26-Oct-2024

ଉଲୁଣ୍ଡା(ଗୌର ଚନ୍ଦ୍ର ପରିଚ୍ଛା): ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ୍  ଅନ୍ତର୍ଗତ ମା ଉମାଦେବୀ ଆଞ୍ଚଳିକ ଉଚ୍ଚମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ତଥା ସଂସ୍କୃତ ଅଧ୍ୟାପକ ବଲ୍ଲଭ ପୁରୋହିତଙ୍କ ଅଧ୍ୟକ୍ଷତାରେ ଯୁବ ରେଡ୍‌କ୍ରସର ପ୍ରବେଶ ଉତ୍ସବ ଅନୁଷ୍ଠିତ ହୋଇଯାଇଛି ।ଯୁବ ରେଡକ୍ରସ କାଉନସେଲର ତଥା ଆଇଟି ଅଧ୍ୟାପକ ଉଦ୍ଧବ ପଧାନ ସ୍ୱାଗତ କରି ସଭାର ଉଦ୍ଦେଶ୍ୟ ଜ୍ଞାପନ କରି ଅତିଥି ପରିଚୟ ପ୍ରଦାନ କରିଥିଲେ l ଯୁବ ରେଡ୍‌କ୍ରସ ଜିଲ୍ଲା ଆବାହକ ସମ୍ପାଦକ ତଥା

ସୋନପୁର କଲେଜର ପ୍ରାଣିବିଜ୍ଞାନ ଅଧ୍ୟାପକ ଉମାକାନ୍ତ ନାଗ ମୁଖ୍ୟଅତିଥି ଭାବେ ଯୋଗ ଦେଇଥିବା ବେଲେ ସତ୍ୟବାଦୀ ଉଚ୍ଚ ମାଧ୍ୟମିକ ବିଦ୍ୟାଳୟର ଯୁବ ରେଡ଼କ୍ରସ କାଉନସେଲର ଅଧ୍ୟାପକ କିଶୋର କୁମାର ସାହୁ ଯୋଗ ଦେଇ ରେଡକ୍ରସର ଲକ୍ଷ୍ୟ ଉଦେଶ୍ୟ ଓ କାର୍ଯ୍ୟକ୍ରମ ଉପରେ ଆଲୋକପାତ କରିଥିଲେ l ଅନୁଷ୍ଠାନ ର ପରିଚାଳନା ପରିଷଦର ସମ୍ପାଦକ ତଥା ସମାଜସେଵୀ ଚିତ୍ତରଞ୍ଜନ ପଢି,ଓଡ଼ିଆ ଅଧ୍ୟାପକ ନିତ୍ୟାନନ୍ଦ ମିଶ୍ର, ବାଳମକୁନ୍ଦ ବାରିକ, ଅଧ୍ୟାପିକା ରଞ୍ଜିତା ମିଶ୍ର, ଅମିତା ରାନୀ ସାହୁ ସମ୍ମାନିତ ଅତିଥି ଭାବେ ଯୋଗ ଦେଇ

ସମାଜ ସେବାରେ ନିଜକୁ ସମର୍ପିତ କରି କାର୍ଯ୍ୟ କରିବା ପାଇଁ ମତ ରଖିଥିଲେ |କଲେଜର କାଉନସେଲର ଉଦ୍ଧବ ପଧାନ ରାଜ୍ୟସ୍ତରୀୟ ଯୁବ ରେଡକ୍ରସ ଆୱାର୍ଡ ପାଇଁ ମନୋନୀତ ହୋଇଥିବାରୁ ଅତିଥି ମାନେ ଶୁଭେଚ୍ଛା ଜଣାଇଥିଲେ l ଶେଷରେ ଇଂରାଜୀ ଅଧ୍ୟାପକ ସୁଶାନ୍ତ ଦେହୁରୀ ଧନ୍ୟବାଦ ଦେଇଥିଲେ | ଏହି କାର୍ଯ୍ୟକ୍ରମ ରେ  ଶମ୍ଭୁପ୍ରସଦ ଭୋଇ,ନରୋତ୍ତମ କର୍ମୀ, ଆଶିଷ କୁମାର ଦେହୁରୀ,ସୁଶାନ୍ତ ମିଶ୍ର, ଯୋଗୀନ୍ଦ୍ର ପଧାନ, ବାଦଲ ଦେହୁରି ସମେତ ସମସ୍ତ କର୍ମଚାରୀ ଉପସ୍ଥିତ ଥିଲେ l