19-Oct-2024

ସୋନପୁର (ମନୋରଞ୍ଜନ ତ୍ରିପାଠୀ )
 ସୁବର୍ଣ୍ଣପୁର ଜିଲ୍ଲା ସୋନପୁର ବ୍ଲକ୍   ଅନ୍ତର୍ଗତ ଖମ୍ବେଶ୍ୱରୀପାଲି ଅଞ୍ଚଳର ଚାଷୀ ଆଜି ଆନ୍ଦୋଳନ କୁ ଓହ୍ଲାଇ ଛନ୍ତି । ପ୍ରଶାସନିକ ଦୃଷ୍ଟି ଆକର୍ଷଣ କରିବା ସହିତ ଚାଷୀଙ୍କ ଦାବି ପୂରଣ ପାଇଁ ସୁବର୍ଣ୍ଣପୁର ବଲାଙ୍ଗିର 57 ନମ୍ବର ଜାତୀୟ ରାଜପଥ ଅବରୋଧ  କରିଛନ୍ତି ଚାଷୀ। ବର୍ଷା ଅଭାବ ଯୋଗୁଁ ଏବେ ପ୍ରଚଣ୍ଡ ଖରାରେ ଚାଷ ଜମି ଧୀରେ ଧୀରେ ମରୁଡ଼ିଗ୍ରସ୍ତ ହେବାରେ ଲାଗିଛି । ଏବେ ଚାଷ ଜମି ପାଣି ଆବଶ୍ୟକ କରୁଥିବା ବେଳେ ବୃହତ୍ ଉଠା ଜଳସେଚନ ବିଭାଗର ଅବହେଳା ଯୋଗୁଁ ସଦର ବ୍ଲକ ଛତା ପିପଲ ଗାଁରେ ତେଲନଦୀ କୂଳରେ ଥିବା ୫୪ କୋଟି ୭୦ ଲକ୍ଷ ର ପାର୍ବତୀ ଗିରି ମେଗା ଉଠା ଜଳ ସେଚନ ପ୍ରକଳ୍ପ କାର୍ଯ୍ୟକ୍ଷମ ହେଉ ନ ଥିବା ଅଭିଯୋଗ ହୋଇଛି । ଫଳରେ ପାଣି ଅଭାବ ଯୋଗୁଁ ମଲ୍ଲିକ ମୁଣ୍ଡା ,ବିଶିମୁଣ୍ଡା , ହରଡ ଖୋଲ, ବଲାଡି, ଆଦି ଚାରି ଗୋଟି ପଂଚାୟତର 50 ରୁ ଅଧିକ ମୌଜାର ୨୦୦୦ ହେକ୍ଟର ଚାଷ ଜମିରେ ମରୁଡ଼ିର ଆଶଙ୍କା ଦେଖା ଦେଇଛି । ଏବେ ଚାଷୀଙ୍କ ଭରସା ଇନ୍ଦ୍ରଦେଵ ଓ ଉଠା ଜଳ ସେଚନ ପ୍ରକଳ୍ପ କର୍ତ୍ତୃପକ୍ଷ ଉପରେ । ତେବେ ବାରମ୍ବାର ବିଭାଗୀୟ ଅଧିକାରୀ ବାବୁଙ୍କୁ  ହାରି ଗୁହାରି କରିବା ପରେ ବି କୌଣସି ଫଳ ନ ମିଳିବାରୁ ଚାଷୀ ମାନେ ବାଧ୍ୟ ହୋଇ ଆଜି ରାଜରାସ୍ତାକୁ ଓହ୍ଲାଇ ଆସିଛନ୍ତି ।  ସମ୍ବଲ୍ ପୁର ରେ ରହୁଥିବା ଏ ଜିଲ୍ଲା ର ବିଭାଗୀୟ ଉଚ୍ଚ କର୍ତ୍ତୃପକ୍ଷ ଆନ୍ଦୋଳନ ସ୍ଥଳରେ ପହଞ୍ଚି ଚାଷୀଙ୍କ ସହିତ ଆଲୋଚନା କରିବା ସହିତ ତିନି ଦିନ ମଧ୍ୟରେ ପାଣି ଯୋଗାଇ ଦେବା ପାଇଁ ଲିଖିତ ପ୍ରତିଶ୍ରୁତି ଦେଇ ରାସ୍ତା ଅବରୋଧ ହଟାଇବାକୁ ଚାଷୀ ଙ୍କୁ ହାତ ଯୋଡ଼ି ଗୁହାରି ଛନ୍ତି । ଚାଷୀ ମାନେ ସାମୟିକ ଭାବେ ଆନ୍ଦୋଳନ ସ୍ଥଗିତ ରଖିଥିବା ବେଳେ ବିଭାଗୀୟ କର୍ତ୍ତୃପକ୍ଷ ନିର୍ଦ୍ଧିଷ୍ଟ ସମୟ ସୀମା ଭିତରେ ଦାବି ପୂରଣ ନ କଲେ ପୁଣି ଆନ୍ଦୋଳନ ରଖିବେ ବୋଲି ଏ ଚାଷୀ ମାନେ ଚେତାବନୀ ଦେଇଛନ୍ତି। ଦୀର୍ଘ ବର୍ଷ ରୁ ଏ ବିଭାଗ ରେ ସ୍ଥାୟୀ ଭାବେ କାର୍ଯ୍ଯ ନିର୍ବାହୀ ଯନ୍ତ୍ରୀ ରହୁ ନ ଥିବାରୁ ଓ କ୍ଷେତ୍ର ପରିଦର୍ଶନ କରି ଚାଷୀ ଙ୍କ ସମସ୍ୟା ବୁଝୁ ନ ଥିବାରୁ ଆଜି ଏ ଭଳି ସମସ୍ୟା ଉପୁଜିଥିବା ଜଣା ଯାଇଛି  ୫୪ କୋଟି ୫୭ ଲକ୍ଷ ଟଙ୍କା ବ୍ୟୟ ରେ ନିର୍ମାଣ ହୋଇଥିବା ଛତା ପିପଲ୍ ର ଏ ପ୍ରକଳ୍ପ ଓ ଜିଲ୍ଲା ରେ ଏ ବିଭାଗ ର ଅନ୍ୟ  ପ୍ରକଳ୍ପ ଗୁଡ଼ିକ କାହିଁକି ଫେଲ୍ ମାରିଛି l କୃଷକ ଙ୍କ ବିକାଶ ନାରା ଦେଉଥିବା ପୂର୍ବ ସରକାର ର ନେତା ଓ ଅଧିକାରୀ *ରାଧେ ରାଧେ ତୁମର ଅଧେ ଆମର ଅଧେ  ଯୋଜନା* ନାଁ ବଦଳାଇ ନି  ତ ? ଚାଷୀ ଭାଈ ଆପଣ ମାନେ ଖୁସି ତ ?  ଜିଲ୍ଲା ରେ ହୋଈ ଥିବା ଜଳ ସେଚନ ବିଭାଗ ର ଭିଜିଲାନ୍ସ ଓ ମହା ଦୁର୍ନୀତି ଘଟଣା ରେ ୫ଟି ସରକାର ୨୫ ବର୍ଷ ଏ ଜିଲ୍ଲା ର ଓ ରାଜ୍ୟ ର  କେତେ ବିକାଶ କରୁଥିଲେ, ଅଳ୍ପ କିଛି ଦିନ ଆଗରୁ ଜିଲ୍ଲା ବାସୀ ରାଜ୍ୟ ବାସୀ ଭିଜିଲାନ୍ସ କେଶ୍ ରୁ ତାହା ପୁରା ସ୍ପଷ୍ଟ ଅବଗତ ହୋଇଛନ୍ତି l