06-Nov-2024

ନବରଙ୍ଗପୁର (ମିହିର ଶଙ୍କର ପାତ୍ର)
ପାପଡାହାଣ୍ଡି ବ୍ଲକ ମୈଦଲପୁର ଥାନା ଅନ୍ତର୍ଗତ ଗର୍ଭରାଇ ଶିବ ମନ୍ଦିର ର ହୁଣ୍ଡି ଭାଙ୍ଗି ବିଳମ୍ବିତ ରାତିରେ ଲକ୍ଷାଧିକ ଟଙ୍କା ଲୁଟି ନେଇଛନ୍ତି ଦୁର୍ବୁତ୍ତ ।ମଙ୍ଗଳବାର ସକାଳୁ ପୂଜକ ଧନୁର୍ଜୟ ପୂଜାରୀ ମନ୍ଦିର ର ମୁଖ୍ୟ ଫାଟକ ଖୋଲି ଭିତରକୁ ଯାଇ ଠାକୁରଙ୍କ ସାମନା ଗେଟ ର ତାଲା ଭାଙ୍ଗି ଯାଇଥିବା ଏବଂ ହୁଣ୍ଡି ଭଙ୍ଗା ଯାଇଥିବା ଦେଖିବାକୁ ପାଇଥିଲେ ।ଏହି ବିଷୟରେ ପୂଜକ ମନ୍ଦିର କମିଟି ସଦସ୍ୟ ମାନଙ୍କୁ ଜଣାଇଥିଲେ ।ଖବର ପାଇ ମୈଦଲପୁର ପୋଲିସ ମନ୍ଦିର ରେ ପହଞ୍ଚି ତଦନ୍ତ ଆରମ୍ଭ କରିଛି । ହୁଣ୍ଡି ଭାଙ୍ଗି ଦୁର୍ବୁତ୍ତ ଟଙ୍କା ଲୁଟି ନେଇ ଯାଇଥିବା ଜଣା ପଡିଥିଲା । ହୁଣ୍ଡୀ ପାଖରେ ଟର୍ଚ୍ଚ ଲାଇଟ ତଳେ ପଡିଛି ।
 ମନ୍ଦିର ପ୍ରତିଷ୍ଠା ବେଳ ଠାରୁ ହୁଣ୍ଡି ଖୋଲା ଯାଇନାହିଁ । ଇତି ମଧ୍ୟରେ ମନ୍ଦିର ପ୍ରତିଷ୍ଠା ପରେ ହୁଣ୍ଡି ରେ ଟଙ୍କା  ଭର୍ତ୍ତି ହୋଇଥିଲା ଏବଂ ସେଥିରେ ଲକ୍ଷାଧିକ ଟଙ୍କା ଥିବା ଅନୁମାନ କରାଯାଉଛି । ମନ୍ଦିର ନିକଟରୁ 200 ମିଟର ଦୂର ମକା ବାଡ଼ରେ ହୁଣ୍ଡୀ ଭାଙ୍ଗି ଛନ୍ତି !  ମୈଦଲପୁର ଥାନା ଅଧିକାରୀ ଆସି ତଦନ୍ତ ଜାରି ରଖିଛି।