11-Nov-2024

(ମନୋରଞ୍ଜନ ତ୍ରିପାଠୀ )
ସୁବର୍ଣ୍ଣପୁର ସ୍ଥିତ ଶ୍ରୀ ଗୋପାଳଜୀ ତମଶ୍ଵା ଯୋଗାଳୟ ମଧ୍ୟରେ, ମହିଳା ମାନଙ୍କ ଦ୍ୱାରା, ପ୍ରକୃତି ପୂଜନ- ଅଁଳା ନବମୀ ଉତ୍ସବ ପାଳନ ଅବସରରେ ଏକ ବୃକ୍ଷ ରୋପଣ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏହି ପାରିବାରିକ ବୃକ୍ଷ ପୂଜନ ଉତ୍ସବରେ ଶିକ୍ଷାଦାତ୍ରୀ ଅରୁନ୍ଧତୀ ମହାପାତ୍ର, ଶ୍ରୀମତୀ ମଞ୍ଜୁଶ୍ରୀ ବାବୁ, ଶ୍ରୀମତୀ ସୁବର୍ଣ୍ଣ ଶତପଥୀ, ଶ୍ରୀମତୀ ବିଦ୍ୟୁତ୍ ପ୍ରଭା ପଟ୍ଟନାୟକ,ଅଧ୍ୟାପିକା ନଳିନୀପ୍ରଭା ପ୍ରଧାନ ଏବଂ ଶ୍ରୀମତୀ ନିରୁପମା ତ୍ରିପାଠୀ ସମ୍ମାନୀୟା ଅତିଥି ଓ ବକ୍ତାଭାବରେ ମଞ୍ଚାସୀନ ହୋଇ, ବର୍ତ୍ତମାନ ପରିସ୍ଥିତିରେ କେବଳ ବୃକ୍ଷ ରୋପଣ ଦ୍ୱାରା ହିଁ ଶାନ୍ତ, ସ୍ଵଚ୍ଛ ,ସବୁଜ, ସୁନ୍ଦର ପୃଥିବୀ ଗଠନ କରି ପାରିବା ସମ୍ଭବପର ବୋଲି  ମତବ୍ୟକ୍ତ କରିଥିଲେ । ଶିକ୍ଷାବିତ୍ ଶତୃଘ୍ନ ହୋତା, ବିଭୂତି ଭୂଷଣ ଶତପଥୀ ବେଦମନ୍ତ୍ର, ବିଷ୍ଣୁ ସହସ୍ର ନାମ, ରୁଦ୍ରାଷ୍ଟକ ପ୍ରାର୍ଥନା ପାଠ କରିଥିଲେ । ସମ୍ପାଦକ ଡ.ଆର୍ତ୍ତତ୍ରାଣ ବାବୁ ସବୁଜ ବିପ୍ଲବ ରେ ଯୋଗାଳୟ ର ମହତ୍ତ୍ୱପୂର୍ଣ୍ଣ ଯୋଗଦାନ ଉପରେ ସାରଗର୍ଭକ ବକ୍ତବ୍ୟ ପ୍ରଦାନ କରିଥିବା ବେଳେ,ସଂଯୋଜକ ପ୍ରଦୀପ ପୁରୋହିତ  ଅଧୁନା ପରିସ୍ଥିତ ରେ ପରିବେଶରୁ , ଅଙ୍ଗାରକାମ୍ଳ ବିଷ ଶୋଷଣ କରି, ଅମ୍ଳଜାନ ରୂପକ ଅମୃତ ଦାନ କରି ନୀଳକଣ୍ଠ ସାଜିଥିବା ବୃକ୍ଷ ଦେବତା ଙ୍କ ରୋପଣ, ସୁରକ୍ଷା, ପରିଚାଳନା ତଥା ଯତ୍ନ ଉପରେ ସମସ୍ତେ ଧାନ ଦେବାକୁ ଅନୁରୋଧ କରିଥିଲେ ।  ଆର୍ଯ୍ୟମାନ୍, ଆୟୁଷ୍ମାନ୍,ଆର୍ଚ୍ଚିଷ୍କାନ୍   ଙ୍କ ସହିତ ଅନ୍ୟାନ୍ୟ ଶିଶୁ ପ୍ରତିଭା  ମଧ୍ୟ ଗୀତ ନାଚ ମାଧ୍ୟମରେ ତାଙ୍କ ପ୍ରତିଭା ପ୍ରଦର୍ଶନ କରିଥିଲେ । କାର୍ତ୍ତିକ ବ୍ରତ, ଅଁଳା ନବମୀ ଏବଂ ବୃକ୍ଷ ବନସ୍ପତି ଉପରେ ମଧ୍ୟ ଅନେକ ସଦସ୍ୟ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ ।ସବୁଜ ସୁବର୍ଣ୍ଣପୁର ଅଭିଯାନ ରେ ଏକ ପ୍ରମୁଖ ଭୂମିକା ନିଭାଇ ଥିବା ଯୋଗାଳୟ ର ବରିଷ୍ଠ ଯୋଗୀ ମୃତ୍ୟୁଞ୍ଜୟ ଦାସଙ୍କୁ ସପନ୍ନୀକ ସମ୍ବର୍ଦ୍ଧିତ କରାଯାଇଥିଲା ।ଉକ୍ତ ଉତ୍ସବରେ ଯୋଗାଳୟ ର ସମସ୍ତ ଯୋଗୀ ଗଣ ସପରିବାର ଯୋଗଦାନ କରି , ସବୁଜ ସୁବର୍ଣ୍ଣପୁର ଅଭିଯାନରେ ସାମିଲ ହେବାର ଦୃଢ଼ ସଂକଳ୍ପ ନେଇ, ମଧ୍ୟାହ୍ନ ଭୋଜନ ରେ ସାମିଲ
ହୋଇ ଖୁସି ବାଣ୍ଟିଥିଲେ ।