10-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପଦ୍ମପୁର ସ୍ଥିତ ଜେନିଥ ଲାୟନ ଗୁରୁକୁଳ ଠାରେ ଆୟୋଜକ ଚେତନା ପରିଷଦ ପକ୍ଷରୁ ରବିବାର ତା ୧୦. ୧୧. ୨୦୨୪ରିଖ ଦିନ ଝାନ୍ସୀରାଣୀ ଲକ୍ଷ୍ମୀବାଇଙ୍କ ଜୟନ୍ତୀ ମହା ସମାରୋହ ପାଳିତ ହୋଇଯାଇଛି। ଏଅବସରରେ ସ୍କୁଲ କଲେଜ ଛାତ୍ର ଛାତ୍ରୀ ମାନଙ୍କ ପାଇଁ ବିଭିନ୍ନ ପ୍ରତିଯୋଗିତା ଆୟୋଜିତ ହୋଇଥିବାବେଳେ,ଯେଉଁଥିରେ ଚିତ୍ରାଙ୍କନ, ସଂଗୀତ, କୁଇଜ,ବକୃତା, ବିଷୟରେ ପ୍ରତିଯୋଗିତା  ଅନୁଷ୍ଠିତ ହୋଇଥିଲା।ଏଥିରେ ଅଞ୍ଚଳ କଲେଜ ପଦ୍ମପୁର , ଓମେନ୍ସ କଲେଜ ପଦ୍ମପୁର ,ଜିଷ୍ଟ କଲେଜ ପଦ୍ମପୁର, ଓଡ଼ିଶା ଆଦର୍ଶ ବିଦ୍ୟାଳୟ,ବାନ୍ଦୁପାଲିଙ୍କ ସମେତ କଲୋନୀ ସ୍କୁଲ, ଟାଉନ ସ୍କୁଲ, ସରକାରୀ ବାଳିକା ହାଇସ୍କୁଲ, ଆର.ବି ହାଇସ୍କୁଲ, ପଦ୍ମପୁର , ସରସ୍ବତୀ ଶିଶୁମନ୍ଦିର ଓ ଅରବିନ୍ଦ ସ୍କୁଲର ୨୫୦ ରୁ ଉର୍ଦ୍ଧ ଛାତ୍ରଛାତ୍ରୀ ମାନେ  ଅଂଶଗ୍ରହଣ କରିଥିଲେ l

ମୁଖ୍ୟ ଅତିଥି ଭାବେ ବରିଷ୍ଟ ଆଇନଜୀବୀ ନନ୍ଦକିଶୋର ମାଝୀ, ଓ ବିଶିଷ୍ଟ ନାଟ୍ୟକାର ତଥା ଲେଖକ ଅଶୋକ ବହିଦାର ଯୋଗଦାନ କରି କାର୍ଯ୍ୟକ୍ରମକୁ ଉଦଘାଟନ କରିଥିଲେ।କାର୍ଯ୍ୟକାରୀ ସଭାପତି ହରିଶଙ୍କର ସିଂହ, ସମ୍ପାଦକ କିଶୋର ପାତ୍ର, ସଦସ୍ୟ ମନୋଜ ମହାନ୍ତି, ଭୂପେଶ ସାହୁ, ଗିରିଧାରୀ ସାହୁ, ଅଶୋକ ମିଶ୍ର, ସତ୍ୟବ୍ରତ ସାହୁ, ସୋମ୍ୟରଞ୍ଜନ ଷଡ଼ଙ୍ଗୀ, ଓଁକାର ମେହେର ପ୍ରମୁଖ ଯୋଗଦେଇ କାର୍ଯ୍ୟକ୍ରମକୁ ଆଗେଇ ନେଇଥିଲେ। ପ୍ରତିଯୋଗୀତାର ମୁଖ୍ୟ ବିଚାରକ ଭାବେ ଶୋଭନା ପଣ୍ଡା,ଅରୁଣା ସାହୁ, ଗିରିଧାରୀ ସାହୁ, ରାଜେଶ ଗୁର୍ଲ୍ଲା, ସଚ୍ଚି ସାହୁ, ଦୁର୍ଗାଶିଷ ପଟ୍ଟନାୟକ ମଞ୍ଚାସୀନ ଥିଲେ lଆୟୋଜିତ ହୋଇଥିବା ପ୍ରତିଯୋଗିତାରେ ଉତ୍ତିର୍ଣ୍ଣ ହୋଇଥିବା ଛାତ୍ରଛାତ୍ରୀ ମାନଙ୍କୁ ଆଗାମୀ  ୧୯ ତାରିଖରେ ଜୟନ୍ତୀ ସମାରୋହରେ ପୁରସ୍କୃତ କରାଯିବ ବୋଲିି ଆୟୋଜକ ମାନଙ୍କ ଠାରୁ ପ୍ରକାଶ। ଶେଷରେ ଚେତନା ପରିଷଦର ସଭାପତି ହରିଶଙ୍କର ସିଂ ଧନ୍ୟବାଦ ଅର୍ପଣ କରିଥିଲେ