09-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ଭାରତ ସରକାରଙ୍କ ତତନ୍ତଭି-୨୦୨୪ ପାଇଁ ଏକ ପରାମର୍ଶ ଦାତା ସହ ଡିଜାଇନ କମିଟି ହ୍ୟାଣ୍ଡଲୁମ ବିକାଶ କମିଶନରଙ୍କ ନିର୍ଦ୍ଦେଶାନୁସାରେ ଭାରତର ବିଭିନ୍ନ ପ୍ରାନ୍ତର ବୁଣାକାର ମାନଙ୍କୁ ନେଇ ଏକ ପରାମର୍ଶ ଦାତା କମିଟି ଗଠନ କରାଯାଇଛି।ଏହି ପରାମର୍ଶ ଦାତା କମିଟିରେ ବରଗଡ଼(ଓଡ଼ିଶା)ର ଶ୍ରୀମାନ ରାମକୃଷ୍ଣ ମେହେର ଯିଏକି ଏଇ କିଛି ମାସ ପୂର୍ବେ ଭାରତ ସରକାରଙ୍କ ପକ୍ଷରୁ ସନ୍ଥ କବୀର ଆୱାର୍ଡ଼ ରେ ସମ୍ମାନିତ ହୋଇଥିଲେ,ସେ ମଧ୍ୟ ଏହି ୨୦ ଜଣ ପରାମର୍ଶ ଦାତା କମିଟିରେ ଅଛନ୍ତି। ତାଙ୍କ ଅଭିଜ୍ଞ ଜ୍ଞାନ କୈାଶଳ, ଡିଜାଇନ୍ ତଥା  ନିଚ୍ଛକ ବାନ୍ଧକଳା ଦେଶ ବିଦେଶରେ ବେଶ ଆଦୃତ ହୋଇ ପାରିଛି। ବିଗତ ଦିନରେ ଶ୍ରୀମାନ ମେହେରଙ୍କୁ କାଶ୍ମୀରରେ ଅନୁଷ୍ଠିତ ଜି-୨୦ ଶିଖର ସମ୍ମୀଳନୀରେ ସମ୍ମାନୀତ କରା ଯାଇଥିଲା। ଜାନୁଆରୀ ୨୦୨୧ ମସିହାରେ ପ୍ରତିଷ୍ଠିତ ଗଣତନ୍ତ୍ରର ସର୍ବୋଚ୍ଚ ସମ୍ମାନ ଜନକ ପୁରସ୍କାର ପାଇଁ ମାନବାଧିକାର ପାଇଁ ନୋବେଲ ପୁରସ୍କାରରେ ସମ୍ମାନୀତ କରାଯାଇଥିଲା। ସୁବର୍ଣ୍ଣପୁର ସହରର ସ୍ଥିତ ଏକ ବୁଣାକାର ପରିବାରରେ ଜନ୍ମଗ୍ରହଣ କରି ଥିବା ଶ୍ରୀମାନ ରାମକୃଷ୍ଣ ମେହେର ପିଲାଟି ଦିନରୁ ତାଙ୍କ ପରିବାର ଠାରୁ ସମ୍ବଲପୁରୀ କଳାର ପାରମ୍ପରିକ ଜ୍ଞାନ କୈାଶଳ ପାଇଁ ଆଗକୁ ଆଗକୁ ବଢ଼ି ଚାଲିଛନ୍ତି।୧୯୮୬ ମସିହାରେ ଭାରତ ସରକାରଙ୍କର ବୟନ ମନ୍ତ୍ରଣାଳୟ ଅଧୀନରେ ଥିବା ଇନଷ୍ଟିଚ୍ୟୁଟ ଅଫ୍ ହ୍ୟାଣ୍ଡଲୁମ ଟେକ୍ନୋଲୋଜି ରେ ଅଧ୍ୟୟନ କରି ସ୍ନାତକ ହାସଲ କରି ପାରିଥିଲେ। ସ୍ନାତକୋତ୍ତର ଡିଗ୍ରୀ ହାସଲ ପରେ ପରେ ବୁଣାକାର ସମ୍ପ୍ରଦାୟ ମୁକ୍ତ ଭାବେ ସେବା କରିବା ଲକ୍ଷ୍ୟରେ ବରଗଡ଼ ଠାରେ ମେହେର ସର୍ଭିସ୍ ନାମକ ଏକ ବୁଣାକାର ସଂଗଠନ ପ୍ରତିଷ୍ଠା କରିଛନ୍ତି। ଶ୍ରୀମାନ ମେହେର ଉଭୟ ସମସାମୟିକ ତଥା ପାରମ୍ପାରିକ ତନ୍ତ କଳା ଉପରେ ଶତାଧିକ ସମ୍ବଲପୁରୀ ଡିଜାଇନ୍ ସୃଷ୍ଟି କରି ପାରିଛନ୍ତି। ହସ୍ତତନ୍ତ କ୍ଷେତ୍ରରେ ଜଣେ ସଫଳତାର ଶିର୍ଷର ଉଦ୍ୟୋଗୀ ଭାବେ ୨୦୧୭ ମସିହା ମାର୍ଚ୍ଚ ମାସରେ ଦକ୍ଷିଣ ଆମେରିକାର ଚିକାଗୋ ସାଣ୍ଟିଆଗୋ ସହରରେ ସରକାରୀ ପ୍ରଯୋଜିତ ସମ୍ବଲପୁରୀ ହ୍ୟାଣ୍ଡଲୁମ କପଡା ପ୍ରଦର୍ଶନୀରେ ଅଂଶଗ୍ରହଣ କରି ସମ୍ବଲପୁରୀ ହ୍ୟାଣ୍ଡଲୁମ ପୋଷାକକୁ ପ୍ରୋତ୍ସାହିତ କରିବା ଭଳି ଅନେକ ପ୍ରୟାସ କୁ ସମଗ୍ର ଓଡ଼ିଶାବାସୀ ପ୍ରଶଂସା କରୁଛନ୍ତି।