03-Nov-2024

ବଲାଙ୍ଗୀର (ପ୍ରେରଣା ଖବର): ବଲାଙ୍ଗୀର ଜିଲ୍ଲା ଚିତ୍ରଗୁପ୍ତ କଲ୍ୟାଣ  ସମିତି ତରଫରୁ  କରଣ ମାନଙ୍କ ଆରାଧ୍ଯ ଦେବତା ପ୍ରଭୁ ଚିତ୍ରଗୁପ୍ତଙ୍କ ପୂଜନୋତ୍ସବ ଅବସରରେ ସମିତିର ବାର୍ଷିକ ଅଧିବେଶନ ଅନୁଷ୍ଠିତ ହୋଇଯାଇଛି। ସ୍ଥାନୀୟ  ନରସିଂହ ମନ୍ଦିର  ପରିସରରେ ଥିବା ଚିତ୍ରଗୁପ୍ତ ମନ୍ଦିର ପାଖରେ ଅନୁଷ୍ଠିତ ଏହି କାର୍ଯ୍ୟକ୍ରମ ଦୁଇଦିନ ଧରି ଅନୁଷ୍ଠିତ ହୋଇଥିବା ବେଳେ ବାର୍ଷିକ ଅଧିବେଶନରେ ସଭାପତିତ୍ବ କରିଥିଲେ ପ୍ରୀତମ କୁମାର ବକ୍ସି।ଅଖିଳ ଭାରତ କାୟସ୍ଥ ମହାସଭାର କାର୍ଯ୍ୟକାରିଣୀ ସଦସ୍ଯ  ବିକ୍ରମାନନ୍ଦ ବହିଦାର, ସଂପାଦକ ଅଶ୍ବିନୀ କୁମାର ପଟ୍ଟନାୟକ, କୋଷାଧ୍ୟକ୍ଷ ମାନସ ରଞ୍ଜନ ବହିଦାର ଉପସଭାପତି କାଞ୍ଚନମଣି ଦାନୀ ମଂଚାସୀନ ହୋଇଥିଲେ । ସଂପାଦକ ଅଶ୍ବିନୀ କୁମାର ପଟ୍ଟନାୟକ ବାର୍ଷିକ ବିବରଣୀ ପାଠ କରିଥିବା ବେଳେ  କୋଷାଧ୍ୟକ୍ଷ ମାନସ ରଞ୍ଜନ ବହିଦାର ବାର୍ଷିକ ଆୟବ୍ଯୟର ବିବରଣୀ ଉପସ୍ଥାପନ କରିଥିଲେ। ବଲାଙ୍ଗୀର ସହର ମଧ୍ଯରେ

ଏକ ଜାଗା ବ୍ୟବସ୍ଥା କରି ଅନୁଷ୍ଠାନ ର ଏକ ସଭାଗୃହ ତିଆରିବାକୁ ଓ ବର୍ଷ ତମାମ ବିଭିନ୍ନ  କାର୍ଯ୍ୟକ୍ରମ କରିବାକୁ  ପ୍ରସ୍ତାବ ଗ୍ରହଣ କରାଯାଇଥିଲା। ବିଭିନ୍ନ ପ୍ରସ୍ତାବ ଆଗତ କରିଥିଲେ ଯୋଗେଶ୍ବର ମହାନ୍ତି,ଗୌରଚରଣ ପୃଷେଠ,ଶ୍ରୀମତୀ ଧୀରା ବହିଦାର। ସପ୍ତାହ ବ୍ୟାପୀ ବିଭିନ୍ନ  ପ୍ରତିଯୋଗିତା ଅନୁଷ୍ଠିତ ହୋଇ ବାର୍ଷିକ ଅଧିବେଶନ ସଂଧ୍ୟାରେ  କୃତୀ ପ୍ରତିଯୋଗୀ ପ୍ରତିଯୋଗିନୀ ମାନଙ୍କୁ  ପୁରସ୍କୃତ କରାଯାଇଥିଲା।  ଏହି ଅବସରରେ ଚିତ୍ରାଙ୍କନରେ ରାଜ୍ୟସ୍ତରୀୟ କୃତୀତ୍ବ ପାଇଁ କୁମାରୀ ଦିବ୍ୟାଂଶୀ ମହାନ୍ତି ଓ ଜାତୀୟ ସ୍ତରରେ କାରାଟେ ଚମ୍ପିୟନସିପ ପାଇଁ  ଅନୁଷ୍କା ପଟ୍ଟନାୟକ ଙ୍କୁ ମାନପତ୍ର ,ଉପଢୌକନ ଓ ଟ୍ରଫି ଦେଇ ସମ୍ବର୍ଦ୍ଧିତ କରାଯାଇଥିଲା।