27-Oct-2024

ପାଟଣାଗଡ (ପ୍ରେରଣା ଖବର): ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଳକରେ ଗତ ତିନି ସପ୍ତାହ ଧରି ମମତା ଏଚଆଇଏମସି ପ୍ରୋଜେକ୍ଟ 'ଜାଗୃତି' ପକ୍ଷରୁ ବିଭିନ୍ନ ୯ଟି ଗ୍ରାମର ଉଚ୍ଚ ବିଦ୍ୟାଳୟ ମାନଙ୍କରେ ଅକ୍ଷରା ଅଭିଯାନ ମାଧ୍ୟମରେ ଝିଅ ମାନଙ୍କର ଶିକ୍ଷାକୁ ପ୍ରୌସ୍ସହିତ କରିବା ପାଇଁ ଉତ୍ତମ ପଦକ୍ଷେପ ନିଆଯାଇଛି। ଯାହା ଦ୍ଵାରା ତାଙ୍କର ଦୁଇଟି ଉଦ୍ଦେଶ୍ୟକୁ ପୂରଣ କରିବାରେ  ସହାୟକ ହେଉଛି। ପ୍ରଥମଟି ହେଲା ଝିଅ ମାନେ ୧୮ ବର୍ଷ ଯାଏ ଶିକ୍ଷା ଜାରି ରଖିବେ ଓ ଅନ୍ୟ ଟି ବାଲ୍ଯ 

ବିବାହକୁ ରୋକିବା। ଏହି ଅଭିଯାନ ମାଧ୍ୟମରେ ଏକ ବିଶେଷ ଅକ୍ଷରା ଶକ୍ତି ପୁରଷ୍କାର କାର୍ଯ୍ୟକ୍ରମ ବ୍ୟବସ୍ଥା କରାଯାଇଥିଲା। ବିଦ୍ୟାଳୟ ମାନଙ୍କର ଅଷ୍ଟମ, ନବମ, ଦଶମ ଶ୍ରେଣୀରେ ପଢୁଥିବା ଛାତ୍ରୀମାନଙ୍କ ମଧ୍ୟରେ ପ୍ରଥମ, ଦ୍ଵିତୀୟ, ତୃତୀୟ ସ୍ଥାନରେ ଛାତ୍ରୀ ମାନଙ୍କୁ ମମତା ଏଚ ଆଇ ଏମ ସି ଅକ୍ଷରା  ଅଭିଜାନ ମାଧ୍ୟମରେ ପୁରଷ୍କୃତ କରାଯାଇଥିଲା। ଏହି ଅକ୍ଷରା ପୁରଷ୍କାର କାର୍ଯ୍ୟକ୍ରମରେ ପ୍ରତ୍ୟେକ ବିଦ୍ୟାଳୟରେ ସାଂସ୍କୃତିକ କାର୍ଯ୍ୟକ୍ରମ କରାଯାଇଥିଲା। ଯେଉଁଥିରେ କି ଛାତ୍ରୀମାନଙ୍କ ଦ୍ଵାରା ନୃତ୍ୟ,ବାଲ୍ୟ ବିବାହ ଉପରେ ନାଟକ ପରିବେଷଣ କରାଯାଇଥିଲା। ଏହା ବ୍ୟତିତ ଏକ ବାଲ୍ୟ ବିବାହ ଉପରେ ଭିଡିଓ ମାଧ୍ୟମରେ ଦେଖାଯାଇଥିଲା। ସମସ୍ତ ବିଦ୍ୟାଳୟ

ମାନଙ୍କର ଶିକ୍ଷକ,ଶିକ୍ଷୟିତ୍ରୀ ଓ ଗ୍ରାମର ବୁଦ୍ଧିଜୀବୀ, ଅଭିଭାବକ ମାନେ ତାଙ୍କର ସକାରାତ୍ମକ ମତାମତ ଦେଇ ଆଗକୁ ଏହି କାର୍ଯ୍ୟକ୍ରମକୁ ବ୍ୟାପକ କରିବା ପାଇଁ କହିଥିଲେ। ଏହି କାର୍ଯ୍ୟକ୍ରମକୁ ଜାଗୃତି ସଂସ୍ଥା ର ଜିଲ୍ଲା ସଂଯୋଜକ ଶ୍ରୀଯୁକ୍ତ ବେଞାମିନ ନାୟକ ଙ୍କ ତତ୍ତ୍ଵାବଧାନରେ ବ୍ଳକସ୍ତରୀୟ ସୁରେଶ ଚନ୍ଦ୍ର ପସାୟତ, ପବିତ୍ର ରଣା, ଅଗାଧୁ ବେହେରା, ସୁନୀତା ପସାୟତ ଓ ସ୍ନିଗ୍ଧା ମେହେର ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ।