05-Nov-2024

ବଲାଙ୍ଗୀର(ପ୍ରେରଣା ଖବର):  ଆସନ୍ତା ଡିସେମ୍ବର ୨୧ ଓ ୨୨ ତାରିଖ ଦୁଇ ଦିନ ଧରି ବଲାଙ୍ଗୀର ପତିତପାବନ ଏକାଡେମୀର ହୀରକ ଜୟନ୍ତୀ ସମାରୋହ ପାଳନ ହେବ l ଏହି ଅବସରରେ ଆଜି ସନ୍ଧ୍ୟାରେ ସ୍କୁଲ ପରିସରରେ ବଲାଙ୍ଗୀର ପତିତପାବନ ଏକାଡେମୀ ହୀରକ ଜୟନ୍ତୀ ସମାରୋହର ଲୋଗୋ ଉନ୍ମୋଚିତ ହୋଇଯାଇଛି l ଏହି ଅବସରରେ ଅନୁଷ୍ଠିତ ଏକ ସଭାରେ ମୁଖ୍ୟ ଅତିଥି ଭାବେ ରାଜେନ୍ଦ୍ର ବିଶ୍ୱବିଦ୍ୟାଳୟର କୁଳପତି ଉମାବଲ୍ଳଭ ମହାପାତ୍ର ଯୋଗ ଦେଇ ଛାତ୍ର ମାନଙ୍କୁ ଶୃଙ୍ଖଳିତ ଜୀବନ ସହିତ ଜୀବନ ରେ ଧେର୍ଯ୍ୟହରl  ନହୋଇ

ନିଜର ଲକ୍ଷ୍ୟସ୍ଥଳକୁ ଆଗେଇ ଯିବାକୁ ପରାମର୍ଶ ଦେଇଥିଲେ l ବରେଣ୍ୟ ଅତିଥି ଭାବେ ପି. ପି.ଏକାଡେମୀ ର ପୂର୍ବତନ ଶିକ୍ଷକ ଶରତ ଚନ୍ଦ୍ର ଦୀକ୍ଷିତ, ବଲାଙ୍ଗୀର ଡି.ଇ.ଓ ଧୃବ ଚରଣ ବେହେରା ମଞ୍ଚାସୀନ ରହି ସ୍କୁଲ ଓ ଶିକ୍ଷାଦାନକୁ ନେଇ ଅତୀତର ସ୍ମୃତି ବଖାଣି ଥିଲେ l ପପି  ଏକାଡେମୀ ଶିକ୍ଷାଦାନ ଓ ଶୃଙ୍ଖଳା କ୍ଷେତ୍ରରେ ଏକ ଅଗ୍ରଣୀ ସ୍କୁଲ ଅଟେ ବୋଲି ଅତିଥି ମାନେ ମତ ଦେଇଥିଲେ l ସ୍କୁଲର ପ୍ରଧାନ ଶିକ୍ଷକ ସିନୁସୁନ୍ଦର ପାଢୀ ସଭାକୁ ସଂଯୋଜନା କରିଥିଲେ l ଲୋଗୋ ର ପ୍ରସ୍ତୁତକର୍ତ୍ତା ଚିତ୍ରଶିଳ୍ପୀ ଶେଖର ସେଠ୍  ଲୋଗୋ ପଛ ରେ ରହିଥିବା ବିଷୟବସ୍ତୁ ସମ୍ପର୍କରେ ବକ୍ତବ୍ୟ ରଖିଥିଲେ l ସଭା ପ୍ରାରମ୍ଭରେ ପୁରାତନ ଛାତ୍ର ଶଶୀଭୂଷଣ ପୁରୋହିତ ସ୍ୱାଗତ୍ ଭାଷଣ ପ୍ରଦାନ କରିଥିବା ବେଳେ ଜୁବୁଲି କମିଟିର କୋଷାଧ୍ୟକ୍ଷ ଦତ୍ତlନନ୍ଦ ପଣ୍ଡା ଧନ୍ୟବାଦ ଅର୍ପଣ କରିଥିଲେ l ପରେ ସ୍କୁଲ ପରିସରରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା l
ଆସନ୍ତା ଦିନରେ ହୀରକ ଜୟନ୍ତୀ କମିଟି ପକ୍ଷରୁ ଅନୁଷ୍ଠିତ

ହେବାକୁ ଥିବା ସ୍କୁଲସ୍ତରୀୟ କ୍ରୀଡା, ବକ୍ତୃତା, ପ୍ରବନ୍ଧ ଓ ଚିତ୍ରାଙ୍କନ ପ୍ରତିଯୋଗିତା ଉପରେ ବିସ୍ତୃତ ସୂଚନା ଦିଆଯାଇ ଥିଲା l  ସ୍କୁଲର ପ୍ରତିଷ୍ଠାତା ଚକ୍ରଧର ପଣ୍ଡାଙ୍କ ଜନ୍ମ ଦିନରେ ମିନି ମାରାଥନ୍ ଆୟୋଜନ ଉପରେ ସୂଚନା ଦେଇଥିଲେ l ଏହି ସଭାରେ ସ୍କୁଲର ପ୍ରତିଷ୍ଠାତା ଚକ୍ରଧର ପଣ୍ଡାଙ୍କ  ପୁତ୍ର ସନ୍ତୋଷ ପଣ୍ଡା,ପୁତ୍ରବଧୂ ପଙ୍କଜିନୀ ପଣ୍ଡା,ପୂର୍ବତନ ଶିକ୍ଷକ ବିବେକାନନ୍ଦ ମିଶ୍ର, ରଘୁନାଥ ମିଶ୍ର, ସ୍କୁଲର ଶତାଧିକ ଛାତ୍ର, ପୂରାତନ ଛାତ୍ର ଓ ସ୍କୁଲର ଶିକ୍ଷକ ଶିକ୍ଷୟିତ୍ରୀ ଯୋଗ ଦେଇଥିଲେ