09-Nov-2024

ବୋଡ଼େନ (ଡୋଲେଶ୍ବର ବାଗ ) ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଗୋଷ୍ଠୀ ଶିକ୍ଷା କାର୍ଯ୍ୟାଳୟ ପରିସରରେ ବ୍ଲକ ସ୍ତରୀୟ ଭୀମ ଭୋଇ ଭିନ୍ନକ୍ଷମ ସାମର୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି।ବ୍ଲକ ଅଧ୍ୟକ୍ଷା ପ୍ରେମ ଶିଳା ନାଗ ମୁଖ୍ୟ ଅତିଥି ଭାବରେ ଯୋଗଦାନ କରିଥିବା ବେଳେ ବିଶିଷ୍ଟ ଅତିଥି ଭାବରେ ପି ଡି ଲମ୍ବୋଦର ଧରୁଆ,ଡି ଏସ ଏସ ଓ ଅନନ୍ତ କୁମାର ହେମ୍ବ୍ରମ,ବି ଡି ଓ ସୁଶାନ୍ତ କୁମାର ରଣା,ସମ୍ମାନିତ ଅତିଥି ରୂପେ ଜିଲ୍ଲା ଭିନ୍ନକ୍ଷମ ସମିତି ସଭାପତି ଅଚ୍ୟୁତାନନ୍ଦ ସୁନାନି,ଜିଲ୍ଲା ଭିନ୍ନକ୍ଷମ ସମିତି ସମ୍ପାଦକ ଦିଲିପ କୁମାର ଷଡଙ୍ଗୀ,ସି ଡି ପି ଓ ଅର୍ଚ୍ଚନା ରାଉତ,ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ନେପାଲ ଚନ୍ଦ୍ର ଦେ ପ୍ରମୁଖ ମଞ୍ଚାସିନ ଥିଲେ ।ଜି ପି ଇ ଓ ପ୍ରଫୁଲ୍ଲ କୁମାର ନାଏକ ମଞ୍ଚ ପରିଚାଳନା କରିଛନ୍ତି ।କାର୍ଯ୍ୟକ୍ରମଟିକୁ ସମ୍ପୂର୍ଣ୍ଣ ଭାବରେ ବି ଏସ ଏସ ଓ କୁମର ମାଝୀ,ଜୁନିଅର ଆସିଷ୍ଟାଣ୍ଟ ହିତେଶ କୁମାର ଆଡବାହି ଓ ପ୍ରୋଗ୍ରାମ ଆସିଷ୍ଟାଣ୍ଟ ଚିତ୍ତରଞ୍ଜନ ଦଣ୍ଡସେନା ପରିଚାଳନା କରିଥିବାବେଳେ ଶିଶୁ ବିକାଶ ପ୍ରକଳ୍ପ କର୍ମଚାରୀ ସୁପର ଭାଇଜର ଓ ଅଙ୍ଗନୱାଡ଼ି କର୍ମୀ,ନୂଆପଡ଼ା ଆର୍ ସି ଟି ରୁ ରବିନ କୁମାର ରଥ, ଏ ପି ଓ ରବିନାରାୟଣ ରାଉତ,ଜି ପି ଡି ଓ ଭୀଷ୍ମ କୁମାର, ବ୍ଳକର ସମସ୍ତ ପଞ୍ଚାୟତ ନିର୍ବାହୀ ଅଧିକାରୀ,ଜି ଆର୍ ଏସ,ବି ଆର୍ ସି,ବି ପି ସି,ପୋଲିସ ଏସ ଆଇ ରାମେଶ୍ବର ବାଗ ,ଏସ ଆଇ ବିଘ୍ନରାଜ ମାଝୀ ଓ ପୋଲିସ କର୍ମଚାରୀ,ସ୍ନାତକ ମହାବିଦ୍ୟାଳୟର ଅଧ୍ୟାପକ ଡଃ କିଶୋର କୁମାର କର୍ଣ୍ଣ ଓ ଏନ୍ ଏସ ଏସ ର ସ୍ବେଚ୍ଛାସେବୀ,ଗୋଷ୍ଠୀ ଶିକ୍ଷା କାର୍ଯ୍ୟାଳୟର କର୍ମଚାରୀ,ସ୍ବାସ୍ଥ୍ୟ ବିଭାଗର ବିଭିନ୍ନ ପଦପଦବୀର କର୍ମଚାରୀ,ଡାକ୍ତର ଧନଞ୍ଜୟ ଭୁଏ,ଡାକ୍ତର ଲାଲ ଶ୍ରୀ ଭୋକ୍ତା,ଡାକ୍ତର ବିପୁଳ ଗର୍ଗ,ଡାକ୍ତର ରଞ୍ଜିତ କୁମାର ରାଉତ,ଡାକ୍ତର ଅନିତା ସାହୁ,ଡାକ୍ତର ମହେନ୍ଦ୍ର କୁମାର ମାଝୀ,ଅନ୍ୟାନ୍ୟ ସ୍ବାସ୍ଥ୍ୟ ବିଭାଗୀୟ ଅଧିକାରୀ ଶୁଭଶ୍ରୀ ହେମ୍ବ୍ରମ,ଦୟାନନ୍ଦ ବୁଦ୍ଧିଆ,ଘନଶ୍ୟାମ ସାହୁ,ଦୀପ୍ତି ଖୁଣ୍ଟିଆ,ଅଗ୍ନିଶମ ବିଭାଗ କର୍ମଚାରୀ,ସ୍ଥାନୀୟ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ଆଜିକାର ଶିବିରରେ ଉପସ୍ଥିତ ରହି ସହଯୋଗ କରିଥିଲେ ।ଆଜିକାର ଶିବିରରେ ଅସ୍ଥିଶଲ୍ୟ, ଶ୍ରବଣ ବାଧିତ,ଦୃଷ୍ଟି ହୀନ,ମାନସିକ ବିକୃତି,ସିକ୍କିଲ ସେଲ,ବସ ପାସ,ଟ୍ରେନ ପାସ,ବାଣୀ ଶ୍ରୀ,ଡି ଆର୍ ଆଇ ଲୋନ୍,ଏମ ବି ପି ୱାଇ,ଏନ୍ ଏସ ଏପି,ଭୋକେଶନାଳ ରିହାବିଲିଟେଶନ,ଖାଉଟି ଓ ବାସ ଗୃହ,ଭତ୍ତା ଇତ୍ୟାଦି ଉପରେ ପଞ୍ଜିକରଣ କରାଯାଇଥିଲା ।ସମୁଦାୟ ୫୫୯ ଜଣଙ୍କ ପଞ୍ଜିକରଣ ହୋଇଛି ।ମଞ୍ଚାଷିନ ସମସ୍ତ ଅଧିକାରୀ ନିଜ ବକ୍ତବ୍ୟରେ କହୁଥିଲେ କି ସାଧାରଣ ବ୍ୟକ୍ତି ଭୁଲ କରିବା ବେଶୀ ଦେଖିବାକୁ ମିଳେ କିନ୍ତୁ ଭିନ୍ନକ୍ଷମ ବ୍ୟକ୍ତି ଭୁଲ କରିବା ଇତିହାସ ପୃଷ୍ଠାରେ କମ୍ ଦେଖିବାକୁ ମିଳେ ।ସେମାନଙ୍କୁ ଆମ ସମାଜ ଘୃଣ୍ୟ ଆଖିରେ ନ ଦେଖୁ ବରଂ ସେମାନଙ୍କ ଅନ୍ତର୍ନିହିତ କଳାକୁ ପରିପ୍ରକାଶ କରିବାରେ ଆମ ସମାଜ ସହଯୋଗ କରିବା ସହିତ ସୁବିଧା ଯୋଗାଇ ଦେବାକୁ ଅନୁରୋଧ କରିଥିଲେ ।ଆଉ ମଧ୍ୟ କହିଲେ କି ଜଣେ ସାଧାରଣ ବ୍ୟକ୍ତି ଅପରାଧ କରେ ହେଲେ ଭିନ୍ନକ୍ଷମ ବ୍ୟକ୍ତି କେବେ ଅପରାଧ କରିନଥାଏ ।ଆମ ସରକାର ଅନେକ ଯୋଜନା କରିଛନ୍ତି ଭିନ୍ନକ୍ଷମଙ୍କ ପାଇଁ କିନ୍ତୁ ସେମାନେ ସବୁ ଯୋଜନାକୁ ଜାଣି ପାରୁନାହାନ୍ତି ଯେମିତି କି ମ୍ୟାରେଜ୍ ଇନସେନଟିଭ,ଡି ଆର୍ ଆଇ ଲୋନ,ଛାତ୍ର ଛାତ୍ରୀଙ୍କ ପାଇଁ ବାଣୀ ଶ୍ରୀ ଇତ୍ୟାଦି ।ତେଣୁ ସମସ୍ତ ଅତିଥି ଗଣ ଉପସ୍ଥିତ ଲୋକଙ୍କୁ ଏସବୁ ଯୋଜନାରେ ଭିନ୍ନକ୍ଷମମାନଙ୍କୁ ସାମିଲ କରି ସୁସ୍ଥ ଓ ସନ୍ତୁଳିତ ସମାଜ ଗଠନ କରିବାକୁ ଅନୁରୋଧ କରିଥିଲେ ।