10-Nov-2024

ଅତାବିରା(ଆକାଶ ମିଶ୍ର):  ଅତାବିରା ବ୍ଲକ  ଅନ୍ତର୍ଗତ     ଗୌରବ ଠିକା କମ୍ପାନୀ, ବରଗଡ଼ ଅଧୀନରେ ରେଙ୍ଗାଲିକ୍ୟାମ୍ପ ସେକ୍ସନ-୩ ରେ କାର୍ଯ୍ୟରତ  ବିଦ୍ୟୁତ୍ କର୍ମଚାରୀ  ମହେନ୍ଦ୍ର ନାଗ (୩୫)ଙ୍କ  ପରଲୋକ   ଘଟିଛି । ତାଙ୍କର ସ୍ବାସ୍ଥ୍ୟ ବସ୍ଥା ଠିକ୍ ନ ଥିବାରୁ ଗତ  ୬ ଦିନ ହେଲା  ସେ ଡାକ୍ତରଖାନାରେ ଚିକିତ୍ସିତ ହେଉଥିଲେ । କଳାପାଣି ରେ ତାଙ୍କର ଘର । ତାଙ୍କର ବିୟୋଗରେ  ଅଞ୍ଚଳରେ  ତଥା ବିଦ୍ୟୁତ୍  ବିଭାଗରେ ଶୋକର ଛାୟା ଖେଳିଯାଇଛି । ପ୍ରକାଶ ଥାଉ କି ମହେନ୍ଦ୍ର ଙ୍କ ପିତା ସୁନାଧର  ମଧ୍ୟ  ବିଦ୍ୟୁତ୍ ବିଭାଗରେ  ଏହି ସେକ୍ସନ ରେ  କାମ କରୁଥିବା ବେଳେ  ୬/୭ ବର୍ଷ   ତଳେ ସେ ମୃତ୍ୟୁବରଣ କରିଥିଲେ । ତାଙ୍କ ମୃତ୍ୟୁ ପରେ ତାଙ୍କରି ପେନସନ ରେ ପରିବାର  କଷ୍ଟେ ମଷ୍ଟେ ଚଳୁଥିଲେ । ବାପା ପରେ ପୁଅ ତାଙ୍କରି ଦାୟିତ୍ଵ ତୁଲାଇ ଆସୁଥିଲେ ।ମହେନ୍ଦ୍ର ଜଣେ  କର୍ମଠ ବ୍ୟକ୍ତି ଥିଲେ ।ତାଙ୍କରି  କାର୍ଯ୍ୟରେ ସେ କେବେ ଖିଲପି କରୁନଥିଲେ । ସେ ଚିକିତ୍ସିତ ହେଉଥିବା ବେଳେ  ସେକ୍ସନ ର କନିଷ୍ଠ ଯନ୍ତ୍ରୀ ମାନେ ତାଙ୍କୁ ଯାଇ  ଦେଖା ଦେଖି କରୁଥିଲେ । ହେଲେ ମୃତ୍ୟୁ  ପରେ  କମ୍ପାନୀ ର  ଆଦୌ ଦୃଷ୍ଟି ଦେଇ ନଥିବା  ନେଇ  ପରିବାର ବର୍ଗ  ଦୁଃଖ ପ୍ରକାଶ କରିଛନ୍ତି ।ତାଙ୍କର ମୃତ ଶରୀର ଡ଼ାକ୍ତରଖାନାରୁ ଘରକୁ ଅଣାଯିବା ପରେ ସେକ୍ସନ ର ସମସ୍ତ  କର୍ମଚାରୀ ତାଙ୍କର ଶେଷ ଦର୍ଶନ କରିବା ସହିତ ତାହାର ଅନ୍ତେଷ୍ଟି  କ୍ରିୟା ସଂପନ୍ନ କରିଥିଲେ । ଆଜି ସ୍ବର୍ଗତ ମହେନ୍ଦ୍ର ଙ୍କ ଅମର ଆତ୍ମାର ସଦଗତି ନିମନ୍ତେ  ସେକ୍ସନ ର ସମସ୍ତ କର୍ମଚାରୀ ମାନେ ନୀରବ ପ୍ରାର୍ଥନା  କରିଥିଲେ । ସେକ୍ସନ ର କନିଷ୍ଠ ଯନ୍ତ୍ରୀ  ବାସୁଦେବ ରାଏଗୁରୁ, ଲାଇନ୍ ମ୍ୟାନ  ଡି ଜି ରାଓ, ମାନସ ସାହୁ, ପ୍ରକାଶ ଚନ୍ଦ୍ର ପ୍ରଧାନ, ଅଶୋକ କୁମାର ମହନ୍ତ, ଟିକିନାଥ ବାଦି, ଆନନ୍ଦ ବିଶ୍ଵାଳ ଓ ଅଶ୍ଵିନୀ ନାୟକ ପ୍ରମୁଖ ତାଙ୍କର ଅନ୍ତେଷ୍ଟୀ କ୍ରିୟା ରେ  ଉପସ୍ଥିତ କରିଥିଲେ ।