23-Oct-2024

ଆଗଲପୁର, (ପ୍ରେରଣା ଖବର) ଗତକାଲି ମଦ ବିକ୍ରି କୁ ବିରୋଧ କରି ମଦ ଜବତ କରିଥିବା ଏକ ଖବର ପ୍ରସାରଣ କରା ଯାଇଥିଲା। ମଦ ଜବତ କରିଥିବା ଏସ ଏଚ ଜି ମହିଳା ମାନେ ଆଜି ଢ଼ାବା ମାଲିକ କୁ ଗିରଫ କରିବା ପ୍ରତିବାଦ ତଥା ବୁଦୁଲା ପଞ୍ଚାୟତ ରେ ସମ୍ପୂର୍ଣ୍ଣ ଭାବେ ମଦବିକ୍ରି କୁ ବନ୍ଦ୍ କରିବା ଦାବିରେ ଆଜି ଶତାଧିକ ସଂଖ୍ୟାରେ ଆସି ଆଗଲପୁର ଥାନା ରେ ଲିଖିତ ଅଭିଯୋଗ କରିଛନ୍ତି। ମଦ ପିଇ ଆଜିର ଛୋଟ ଛୋଟ ସ୍କୁଲ ପିଲା ନିଜ ନିଜ ଭବିଷ୍ୟତ କୁ ଅନ୍ଧାରକୁ ଠେଲି ଦେଉଥିବା ମନେ ହେଉଛି। ପଞ୍ଚାୟତ ରେ ଥିବା ସମସ୍ତ ଢ଼ାବା କୁ ବନ୍ଦ୍ କରିବା ସହିତ ଢ଼ାବା ମାଲିକ ମାନଙ୍କୁ ଗିରଫ କରି କୋର୍ଟ ଚାଲାଣ କରିବାକୁ ଦାବି କରିଛନ୍ତି l ଆଗଲପୁର ଥାନା ଅଧିକାରୀ ଶ୍ରୀ ବାସୁଦେବ ଭୋଇ ଅଭିଯୋଗ କୁ ଗ୍ରହଣ କରି ଯଥାଶୀଘ୍ର ସେମାନଙ୍କୁ ଗିରଫ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି l ବିଶେଷ କରି ଗତକାଲି ରେଙ୍ଗାଲି ଗ୍ରାମ କୁ ଯାଇ ମଦ ଓ କଫସିରଫ ଜବତ କରିଥିବା ଢ଼ାବା ମାଲିକ ଶ୍ରୀ ସୁଧାଂଶୁ ଗହିର କୁ ଗିରଫ କରି କୋର୍ଟ ଚାଲାଣ କରିବାକୁ ଲିଖିତ ଆକାରରେ ଅଭିଯୋଗ କରିଛନ୍ତି। ଯଦି ପୋଲିସ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ ନ କରେ ତେବେ ଆଗାମୀ ଦିନ ଏସ ପି ଙ୍କ ଦ୍ବାରସ୍ଥ ହେବୁ ବୋଲି ମହିଳା ମାନେ ପ୍ରକାଶ କରିଛନ୍ତି l ମଦ ପିଇବା ଦ୍ଵାରା ଯୁବ ସମାଜ ତଥା ପରିବାର ଉପରେ ଅନେକ ଅସୁବିଧା ହେଉଥିବା ସେମାନେ ଅଭିଯୋଗ କରିଛନ୍ତି ଏଣୁ ଯଥାଶୀଘ୍ର ଉକ୍ତ ଅଞ୍ଚଳରୁ ମଦ କୁ ବନ୍ଦ୍ କରିବା ପାଇଁ ସେମାନେ ପୋଲିସ କୁ ଅନୁରୋଧ କରିଛନ୍ତି। ମହିଳା ମାନଙ୍କ ଅଭିଯୋଗ ଶୁଣି ସାରିବା ପରେ ଏ ଉପରେ ତୁରନ୍ତ କାର୍ଯ୍ୟାନୁଷ୍ଠାନ ନିଆଯିବ ବୋଲି ଆଗଲପୁର ଥାନା ଅଧିକାରୀ ଶ୍ରୀ ବାସୁଦେବ ଭୋଇ ପ୍ରକାଶ କରିଛନ୍ତି l