09-Nov-2024

ଲୋଇସିଂହା, (ବିନୋଦ ଦୀପ) ଲୋଇସିଂହା ସ୍ଥିତ ବ୍ଲକ ସଭାଗୃହ ରେ ପଂଚାୟତ ସମିତି ବୈଠକ ଅନୁଷ୍ଠିତ ହୋଇଯାଇଛି l ଲୋଇସିଂହା ବ୍ଲକ ଅଧ୍ୟକ୍ଷ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକ ରେ ଲୋଇସିଂହା ବିଡ଼ିଓ ଅକ୍ଷୟପାଣି ଉଡ୍ଡୁ , ବଲାଙ୍ଗୀର ସାଂସଦ ଙ୍କ ଲୋଇସିଂହା ବ୍ଲକ ପ୍ରତିନିଧି  ଶ୍ରୀଯୁକ୍ତ ବାଳକୃଷ୍ଣ ଧାରୁଆ, ବିଧାୟକ ଙ୍କ ପ୍ରତିନିଧି ଶ୍ରୀଯୁକ୍ତ ଗୌରାଙ୍ଗ ନାଏକ, ଜିପିଓ କିଶୋରଚନ୍ଦ୍ର ମାନସିଂହ, ଯୋଗାଣ ଅଧିକାରୀ ସୋମ୍ୟରଞ୍ଜନ ମହାନନ୍ଦ, ଏ. ଇ. ସିଦ୍ଧାର୍ଥ ପାଢ଼ୀ ସମେତ ଅନ୍ୟାନ୍ୟ ବିଭାଗର ଅଧିକାରୀ ସହିତ ସମସ୍ତ ସରପଞ୍ଚ ଓ ସମିତି ସଭ୍ୟ ଓ ସଭ୍ୟା ଉପସ୍ଥିତ ଥିଲେ l ସମିତି ବୈଠକ ନାମକୁ ମାତ୍ର ହେଉଛି ବୋଲି ଲୋକେ ଆକ୍ଷେପ କରୁଛନ୍ତି  ଏପରିକି ଉକ୍ତ ବୈଠକ ରେ ବିଭିନ୍ନ ପ୍ରସ୍ତାବ ଦେଲେ ତାହା କାର୍ଯ୍ୟକାରୀ ହେଉନାହିଁ ବୋଲି କହି ବୈଠକ ଆରମ୍ଭ ହେବା ମାତ୍ରେ ସରପଞ୍ଚ ସଂଘ ସଭାପତି ତଥା ମାଗୁରବେଡା ସରପଞ୍ଚ ସଞ୍ଜୟ ଗଡତ୍ୟା ବୈଠକ ରୁ ଉଠି ଚାଲିଯାଇଥିଲେ।ତାଙ୍କୁ ଯେତେ ବୁଝାସୁଝା କରାଯାଇଥିଲେ ମଧ୍ୟ ସେ ବୈଠକ କୁ ଫେରିନଥିଲେ।ପରେ କୃଷି ବିଭାଗ ଉପରେ ହୋଇଥିବା ଆଲୋଚନା ରେ ବ୍ଲକ ସହକାରୀ କୃଷି ଅଧିକାରୀ ରୋହନ କୁମାର ସାହୁ ଚଳିତ ଖରିଫ ଋତୁ ରେ ବଣ୍ଟନ ହୋଇଥିବା କୀଟ ଉପରେ ତଥ୍ୟ ରଖିଥିଲେ।

କେତେକ ପଂଚାୟତ ର ସରପଞ୍ଚ ଓ ସମିତି ସଭ୍ୟ ସେ ନେଇ ଅବଗତ ନ ଥିବା କହି ଅସନ୍ତୋଷ ପ୍ରକାଶ କରିଥିଲେ। ବ୍ଲକ ର ଅଣଚାଷୀ କୁ କୀଟ ପ୍ରଦାନ କରାଯାଉଛି ବୋଲି ବାଦୀମୁଣ୍ଡା ସରପଞ୍ଚ ଶ୍ରୀଯୁକ୍ତ କିରଣ ସାହୁ ଅଭିଯୋଗ କରିବା ସହ ପୂର୍ବଭଳି ପଂଚାୟତ ଜରିଆରେ ଚାଷୀ କୁ ବିହନ ବଣ୍ଟନ କରିବାକୁ ଗୃହ ର ଦୃଷ୍ଟି ଆକର୍ଷଣ କରିଥିଲେ।ଜଳ ଯୋଗାଣ ଓ ଜନସ୍ୱାସ୍ଥ୍ୟ ବିଭାଗ ର ଆଲୋଚନା ବେଳେ ଜଳ ଯୋଗାଣ ରେ ଅବ୍ୟବସ୍ଥା ଓ କେତେକ ପ୍ରକଳ୍ପ ବିଳମ୍ବିତ ହେଉଥିବା ରୁ ସଭ୍ୟାସଭ୍ୟ କ୍ଷୋଭ ପ୍ରକାଶ କରିଥିଲେ।ଏ ନେଇ ବ୍ଲକ ଶ୍ରୀଯୁକ୍ତ ଅଧ୍ୟକ୍ଷ ଯତୀନ୍ଦ୍ର ପଟେଲ ସହକାରୀ ଯନ୍ତ୍ରୀ ଙ୍କୁ ତାଗିଦ କରିବା ସହ ଅଭିଯୋଗ ଉପରେ ତୁରନ୍ତ ପଦକ୍ଷେପ ନେବାକୁ କହିଥିଲେ l ଆଜିର ବୈଠକ ରେ ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଅଭିଯୋଗ କରିଥିଲେ ସ୍ୱାସ୍ଥ୍ୟମନ୍ତ୍ରୀ ଡ଼. ମୁକେଶ ମହାଲିଙ୍ଗ ଙ୍କୁ l ଲୋଇସିଂହା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ପାଣିର ସମସ୍ୟା ରହିଛି ଯାହାକି ରୋଗୀ ଚିକିତ୍ସା ପାଇଁ ଆସୁଥିବା ବେଳେ ପିଇବା ପାଣି ପାଇପାରୁ ନାହାନ୍ତି l ଏହାସହ ଡାକ୍ତର ଓ ନର୍ସ ଙ୍କ ଅଭାବ ରହିଛି l ସ୍ୱାସ୍ଥ୍ୟମନ୍ତ୍ରୀ ଯଦି ବିଭିନ୍ନ କାର୍ଯ୍ୟକ୍ରମ ଗୁଡିକରେ ଯୋଗଦେଇ ପାରୁଛନ୍ତି ହେଲେ ନିଜ ଅଂଚଳ ର ସ୍ୱାସ୍ଥ୍ୟକେନ୍ଦ୍ରକୁ ଯିବାପାଇଁ ସମୟ ନାହିଁ ବୋଲି ଅଧ୍ୟକ୍ଷ ପ୍ରକାଶ କରିଥିଲେ l ସ୍ୱାସ୍ଥ୍ୟ ବିଭାଗ ଆଲୋଚନା ରେ ଡାକ୍ତର ସଂଜୀବ ବିଶ୍ୱାଳ ଯୋଗଦେଇ  ଲୋଇସିଂହା ଡାକ୍ତର ଖାନା ସ୍ତ୍ରୀ ଓ ପ୍ରସୂତି ବିଭାଗ ଡାକ୍ତର, ସର୍ଜରୀ ଡାକ୍ତର ଓ ୬ ଜଣ ଷ୍ଟାଫ ନର୍ସ ପଦବୀ ଖାଲିଅଛି ଯାହା ଫଳରେ ରୋଗୀ ମାନେ ବହୁ ଅସୁବିଧା ଭୋଗୁଛନ୍ତି ବୋଲି କହିଥିଲେ l ସ୍ୱାସ୍ଥ୍ୟ ମନ୍ତ୍ରୀ ଙ୍କ ନିର୍ବାଚନ ମଣ୍ଡଳୀ ସଦର ଡାକ୍ତର ଖାନା ରେ ରୋଗୀ ଙ୍କୁ ନିମ୍ନ ମାନର ବେଡ଼ସିଟ ଦିଆଯାଉଥିବାରୁ ବ୍ଲକ ଅଧ୍ୟକ୍ଷ ଶ୍ରୀଯୁକ୍ତ ଯତୀନ୍ଦ୍ର ପଟେଲ ଅସନ୍ତୋଷ ପ୍ରକାଶ କରିଥିଲେ l ବୁର୍ଡ଼l ସରପଞ୍ଚ ସୁଦିପ ସା ସମେତ ଅନ୍ୟମାନେ ମାଇନିଙ୍ଗ କାର୍ଯ୍ୟାଳୟ କୁ ନେଇ ଟ୍ରାକ୍ଟର ର ରୟାଲଟି କଟା ଯାଉଥିବା ବେଳେ ରିସିଭ କପି ଦେଉ ନ ଥିବାରୁ ଅସନ୍ତୋଷ ବ୍ୟକ୍ତ କରିଥିଲେ l ଯୋଗୀସାର୍ଡl ଠାରେ ଆର ଆଇ ର ଅଭାବ l କୃଷି ବିଭାଗ ର ଆଗାମୀ ଦିନରେ 55 ହେକ୍ଟର ଜମିରେ ଅଲୁଚାଷ କରାଯିବା ର ପ୍ରକ୍ରିୟା ସହ ପିଆଜ, ଲେସୁନ, ମିର୍ଚ୍ଚା ମାନଙ୍କରେ 75% ସବସିଡି କୁ ଦୋହରା ଗଲା l 2024-25 ବର୍ଷ ଖରିଫ ଋତୁ ଧାନକିଣା ବିଷୟକୁ ନେଇ ଏହି ଋତୁରେ ସର୍ବମୋଟ 10 ଟି ମଣ୍ଡିରେ 6258 ଜଣ ଚାଷୀ ପଞ୍ଜିକୃତ ହୋଇଛନ୍ତି ବୋଲି ଯୋଗାଣ ଅଧିକାରୀ ଶ୍ରୀ ମହାନନ୍ଦ ପ୍ରକାଶ କରିଛନ୍ତି l ଆଜିର ବୈଠକ ରେ ବିଦ୍ୟୁତ କଟ ଯୋଗୁଁ ବିଦ୍ୟୁତ ନ ଥିଲା ହେଲେ ବିଦ୍ୟୁତ ର କୌଣସି ବ୍ୟବସ୍ଥା ନ ହେବାରୁ ସରପଞ୍ଚ ଓ ସମିତି ଅସନ୍ତୋଷ ପ୍ରକାଶ କରିଥିଲେ l