09-Nov-2024

ନବରଙ୍ଗପୁର (ମିହିର ଶଙ୍କର ପାତ୍ର,)
ଜିଲ୍ଲାର ବିଭିନ୍ନ ବ୍ଲକରେ ଶିକ୍ଷା ବିଭାଗର ବିଚିତ୍ର ନୀତି ଦେଖୁବାକୁ ମିଳିଛି । ଶିକ୍ଷକ ଶିକ୍ଷୟତ୍ରୀ ମାନେ ଗୋଟିଏ ଗୋଟିଏ ସ୍କୁଲରେ ୧୦ ବର୍ଷରୁ ଉଦ୍ଧ ରହି କାର୍ଯ୍ୟ କରୁଛନ୍ତି, ଯାହା ଫଳରେ ଶିକ୍ଷା ବିଭାଗରେ ଉନ୍ନତି ପରିବର୍ତ୍ତେ ଅବନିତୀ ଘଟୁଛି । ଶିକ୍ଷା କ୍ଷେତ୍ରରେ ସୁଧାର ଆଣିବା ପାଇଁ ରାଜ୍ୟ ଓ କେନ୍ଦ୍ର ସରକାର ବିଭିନ୍ନ ପଦକ୍ଷେପ ଗ୍ରହଣ କରୁ ଛନ୍ତି । କୋମଳମତି ଛାତ୍ରଛାତ୍ରୀଙ୍କ ଶିକ୍ଷାର ମୂଳଦୁଆ ପ୍ରାଥମିକ ବିଦ୍ୟାଳୟରୁ ପଡ଼ିଥାଏ, ହେଲେ ବେସରକାରୀ ସ୍କୁଲରେ ପାଠ ପଢା ଉନ୍ନତ ମାନର ହେଉଥିବା ବେଳେ ସରକାରୀ ବିଦ୍ୟାଳୟରେ ଆଖିଦୃଶିଆ ପାଠ ପଢା ହେଉନଥିବା ମନେକରି ଅଭିଭାବକମାନେ ନିଜ ପିଲାମାନଙ୍କୁ ବେସରକାରୀ ସ୍କୁଲରେ ନାମ ଲେଖାଉଛନ୍ତି । ସରକାର ମାଗଣାରେ ଖାଦ୍ୟ, ବହି, ପୋଷାକ, ଜୋତା ଦେଉଥିବା ବେଳେ ସରକାରୀ ବିଦ୍ୟାଳୟରୁ ପିଲାମାନଙ୍କର ଉପସ୍ଥାନ ହ୍ରାସ ପାଉଛି । *"ସବୁଠାରୁ ଗୁରୁତ୍ଵପୂର୍ଣ୍ଣ କଥା ହେଲା ସରକାରଙ୍କ ବିଭିନ୍ନ ବିଭାଗରେ ଚାକିରି କରି ଥିବା ଅଧିକାରୀମାନଙ୍କୁ ତିନି ବର୍ଷ କାର୍ଯ୍ୟକାଳ ପୁରଣ ହେଲା ପରେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ବଦଳି ହେବାର ନିୟମ ରହିଛି"* । କାରଣ କାର୍ଯ୍ୟରେ ସ୍ୱଚ୍ଛତା ରହିବ ଓ ଜନସାଧାରଣ ଉତ୍ତମ ସେବା ପାଇପାରିବେ ଆଉ କୌଣସି ଦୁର୍ନୀତି ହେବନାହିଁ । ସବୁ ଆଇନ କାନୁନକୁ ଫୁ କରି ଜିଲ୍ଲାରେ ନିଜ ମନମାନୀ ଚଳାଇଛନ୍ତି ଶିକ୍ଷା ବିଭାଗର ଅଧୂକାରୀ ମାନେ । ଶିକ୍ଷା ବିଭାଗର ଏଭଳି ବିଚିତ୍ର ନୀତି, ଗୋଟିଏ ଗୋଟିଏ ସ୍କୁଲରେ ଶିକ୍ଷକ ଶିକ୍ଷୟତ୍ରୀ ୧୦ ବର୍ଷରୁ ଉଦ୍ଧ ରହି କାର୍ଯ୍ୟ କରୁଛନ୍ତି । ଯାହା ଫଳରେ ପିଲାମାନଙ୍କର ପାଠ ପଢା ଠିକ୍ ହେଉନାହିଁ ସେମାନଙ୍କର ମାନସିକ ଭୌତିକ ଦକ୍ଷତା କ୍ଷେତ୍ରରେ ସେଭଳି ବିକାଶ ଘଟୁ ନାହିଁ । ବିଭିନ୍ନ ସମୟରେ ଗ୍ରାମବାସୀ,ଅଭିଭାବକମାନେ ପିଲାମାନଙ୍କ ପାଠ ପଢା ସ୍ୱାର୍ଥ ଦୃଷ୍ଟିରୁ ଦୀର୍ଘ ଦିନ ପଡିରହିଥିବା ଶିକ୍ଷକ ଶିକ୍ଷୟତ୍ରୀଙ୍କୁ ଅନ୍ୟତ୍ର ବଦଳି ପାଇଁ ଉପରିସ୍ତ ଅଧିକାରୀଙ୍କ ନିକଟରେ ଅଭିଯୋଗ କରୁଛନ୍ତି, ହେଲେ କେତେକ ଅସାଧୁ ଶିକ୍ଷକ ଶିକ୍ଷୟତ୍ରୀ ସେମାନଙ୍କର ସ୍ୱାର୍ଥ ସାଧନ ପାଇଁ ଉପରିସ୍ତି ଅଫିସରଙ୍କୁ ହାତଗୁଞ୍ଜା ଦେଇ ସେହି ସ୍ଥାନରେ ପଡ଼ି ରହୁ ଥ‌ିବା ଗୁରୁତର ଅଭିଯୋଗ ହୋଇଛି । ଯାହା ଫଳରେ ପ୍ରଥମିକ ଶିକ୍ଷା ଉନ୍ନତି ବଦଳରେ ଦିଗହରା ହୋଇପଡ଼ିଛି । ଗୋଟିଏ ସ୍କୁଲରେ ୧୦ ବର୍ଷରୁ ଉଦ୍ଧ ଚାକିରି କରି ଥିବା ଶିକ୍ଷକ ଶିକ୍ଷୟତ୍ରୀଙ୍କୁ ଅନ୍ୟତ୍ର ବଦଳି କଲେ ଶିକ୍ଷା କ୍ଷେତ୍ରରେ ସଂସ୍କାର ଆସିପାରିବ ବୋଲି ଶିକ୍ଷାବିତ୍ ମାନେ ମତ ପ୍ରକାଶ କରିଛନ୍ତି।ଏଥିପ୍ରତି ମୁଖ୍ୟମନ୍ତ୍ରୀ, ଶିକ୍ଷାମନ୍ତ୍ରୀ, ଶିକ୍ଷା ସଚିବ ଓ ଜିଲ୍ଲା ଶିକ୍ଷା ଅଧୂକାରୀ ଦୃଷ୍ଟି ଦେବା ପାଇଁ ସାଧାରଣରେ ଦାବୀ ହୋଇଛି ।