07-Nov-2024

ବରଗଡ଼:(ନିରଞ୍ଜନ ତ୍ରିପାଠୀ)-ସ୍ୱାଧୀନତା ୭୫ ବର୍ଷ ମଧ୍ୟରେ ନାଁ ସବୁ ଜମି ଜଳସେଚନ ହୋଇ ପାରିଛି ନାଁ କୃଷିଜାତ ଦ୍ରବ୍ୟ ର ମୂଲ୍ୟ ମିଳିଛି, ନାଁ ବଜାର ବ୍ୟବସ୍ଥା ହୋଇ ପାରିଛି। ନିର୍ବାଚିତ ସରକାର ମାନେ କୁମ୍ଭକର୍ଣ୍ଣ ନିଦ୍ରାରେ ଶୋଇଥିବା ବେଳେ ଚଳିତ ବର୍ଷ ରାଜବୋଡାସମ୍ବର କୃଷକ ସଂଗଠନ ପ୍ରତ୍ୟେକ ବର୍ଷ ପରି ଚଳିତ ବର୍ଷ ଅର୍ଥାତ୍ ଆସନ୍ତାକାଲି ତା ୦୮.୧୧.୨୦୨୪ରିଖ ଶୁକ୍ରବାର ବିରାଟ କୃଷକ ଗର୍ଜନ ସମାବେଶ ପାଳନ କରିବାର ସ୍ଥିର କରିଥିବା ପ୍ରେସ ବିବୃତିରେ ଜଣାଇଛନ୍ତି।ଚଳିତ ସମାବେଶ ରେ କିଛି ସ୍ଥାନୀୟ ପ୍ରସଙ୍ଗ ଥିବା ବେଳେ କିଛି ଜାତୀୟ ବା ନୀତି ଗତ ତ୍ରୁଟି କୁ ପ୍ରସଙ୍ଗ କରି ଏହି କାର୍ଯ୍ୟକ୍ରମ କରାଯାଇଛି। ଧାନ ବିକ୍ରି, ବିଦ୍ୟୁତ ବିଲ, ସ୍ମାର୍ଟ ମିଟର, ଜଳସେଚନ, ମରୁଡି ଆଦିର ସ୍ଥାୟୀ ସମସ୍ୟାର ସମାଧାନ ପାଇଁ ପଦ୍ମପୁର ଗୋରୁ ବଜାର ଠାରେ ଗର୍ଜିବେ ଦିଲ୍ଲୀ ରୁ ପଲ୍ଲୀ ପର୍ଯ୍ୟନ୍ତର ଚାଷୀମାନେ । ସମର୍ଥନ ଦେବା ପାଇଁ ଆସୁଛନ୍ତି ସଂଯୁକ୍ତ କିସାନ ମୋର୍ଚ୍ଚାର ସଚିବ ମଣ୍ଡଳୀ ସଦସ୍ୟ ପି କ୍ରିଷ୍ଣ ପ୍ରସାଦ, ଅଫ୍ଲାତୁନ ଦେଶାଇ, ରାଜେନ୍ଦ୍ର ଚୌଧୁରୀ, ସୁନୀଲ କୁମାର, ରାଜ୍ୟ କିସାନ ମୋର୍ଚ୍ଚାରୁ ରଘୁନାଥ ଦାସ, ସୁରେନ୍ଦ୍ର ହୋତା, କଳାହାଣ୍ଡି ରୁ ଲିଙ୍ଗରାଜ ଆଜାଦ, ସୋନପୁର ସୋନାଲି ବିଶି ଙ୍କ ସମେତ ସଂଯୁକ୍ତ କୃଷକ ସଂଗଠନ ର ସମସ୍ତ ବ୍ଲକ ସଙ୍ଗଠନ ସଦସ୍ୟ ।ଏଣୁ ଅଞ୍ଚଳବାସୀ, ଚାଷୀ ଭାଇମାନେ ଉପସ୍ଥିତ ରହି ଆପଣଙ୍କ ସମସ୍ୟା ପ୍ରସଙ୍ଗରେ ଅବଗତ କରାଇବେ ବୋଲି ସଂଗଠନ ନିବେଦନ କରିଛନ୍ତି।