10-Nov-2024

କେବଳ ପ୍ରଶାସନ ନୁହେଁ, ସହରକୁ ସବୁଜ ଓ ସ୍ୱଚ୍ଛ ରଖିବା ଆମ ସମସ୍ତଙ୍କ କର୍ତ୍ତବ୍ୟ

 ବଲାଙ୍ଗୀର(ପ୍ରେରଣା ଖବର) ବଲାଙ୍ଗୀରର ଅଗ୍ରଣୀ ସାହିତ୍ୟ ସାମାଜିକ ଓ ସାଂସ୍କୃତିକ ଅନୁଷ୍ଠାନ ରଚନା ଦ୍ୱାରା ଆୟୋଜିତ ରଚନା ସନ୍ଧ୍ୟା କାର୍ଯ୍ୟକ୍ରମରେ ଏହି ମତ ପ୍ରକାଶ ପାଇଛି l
ଗତ ଶନିବାର ସ୍ଥାନୀୟ ପି.ପି ଏକାଡେମୀ ସଭାକକ୍ଷ ଠାରେ ଅନୁଷ୍ଠାନର ସଭାପତି ସନାତନ ଠାକୁରଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଅତିଥି ବକ୍ତା ଭାବରେ ବଲାଙ୍ଗୀର ପୌରାଧକ୍ଷା ଲିକା ସାହୁ, ପରିବେଶ କର୍ମୀ ସୁଶୋଭିତା ଗୁରୁ, ଆଇନଜୀବୀ ଶୁଭ୍ରାଂଶୁ ଶେଖର ପଣ୍ଡା ଓ ସମାଜସେବୀ ଅରୁଣ ମିଶ୍ର ଅତିଥି ବକ୍ତା ଭାବରେ ଯୋଗଦେଇ ନିଜ ପ୍ରିୟ ସହରକୁ ସବୁଜ ସ୍ୱଚ୍ଛ ରଖିବା ପାଇଁ ଆମର କଣ ଦାୟିତ୍ୱ ରହିଛି ଓ ଆମେ ଏଥିପ୍ରତି କେତେ ସଚେତନ, ପ୍ରଶାସନ କଣ ସବୁ ପଦକ୍ଷେପ ନେଉଛି ଓ ଆଗକୁ ନେବାର ଅଛି ସେ ସମ୍ପର୍କରେ ଆଲୋଚନା କରିଥିଲେ l ଆମେ ନିଜଘର ଅଳିଆ ଆବର୍ଜନା ଘର ଆଗ ନାଳରେ ନ ପକାଇ ମଇଳା ଗାଡିକୁ ଦେବା ଓ ସହରର ଖାଲିସ୍ଥାନରେ ମିଳିତ ଭାବରେ ବୃକ୍ଷରୋପଣ କାର୍ଯ୍ୟକ୍ରମ କରିବା ପ୍ରୟାସ କରିବା ଆବଶ୍ୟକ ବୋଲି ମତ ପ୍ରକାଶ ପାଇଥିଲା l ପ୍ରାରମ୍ଭରେ ରଚନାର ସମ୍ପାଦକ ଭାଗିରଥି ମିଶ୍ର 

ସ୍ୱାଗତ ଭାଷଣ ଓ ପରିଚୟ ପ୍ରଦାନ କରିଥିଲେ l ଅତିଥି ବକ୍ତା ମାନଙ୍କ ବକ୍ତବ୍ୟ ପରେ ଅନୁଷ୍ଠିତ ମତ ବିନିମୟ କାର୍ଯ୍ୟକ୍ରମରେ, ଶିକ୍ଷାବିତ ମନୋରଞ୍ଜନ ସାହୁ, ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା, ସମାଜସେବୀ ରଶ୍ମି ପାତ୍ର, କବି ସସ୍ମିତା ନେପାକ, ଅଧ୍ୟାପକ ଜଗନ୍ନାଥ ସାହୁ ନିଜସ୍ୱ ମତ ଉପସ୍ଥାପନ କରିଥିଲେ l ସମସ୍ତ କାର୍ଯ୍ୟକ୍ରମକୁ ପରିଚାଳନା କରିଥିଲେ ସହ ସମ୍ପାଦକ ରତ୍ନମୟ ତ୍ରିପାଠୀ l ଶେଷରେ ସମସ୍ତଙ୍କୁ ଧନ୍ୟବାଦ ଦେଇଥିଲେ ରଚନାର ସଭାପତି ସନାତନ ଠାକୁର l ଏହି କାର୍ଯ୍ୟକ୍ରମରେ ସହରର ଅନେକ ବୁଦ୍ଧିଜୀବୀ, ସମାଜସେବୀ ଓ ସଚେତନ ନାଗରିକ ଉପସ୍ଥିତ ଥିଲେ