09-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ଗୋଷ୍ଠୀ ଶିକ୍ଷା କାର୍ଯ୍ୟାଳୟ ଅନ୍ତର୍ଗତ ବରମୁଣ୍ଡା ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ତ୍ରିଦିବସୀୟ ପ୍ରୟୋଗ ପ୍ରଶିକ୍ଷଣ ଶିବିର ଉଦଯାପିତ ହୋଇଯାଇଛି। ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ତଥା ବି.ଆର.ସି.ସି ଦିବାକର ବରିହା ମୁଖ୍ୟ ଅତିଥି ଭାବେ ଯୋଗଦେଇ ଏହାକୁ ଉଦଘାଟନ କରିଥିଲେ। ତୃତୀୟ ଶ୍ରେଣୀ ଉତ୍ତୀର୍ଣ୍ଣ ହେବାବେଳକୁ ପ୍ରତି ଶିକ୍ଷାର୍ଥୀ ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନରେ ନିପୁଣ ହେଵେ। ଯେପରି ଦୈନନ୍ଦିନ ଜୀବନରେ ସେମାନେ ସ୍ଵାଧୀନ ଭାବେ କାର୍ଯ୍ୟ ସଂପାଦନ କରିବେ। ସୁତରାଂ ଶିକ୍ଷାର୍ଥୀମାନଙ୍କୁ ନିପୁଣ କରିବା ପାଇଁ ସେମାନଙ୍କୁ କିଭଳି ଶିକ୍ଷା ଦାନ ପ୍ରଦାନ କରାଯିବ,ସେ ସଂପର୍କରେ ପ୍ରାଥମିକ ଶିକ୍ଷା ଦାୟିତ୍ଵରେ ରହିଥିବା ଶିକ୍ଷକ ଶିକ୍ଷୟିତ୍ରୀ ପ୍ରଶିକ୍ଷଣ ନେଇଥିଲେ। ସି.ଆର.ସି.ସି ବାସୁଦେବ ପଧାନ,ରାଜେଶ୍ଵର ବେହେରା, ପ୍ରଭାତ ରଞ୍ଜନ ସାହୁ, ସୁଧାଂଶୁ ଶେଖର ଜାଲ, ହେମନ୍ତ କୁମାର ଆରୁକ, ପ୍ରକାଶ ମହାନନ୍ଦ,ଡୋଳାମଣି କୁମ୍ଭାର, ତ୍ରିନାଥ ସେଠ, ନବୀନ କୁମାର ସାହୁ,ଶରତ ପଧାନ, ସୁନନ୍ଦ ମିଶ୍ର, ଆର୍ତ୍ତତ୍ରାଣ ଚୌହାନ.ପ୍ରମୁଖ ପ୍ରଶିକ୍ଷକ ଭାବେ ଯୋଗଦେଇ ଥିଲେ। ଦୁଇଟି ପର୍ଯ୍ୟାୟରେ ଆୟୋଜିତ ପ୍ରଶିକ୍ଷଣ ଶିବିରରେ ବାରଗୋଟି କ୍ଲଷ୍ଟରରୁ  ୨୩୦ ଜଣ ଶିକ୍ଷକ ଶିକ୍ଷୟିତ୍ରୀ ପ୍ରଶିକ୍ଷଣ ନେଇଥିଲେ। ସ୍ଥାନୀୟ ସ୍କୁଲର ପ୍ରଧାନଶିକ୍ଷକ ସନ୍ତୋଷ ବାଗଙ୍କ ଅଧ୍ୟକ୍ଷତାରଜ  ଉଦଯାପନୀ ସମାରୋହ ଅନୁଷ୍ଠିତ ହୋଇଥିଲା। ଏହି ଅବସରରେ ସ୍ଥାନୀୟ ସ୍କୁଲ ପକ୍ଷରୁ ମୁଖ୍ୟ ଅତିଥି ଗୋଷ୍ଠୀ ଶିକ୍ଷା ଅଧିକାରୀ ନାରାୟଣ ଭୁଏଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଥିଲା। ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ଦିବାକର ବରିହା ଓ ସୁଶାନ୍ତ କୁମାର ପାଣ୍ଡେ,, ମିଳିତ ପ୍ରାଥମିକ ଶିକ୍ଷକ ସଂଘର ସଭାପତି ବାସୁଦେବ ପଧାନ, ସ୍କୁଲ ଚେୟାରମେନ ସୁବୋଧ ସାହୁ, ପୂର୍ବତନ ଚେୟାରମେନ ରାଧାକାନ୍ତ ସାହୁ ସମ୍ମାନୀୟ ଅତିଥି ଭାବେ ଯୋଗଦେଇ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ଉତ୍ସାହିତ କରିଥିଲେ। ସ୍ଥାନୀୟ ସ୍କୁଲର ଛାତ୍ରମାନେ ସ୍ଵାଗତ ନୃତ୍ୟ ପରିବେଷଣ କରି ସମସ୍ତଙ୍କୁ ବିମୋହିତ କରି ଦେଇଥିଲେ।ନମିତା ବେହେରା, ବିଡ଼ିଓ ସାହୁ ପ୍ରମୁଖ ଶିକ୍ଷକ ଶିକ୍ଷୟିତ୍ରୀ ପ୍ରଶିକ୍ଷଣ ବିଷୟରେ ନିଜର ଅନୁଭୂତି ବର୍ଣ୍ଣନା କରିଥିଲେ। ସୀତାରାମ ଦୀପ,ଦୁର୍ଵାଦଳ ବଡଗୋଛିଆ,, ବିଭୂତି ଭୂଷଣ ସାହୁ, ମୁକ୍ତେଶ୍ଵର  ମେହେର, ଅମୀୟ ପ୍ରସାଦ ଭୋଇ,ମିତା ଗଡତିଆ, ସୌଦାମିନୀ ଵାରିକ,   ନୀଳିମା ପଧାନ , ବିଶ୍ଵଜିତ ହୋତା ପ୍ରମୁଖ ଶିବିର ପରିଚାଳନାରେ ସହଯୋଗ କରିଥିଲେ। ବଡଵାଉଁଶେନ ସି.ଆର.ସି.ସି ଦୁର୍ବାଦଳ ବଡଗୋଛିଆ ଧନ୍ୟବାଦ ଅର୍ପଣ କରିଥିଲେ।