍ରଗତିରେ ଥିବା ଭୂମିକା ଏବଂ ପ୍ରାଧିକରଣ ଦ୍ବାରା ଦିଆ ଯାଉଥିବା ମାଗଣା ଆଇନ ସେବା ସଂପର୍କରେ ବିସ୍ତୃତ ଭାବରେ ଆଲୋକପାତ କରିଥିଲେ। ଶ୍ରୀମତୀ ସସ୍ମିତା ବାରିକ୍ ଉପ ଆରକ୍ଷୀ ଅଧିକ୍ଷିକ, ବଲାଙ୍ଗିର ଉକ୍ତ ଆଇନ ଉପରେ ପୁଲିସ୍ ବିଭାଗର ଦାୟିତ୍ବ ଏବଂ କର୍ତବ୍ୟ ଓ ବିପଦ ଆସିବା ଆଗରୁ କିପରି ସତର୍କତା ଅବଲମ୍ବନ କରିବା ତାହା ସମ୍ବନ୍ଧରେ ଆଲୋକପାତ କରିଥିଲେ । ଏହି ଶିବିରରେ ସିଡବ୍ଲ୍ୟୁସି ର ସଭ୍ୟ ଏସ୍ ଲତାଶ୍ରୀ ସିଡବ୍ଲ୍ୟୁସି ର ଦାୟିତ୍ବ ଉପରେ ସୂଚନା ପ୍ରଦାନ କରିଥିଲେ । ଶିବିରକୁ ବିଦ୍ୟାଳୟର ଅଧ୍ୟକ୍ଷ କ୍ଷମାନିଧି ଝାଙ୍କର ପରିଚାଳନା କରିଥିଲେ l ବିଦ୍ୟାଳୟର ଶିକ୍ଷକ, ଶିକ୍ଷୟିତ୍ରୀ ଏବଂ ଛାତ୍ରଛାତ୍ରୀ ମାନେ ଉପସ୍ଥିତ ଥିଲେ । ପରିଶେଷରେ ରାଷ୍ଟ୍ରୀୟ ଆଇନ ସେବା ପ୍ରାଧିକରଣଙ୍କ ଥିମ୍ ଗୀତ ପରିବେଷଣ କରାଯାଇ ନିଶୁଳ୍କ ଆଇନ ସେବା ସଂଖ୍ୟା ୧୫୧୦୦ ର ପ୍ରଚାର ପ୍ରସାର କରାଯାଇଥିଲା ।