26-Oct-2024

ବୀରମହାରାଜପୁର, (ବିନୋଦ ପାଣ୍ଡେ ):ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ମୁର୍ଷୁଣ୍ଢୀ ରେ ୪୨ ତମ ଗଜଲକ୍ଷ୍ମୀ ପୂଜା ଅବସର ରେ ହେଉଥିବା ମୁରାସୁର ଦରବାର  ଉଦଯାପିତ ହୋଇଯାଇଛି। ଅନ୍ତିମ ସନ୍ଧ୍ୟାରେ ମୁକ୍ତାକାଶ ରଙ୍ଗମଞ୍ଚ ରେ ପରିବେଷଣ ହୋଇଥିଲା ମୁରାସୁର ଦରବାର ର ଶେଷ ଦୃଶ୍ୟ। ନାଟ୍ୟାଭିକ୍ରମରେ ପୁତ୍ର ନାତି ବିନାଶ ଶୁଣି ମୁରାସୁର ର ଶୋକ,କ୍ରୋଧିତ ହୋଇ ଦାରୁଣାସୁର କାଳ, ମହାକାଳ ଙ୍କୁ ଯୁଦ୍ଧ ପାଇଁ ପ୍ରେରଣ, ଯୁଦ୍ଧରେ ଶେଷ ନୃସିଂହ ହସ୍ତେ କାଳ, ମହାକାଳ ନିହତ, ଏହା ପରେ ଶେଷ ନୃସିଂହ ଙ୍କୁ ମାରିବା ପାଇଁ ମୁରାସୁର କଣ୍ଠ, ବିକଣ୍ଠ ଙ୍କୁ ପ୍ରେରଣ ଏବଂ କଣ୍ଠ, ବିକଣ୍ଠ ନିଧନ। ନାରଦଙ୍କ ଆଗମନ, ମୁରାସୁର ଙ୍କୁ ନିଜେ ଯାଇ ଶେଷ ନୃସିଂହ ଙ୍କୁ ହତ୍ୟା କରିବାକୁ ପରାମର୍ଶ। ଶେଷରେ ଶେଷ ନୃସିଂହ  ହସ୍ତେ ମୁରାସୁର ବଧ ଆଦି ପର୍ଯ୍ୟାୟ କ୍ରମେ ପରିବେଷଣ ହୋଇଥିଲା। ଅନ୍ତର୍ଡ଼ା ,ବିନିକା ର ଗୋପାଳ ପଣ୍ଡା ଙ୍କ ମୁରାସୁର ଅଭିନୟ ଦର୍ଶକଙ୍କୁ ବେଶ୍ ଆକୃଷ୍ଟ କରିଥିଲା।ଶେଷ ରଜନୀରେ   ବିଳମ୍ବିତ ରାତ୍ରି ପର୍ଯ୍ୟନ୍ତ ସହସ୍ରାଧିକ ଦର୍ଶକ ବିଳମ୍ବିତ ରାତ୍ରି ପର୍ଯ୍ୟନ୍ତ ଏହାକୁ ଉପଭୋଗ କରୁଥିଲେ। ଅନ୍ତିମ ସନ୍ଧ୍ୟାର ସାଂସ୍କୃତିକ ସଭା ରେ ଗଜଲକ୍ଷ୍ମୀ ପୂଜା କମିଟିର ସଭାପତି ଲବ କୁମାର ସାହୁ ଅଧ୍ୟକ୍ଷତା କରିଥିଲେ। ରାଜଦରବାର ରେ ପୂର୍ବତନ ଜିଲ୍ଲା ପରିଷଦ ସଭାପତି ଆନନ୍ଦ ବାରିକ, ସମାଜସେବୀ ଯତୀନ ମେହେର ଓ ପଞ୍ଚାନନ ସାହୁ ପ୍ରମୁଖ ରାଜ ଅତିଥି ଭାବେ ଯୋଗଦେଇ ସାଂସ୍କୃତିକ ବାର୍ତ୍ତା ପ୍ରଦାନ କରିଥିଲେ। ସେହିପରି ଦ୍ବିତୀୟ ପର୍ଯ୍ୟାୟ ରେ ବୀରମହାରାଜପୁର ଥାନାର କାର୍ଯ୍ୟରତ ଗୃହରକ୍ଷୀ ବିଶ୍ଵାମିତ୍ର ଜଗଦଲା ଓ ରଞ୍ଜିତ ଚାନ୍ଦ ରାଜ ଅତିଥି ଭାବେ ଯୋଗଦେଇ ଥିଲେ।

ଏହି ଅବସର ରେ ପାରାୟଣ ଗାୟକ ପଣ୍ଡିତ ଅଜିତ ଦାସ ଓ ପଣ୍ଡିତ ସଚିଦାନନ୍ଦ ପଣ୍ଡା ଙ୍କୁ ସ୍ଵତନ୍ତ୍ର ଭାବେ ସମ୍ବର୍ଦ୍ଧିତ କରାଯାଇଥିଲା।ଆୟୋଜକ ସମ୍ପାଦକ ତ୍ରୟଞ୍ଜିବ ମିଶ୍ର ଅତିଥି ,କୋଷାଧ୍ୟକ୍ଷ ସତ୍ୟ ମୋହନ ବେଦପାଣି,ବଳରାମ ପ୍ରଧାନ,ସହ ସମ୍ପାଦକ ବିଦ୍ୟାଧର ଖୁର୍ଡିଆ ଅତିଥି ଙ୍କୁ  ସ୍ୱାଗତ କରିଥିବା ବେଳେ ଉପସଭାପତି ଧନଞ୍ଜୟ ସାହୁ, ଆୟୋଜକ ସମ୍ପାଦକ ତ୍ରୟଞ୍ଜିବ ମିଶ୍ର ଅତିଥି ମାନଙ୍କୁ ସ୍ବାଗତ କରିଥିବା ବେଳେ କୋଷାଧ୍ୟକ୍ଷ ସତ୍ୟ ମୋହନ ବେଦପାଣି, ଉପସଭାପତି ଧନଞ୍ଜୟ ସାହୁ ଧନ୍ୟବାଦ ଅର୍ପଣ କରିଥିଲେ। ଉପଦେଷ୍ଟା କୁଶ କୁମାର ସାହୁ, ରାଜ ଗୋପାଳ ପାଣିଗ୍ରାହୀ,ପ୍ରେମାନନ୍ଦ ଜଟି,ଗୋପୀନାଥ ପ୍ରଧାନ ପ୍ରମୁଖ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ। ଏହି ଅବସର ରେ  ଦର୍ଶକ ମିନବଜାର ରେ ବିଭିନ୍ନ ଜିନିଷ କିଣାବିକା କରିଥିବା ବେଳେ ଚଟ୍ ପଟା ଖାଦ୍ୟର ମଜା ନେଇଥିଲେ।