31-Oct-2024

ବଲାଙ୍ଗୀର (ପ୍ରେରଣା ଖବର):  ବଳାଙ୍ଗୀରର ପ୍ରମୁଖ ସାମାଜିକ ସଂଗଠନ ସହଯୋଗ ଫାଉଣ୍ଡେସନ ନାରାୟଣୀ କଲୋନିରେ ଦୀପାବଳି ଉତ୍ସବ ପାଳନ କରିବା ଦ୍ବାରା ସମାଜର ପ୍ରତି ଏକତା ଓ ସମାନତାର ମହତ୍ବ ଦେଖାଇଛି। ଏହି କଲୋନିର ଲୋକମାନେ ସାଧାରଣ ସମାଜର ସହିତ ସମ୍ପର୍କ ରଖି ନଥାଇ , ସେମାନଙ୍କ ପାଇଁ ଏହି ଉତ୍ସବ ସମାଜର ଏକତାର ଆଧାର ଭାବେ ରହିଛି। ରଙ୍ଗୋଲି ପ୍ରତିଯୋଗିତା, ପୁରାତନ  ଖେଳ, ସ୍ନାକ୍ସ ଏବଂ ଖାଦ୍ୟ ବିତରଣ ଓ ପାରମ୍ପରିକ ଦୀପାବଳି ପୂଜା ଦ୍ବାରା ଏହି ଉତ୍ସବକୁ ଆହୁରି ଉଲ୍ଲାସିତ କରାଯାଇଥିଲା, ଯାହା ନାରାୟଣୀ କଲୋନିରେ ଅନନ୍ୟ ଖୁସି ପ୍ରଦାନ କରିଥିଲା l

କାର୍ଯ୍ୟକ୍ରମ ସଂଯୋଜକ ରାମନାରାୟଣ ଦାଶ କହିଛନ୍ତି ଯେ, ୧ ନଭେମ୍ବରରେ ହେବାକୁ ଥିବା ବଳାଙ୍ଗୀର ଦିନ  ଅବସରରେ ସହଯୋଗ ଫାଉଣ୍ଡେସନ ତିନି ଦିନିଆ ଉତ୍ସବର ଆୟୋଜନ କରିଛି, ଯେଉଁଠାରେ ବିଶେଷ ସାମାଜିକ ଏବଂ ସାସ୍କୃତିକ  କାର୍ଯ୍ୟକ୍ରମ  ରହିବ। ଏହି କାର୍ଯ୍ୟକ୍ରମର ସଫଳତାରେ  ମଗନଲାଲ ପଟେଲ, ରାଜେଶ ଲଖାନୀ, ସୁଦୀପ୍ତ ତ୍ରିପାଠୀ, ତୋଫାନ ପାତ୍ର, ଏବଂ ପ୍ରଭାତ ଶ୍ରୀବାସ୍ତବଙ୍କ ବିଶେଷ ସହଯୋଗ  ଥିଲା l

ସହଯୋଗ ଫାଉଣ୍ଡେସନର ସାଧାରଣ ସମ୍ପାଦିକା ପିଙ୍କି ମୋଦୀ କହିଛନ୍ତି, ପ୍ରତିବର୍ଷ ଆମେ ନାରାୟଣୀ କଲୋନିରେ ଦୀପାବଳି

ପାଳନ କରୁଛୁ, ଯାହାର ଉଦ୍ଦେଶ୍ୟ ସମାଜର ସମସ୍ତ ଲୋକଙ୍କୁ ଏକତାରେ ବାନ୍ଧିବା ଏବଂ ସେମାନଙ୍କ ପାଖରେ ହର୍ଷ ବଢ଼ାଇବା। ଆସନ୍ତା  ମାସରେ  କମ୍ବଳ ବିତରଣ, ଆୟୁର୍ବେଦିକ   ସ୍ୱାସ୍ଥ୍ୟ ଶିବିର, ଏବଂ ବୃଦ୍ଧାଶ୍ରମର ଅନ୍ତେବାସୀ ଙ୍କୁ ହରିଶଙ୍କର ଭ୍ରମଣ କରାଇବାର ଯୋଜନା ଅଛି ବୋଲି ସୂଚନା ଦେଇଥିଲେ l