27-Oct-2024

ବରଗଡ଼ (ପ୍ରେରଣା ଖବର): ଏକକ- ବ୍ୟବହୃତ ପ୍ଲାଷ୍ଟିକ ପର୍ଯ୍ୟାବରଣ ପାଇଁ ଅନୁକୂଳ ନୁହେଁ । ତେଣୁ ପରିବେଶକୁ ସୁସ୍ଥ ଓ ସ୍ୱଚ୍ଛ ରଖିବା ଆଭିମୁଖ୍ୟ ନେଇ ବରଗଡ଼ ଜିଲ୍ଲା ଅମ୍ବାଭୋନା ବ୍ଲକ ଅନ୍ତର୍ଗତ ଭୁକ୍ତା ସ୍ଥିତ ଜନତା ହାଇସ୍କୁଲରେ ବୀର ସୁରେନ୍ଦ୍ର ସାଏ ଇକୋ କ୍ଲବ ତରଫରୁ ବିଦ୍ୟାଳୟରେ ଏକକ-ବ୍ୟବହୃତ ପ୍ଲାଷ୍ଟିକ ମୁକ୍ତ ପରିବେଶ ସୃଷ୍ଟି ପାଇଁ ପ୍ରୟାସ ଜାରି ରହିଛି। ଏହି ଉପଲକ୍ଷେ ବିଦ୍ୟାଳୟର ପ୍ରଧାନ ଶିକ୍ଷକ ଦୁର୍ଗା ପ୍ରସାଦ ନାୟକଙ୍କ ତତ୍ତ୍ଵାବଧାନରେ ଇକୋ କ୍ଲବ ମାଷ୍ଟର ଟ୍ରେନର ସଞ୍ଜୟ ଖମାରୀଙ୍କ ନେତୃତ୍ବରେ ଏକକ-ବ୍ୟବହୃତ ପ୍ଲାଷ୍ଟିକ ମୁକ୍ତ ପରିବେଶ ସୃଷ୍ଟି କରିବା ନିମନ୍ତେ

ସ୍ବଚ୍ଛତା ଅଭିଯାନ କାର୍ଯ୍ୟକ୍ରମ କରାଯାଇଥିଲା। ବିଦ୍ୟାଳୟ ପରିସର ଏବଂ ନିକଟସ୍ଥ ଖେଳ ପଡିଆରେ ସଫେଇ କାର୍ଯ୍ୟ କରାଯାଇଥିଲା।ଏହି କାର୍ଯ୍ୟକ୍ରମରେ ବିଦ୍ଯାଳୟର ବୀର ସୁରେନ୍ଦ୍ର ସାଏ ଇକୋ କ୍ଲବ, ମାନକ କ୍ଲବ,ଶକ୍ତି କ୍ଲବ , ସିଭି ରମଣ ବିଜ୍ଞାନ କ୍ଲବ୍,ହୋମି ଭାବା ବିଜ୍ଞାନ କ୍ଲବ୍,ଓ ଜୁନିଅର୍

ରେଡ୍ କ୍ରସର ସଦସ୍ୟ,ଶିକ୍ଷକ ସଂଜୟ ଖମାରୀ, ଜ୍ୟୋତିଶ୍ଚନ୍ଦ୍ର ପଧାନ, ଈଶ୍ୱର ପଧାନ,ଶ୍ରୀପତି ସାହୁ, ତେଜରାମ ସା,ଅଙ୍କିତ ମହନ୍ତ, ସୁବାସ ଚନ୍ଦ୍ର ଖମାରୀ, ଆଶୁତୋଷ ଭୋଇ ,ବୋଧରାମ ବିଶ୍ବାଳ,  ଅଶୋକ ଦାସ,ଅମୂଲ୍ୟ ଭୋଇ,ପ୍ରଶାନ୍ତ ମହାପାତ୍ର ,ଶିକ୍ଷୟିତ୍ରୀ ଅନୀତା ପଧାନ, ସୌଦାମିନୀ ବାରିକ,ରାଜ କୁମାରୀ ଭୁଏ, ସରିତା ପଟେଲ ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ।