14-Oct-2024

ବ୍ରହ୍ମପୁର/ପୁରୁଷୋତ୍ତମପୁର(ଶୁଭଙ୍କର ଦାସ): ପୁରୁଷୋତ୍ତମପୁର ଏନଏସି ର ପୁରୁଣା ପୋଷ୍ଟ ଅଫିସ ସାହିରେ ଦୀର୍ଘ ୬୦ବର୍ଷରୁ ଉର୍ଦ୍ଧ ସମୟ ଧରି ଦୁର୍ଗା ପୁଜା ଚାଲି ଆସୁଛି | ଏହି ପୁଜାକୁ  ପରିଚାଳନା କରିବାରେ  ମନୋଜ କୁମାର ଗୌଡ଼ (ମୁନା ) ମାଞ୍ଚି  ଆଚାରୀ, ରବି ପଣ୍ଡା,ବାବୁ ଗୌଡ଼, ,ଭିକିପଣ୍ଡା, ଆଦିତ୍ୟ, ଶୁଭମ  ସହଯୋଗ କରିଥିଲେ |  ଏହା ସହିତ ପୁରୁଷୋତ୍ତମ ପୁର ବ୍ଲକ ଅନ୍ତର୍ଗତ ବଡଖରିଡ଼ା  ଗ୍ରାମରେ ସବୁବର୍ଷ ପରି ଏ ବର୍ଷ ମଧ୍ୟ ବହୁ ଆଡମ୍ବରରେ ଦୁର୍ଗପୂଜା ପାଳିତ ହେଉଅଛି | ମୁଖ୍ୟ ପୂଜକ ନିରଞ୍ଜନ ତ୍ରିପାଠୀଙ୍କ ପୌରହିତରେ ପୂଜାକାର୍ଯ୍ୟ  ଚାଲୁ ଅଛି | ମହାସପ୍ତମୀ, ମହାଅଷ୍ଟମୀ, ନବମୀ ଓ ଦଶହରା ପୂଜା ପାଳନ କରାଯାଉଛି | ସନ୍ଧ୍ୟା ଅଳତି ସମୟରେ ଗାଁ ର ଆବାଳବୃଦ୍ଧ ବନିତା ଉପସ୍ଥିତ ରହି ମା ଙ୍କ ଦର୍ଶନ ସହିତ  ତାଙ୍କ  ଆଶୀର୍ବାଦ ଲାଭ କରୁଛନ୍ତି | ସନ୍ଧ୍ୟାରେ  ଛୋଟଛୋଟ ପିଲାଙ୍କ ଦ୍ବାରା ଭିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପ୍ରସ୍ତୁତ କରାଯାଉଛି |  ଗ୍ରାମର ଏକ ଶୈକ୍ଷିକ  ଅନୁଷ୍ଠାନ ଜାତୀୟ ପାଠାଗାର ତରଫରୁ ବିଭିନ୍ନ ପାଠ୍ୟ ସାମଗ୍ରୀ ଛୋଟଛୋଟ ପିଲାଙ୍କୁ ବଣ୍ଟନ କର ଯାଇଥିଲା | ଆଜି ମେଢ଼ ଗୁଡ଼ିକର ଭସାଣି ଅନୁଷ୍ଠିତ ହେଉଛି  | ଏଥିରେ ପୂଜା କମିଟି ସହ ଦୀପକ କୁମାର ପୋଲାଇ, ଆଶିଷ ଗଉଡ, ପ୍ରଶାନ୍ତ ବରଡ, ରାଜରାମ ବରଡ, ଅଙ୍କିତ ଦଳେଇ, ସନାତନ ବେହେରା, ରମେଶ ବେହେରା, ତୋଫାନ ଗଉଡ ପ୍ରମୁଖ ସହଯୋଗ କରିଥିଲେ |