20-Oct-2024

ଅତାବିରା/ରେଙ୍ଗାଲିକ୍ୟାମ୍ପ(ଆକାଶ ମିଶ୍ର):  ଅତାବିରା ଜାତୀୟ ୫୩ ନଂ ରାଜପଥ କଡ଼ରେ ଅବସ୍ଥିତ ଅଗ୍ରସେନ ଭବନ ଠାରେ ଅତାବିରା ଓ ବେଲପାହାଡ଼  ବିବେକାନନ୍ଦ ଯୁବ ମହମଣ୍ଡଳର ମିଳିତ ଆନୁକୁଲ୍ୟରେ ଆଜି  ପଶ୍ଚିମ ଓଡ଼ିଶା  ପ୍ରାନ୍ତୀୟ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇ ଯାଇଛି । ଅତାବିରା ବିବେକାନନ୍ଦ ଯୁବ ମହାମଣ୍ଡଳ ର ସଭାପତି ବାଳମୁକୁନ୍ଦ ସାହୁ ଙ୍କ  ସଭାପତିତ୍ବରେ ତଥା  ସୁଶାନ୍ତ ପ୍ରଧାନ ଙ୍କ ସଂଯୋଜନା ରେ ଆୟୋଜିତ ଏହି ବୈଠକରେ  ଅଖିଳ ଭାରତ  ବିବେକାନନ୍ଦ ଯୁବ ମହାମଣ୍ଡଳ ,କଲିକତା ର କେନ୍ଦ୍ରୀୟ ସଭ୍ୟ  ରଣଜିତ୍ କିଶୋର ମହାନ୍ତି,କେନ୍ଦ୍ରୀୟ କୋଷାଧ୍ୟକ୍ଷ  ପ୍ରବଳକାନ୍ତି ମହାନ୍ତି, ଅଖିଳ ଭାରତ ଯୁବ ମହାମଣ୍ଡଲ ,ଓଡ଼ିଶା ଶାଖା ଭୁବନେଶ୍ୱର ର ଉପ ସଭାପତି  ରମେଶ ଚନ୍ଦ୍ର ଭଦ୍ର ପ୍ରମୁଖ ମଞ୍ଚାସୀନ ରହିଥିଲେ ।  ନିମନ୍ତ୍ରିତ ଅତିଥି ମାନେ ଗତ କାଲି ସନ୍ଧ୍ୟାରେ ପହଞ୍ଚିବା ପରେ ଅତାବିରା ବିବେକାନନ୍ଦ ଯୁବ ମହା ମଣ୍ଡଳ  ତାଙ୍କୁ ଭବ୍ୟ ସମ୍ବର୍ଦ୍ଧନା ଜଣାଇ ପାଛୋଟି ନେଇଥିଲେ ଅତିଥି ଭବନ କୁ ।ଏହାପରେ  ଅତାବିରା  ମାଁ ସାରଦା  ସଂଗଠନ ର ପ୍ରଶସ୍ତିକରଣ ନିମନ୍ତେ ସଂଗଠନ ର ସଦସ୍ୟା ଅନସୁୟା ଦେବତା  ଙ୍କ ସହ  ଏକ ଆଲୋଚନା ଚକ୍ର ହୋଇଥିଲା । ଆଜି ସକାଳ ୯ ଟା ୩୦ ମିନିଟ ରୁ  ଅପରାହ୍ନ ୪ ଟା ପର୍ଯ୍ୟନ୍ତ ୨୪ ଟି ଗୁଣ କୁ ନେଇ  " ଜୀବନ ଗଠନ" ଉପରେ ବିସ୍ତୃତ ଆଲୋଚନା ହୋଇଥିଲା । ଆଧ୍ୟାତ୍ମିକତା ହିଁ ମଣିଷର ଜାତୀୟ ଜୀବନର ଶୋଣିତ ପ୍ରବାହ।ଏହି ପ୍ରବାହ  ଯେତେଦିନ ନିର୍ମଳ ଓ ଓଜସ୍ୱୀ

ରହିବ ସେତେଦିନ  ଆମର କଲ୍ୟାଣ ର ପଥ ଉନ୍ମୁକ୍ତ ହୋଇ ରହିବ ବୋଲି ଆଲୋଚକ ମାନେ କହିଥିଲେ  ।  ଜୀବନ  ଗଠନ ଦିଗରେ  ୨୪ ଟି ଗୁଣ  କୁ ବିଶେଷ ଧ୍ୟାନ ଦେବାକୁ ପଡ଼ିବ ବୋଲି ଆଲୋଚନା କରିଥିଲେ । ଏହି ବୈଠକରେ ଅତାବିରା ଯୁବ  ମହାମଣ୍ଡଳ ର ସମ୍ପାଦକ ନାରାୟଣ ମହାରଣା, ସଂଗଠକ ଦୁଃଖିଶ୍ୟମ ପ୍ରଧାନ,ଉପ ସଭାପତି ଶ୍ରୀକାନ୍ତ ପଣ୍ଡା,ଉପଦେଷ୍ଟା ଅଚ୍ୟୁତାନନ୍ଦ ହୋତା,ସଦସ୍ୟ ସୁଶିଲ ବାଗ, ବେଲପାହାଡ଼  ଯୁବ ମହା ମଣ୍ଡଳ ର ସମ୍ପାଦକ ଚିନ୍ତାମଣି ପଶାୟତ ତଥା ବହୁ  ସଂଖ୍ୟକ  ବ୍ୟକ୍ତି ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ ।