19-Oct-2024

ବଲାଙ୍ଗୀର(ପ୍ରେରଣା ଖବର): ଆସନ୍ତା ଡିସେମ୍ବର ୨୧ ଓ ୨୨ ତାରିଖ ଦୁଇ ଦିନ ଧରି ବଲାଙ୍ଗୀର ପତିତପାବନ ଏକାଡେମୀର ଡାଇମଣ୍ଡ ଜୁବଲି ମହାସମାରୋହରେ ପାଳନ ହେବ l ଉତ୍ସବକୁ ସଫଳ କରିବା ପାଇଁ ସ୍କୁଲର ପୁରାତନ ଛାତ୍ର ଏବଂ ଜୁବଲି କମିଟିର କର୍ମକର୍ତ୍ତା ମାନଙ୍କ ତରଫରୁ ବୈଠକ ଅନୁଷ୍ଠିତ 

ହୋଇଥିଲା l ସ୍କୁଲର ପୂରାତନ ଛାତ୍ର ମାନଙ୍କୁ ଏହି ଉତ୍ସବରେ ବହୁ ସଂଖ୍ୟାରେ ଯୋଡ଼ିବାକୁ ନିଷ୍ପତ୍ତି ନିଆଯାଇଛି l ଏଥିପାଇଁ ଜୁବଲି କମିଟିର ସମ୍ପାଦକ ତଥା ପି. ପି ଏକାଡେମୀର ପ୍ରଧାନ ଶିକ୍ଷକ ସିନୁସୁନ୍ଦର ପାଢୀ ସମସ୍ତଙ୍କୁ ଅନୁରୋଧ କରିଛନ୍ତି l ଉତ୍ସବର ସଫଳ ଆୟୋଜନ ପାଇଁ ବିଭିନ୍ନ କମିଟିର କର୍ମକର୍ତ୍ତା ମନୋନୟନ ସରିଯାଇଥିବା ବେଳେ କାର୍ଯ୍ୟକ୍ରମର ଅତିଥି ଚୟନ, ସ୍ମରଣିକା ପ୍ରକାଶନ,  କ୍ରୀଡା ପ୍ରତିଯୋଗିତା ଆୟୋଜନ,  ପାଣ୍ଠି ସଂଗ୍ରହ ଆଦି ଗୁରୁତ୍ୱପୂର୍ଣ୍ଣ ବିଷୟ ଉପରେ ଆଲୋଚନା ହୋଇଛି l ଜୁବୁଲି କମିଟିର ସଭାପତି ଭାବେ ପୂରାତନ ଛାତ୍ର ଶଶୀ ଭୂଷଣ ପୁରୋହିତ, ଉପସଭାପତି ଭାବରେ ପ୍ରଭାସ ପାଣିଗ୍ରାହୀ, ହେମନ୍ତ ପଣ୍ଡା ଓ ସନ୍ତକ ବହିଦାର ଙ୍କୁ ଦାୟିତ୍ଵ ଅର୍ପଣ କରାଯାଇଛି l ଆଲୁମିନି ସଭାପତି ଭାବରେ ସlୟଦ ଅଫତlବ ହୁସେନ୍ ସମାରୋହ ଆୟୋଜନ ପାଇଁ ସମସ୍ତ ପୂର୍ବପ୍ରସ୍ତୁତି ଓ ବିଭିନ୍ନ କମିଟି ସହ ସମନ୍ଵୟ ସ୍ଥାପନ କରି କାର୍ଯ୍ୟ କରୁଛନ୍ତି l ସମସ୍ତ କମିଟିର କର୍ମକର୍ତ୍ତା ଓ ପୂରାତନ ଛାତ୍ର ମାନେ ଏହି କାର୍ଯ୍ୟକ୍ରମକୁ ନିଜ ନିଜ ସ୍ତରରେ ସହଯୋଗ ର ହାତ ବଢ଼ାଇ ସଫଳ କରିବାକୁ ନିବେଦନ କରାଯାଇଛି l