23-Oct-2024

ବଲାଙ୍ଗିର(ଦେବାଶିଷ ବହିଦାର): ରାଜ୍ୟ ଆଇନ ସେବା ପ୍ରାଧିକରଣଙ୍କ ନିର୍ଦେଶ ଅନୁସାରେ ଏବଂ ଜିଲ୍ଲା ଆଇନ ସେବା ପ୍ରାଧିକରଣ ଅଧ୍ୟକ୍ଷ ଡକ୍ତର ପବିତ୍ର ମୋହନ ସାମଲଙ୍କ ଅଧ୍ୟକ୍ଷତାରେ ଆଜି ଆଠଗାଁ ଉଚ୍ଚ ବିଦ୍ୟାଳୟ ଠାରେ ସ୍ଵାକ୍ଷରତା କ୍ଲବର ଛାତ୍ରଛାତ୍ରୀ ସଦସ୍ୟଙ୍କୁ ନେଇ ଏକ ଆଇନ ସଚେତନତା ଶିବିର ଅନୁଷ୍ଠିତ ହେଇଥିଲା  | ଜିଲ୍ଲା ଆଇନ ସେବା ପ୍ରାଧିକରଣ ସଚିବ ପବିତ୍ରାନନ୍ଦ ପ୍ରଧାନ, ନ୍ୟାୟୀକ ଅଧିକାରୀ ଅର୍ଘ୍ୟରୂପା ମିଶ୍ର, ଜିଲ୍ଲା ଶିକ୍ଷା ଅଧିକାରୀ ଧ୍ରୁବ ଚରଣ ବେହେରା, ସ୍କୁଲ ପ୍ରଧାନଶିକ୍ଷକ ରୋହିତସ୍ଵ ଜୋଶୀ ଏବଂ ଏବଂ ସମସ୍ତ ଛାତ୍ରଛାତ୍ରୀଙ୍କ ସହ ସମସ୍ତ ଶିକ୍ଷକ ଶିକ୍ଷୟତ୍ରୀ ଉପସ୍ଥିତ ଥିଲେ | ସମସ୍ତ ମଞ୍ଚାସୀନ ଅଧିକାରୀ ସାମ୍ବିଧାନିକ ଅଧିକାର , ମୌଳିକ ଅଧିକାରୀ ଏବଂ ଆଇନ ବିଷୟରେ ଅବଗତ କରାଇଥିଲେ | ଏଥି ସହିତ ରାଷ୍ଟ୍ରୀୟ ଆଇନ ସେବା ପ୍ରାଧିକରଣ ଦ୍ବାରା ନିଶୁକ୍ଳ ସହାୟତା ନମ୍ବର ୧୫୧୦୦ ବିଷୟରେ ଅବଗତ କରାଯାଇଥିଲା | ଛାତ୍ରଛାତ୍ରୀ ମାନେ ଶେଷରେ ସଙ୍ଗୀତ ପରିବେଷଣ କରିଥିଲେ |