07-Oct-2024

                 
ବରଗଡ଼:(ନିରଞ୍ଜନ ତ୍ରିପାଠୀ) କେଦାରନାଥ  ମନ୍ଦିର ଅମ୍ଵାଭୋନା ‌‌ ପ୍ରାଙ୍ଗଣ ରେ କେଦାର ନାଥ କଳା -ସାହିତ୍ୟ ସଂସଦ ଆନୁକୁଲ୍ୟରେ  ଔପନ୍ୟାସିକ ଶ୍ରୀଗେରୁଚାନ୍ଦ  ପଟେଲଙ୍କ ରଚିତ "ବୈଦେହୀ "ଉପନ୍ୟାସର ପର୍ଯ୍ୟାଲୋଚନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ ସଭାରେ ସଂସଦର ସଭାପତି ଶ୍ରୀଯୁକ୍ତ ସୀତାରାମ ରଥ ସଭାପତିତ୍ବ କରିଥିବା ବେଳେ ଶ୍ରୀ ଗଜେନ୍ଦ୍ର ଦାଶ ଅବସରପ୍ରାପ୍ତ ପ୍ରଧାନ ଶିକ୍ଷକ ସାହିତ୍ୟ ଆସର ସଂଯୋଜନା କରିଥିଲେ । ସଂସଦର ବରିଷ୍ଠ ସାଂସଦ ଶ୍ରୀମାନ ସୁଲଳିତ ପାତ୍ର ଅବସରପ୍ରାପ୍ତ ଶିକ୍ଷକ,ପୁରୁଷୋତ୍ତମ ଉଚ୍ଚ ବିଦ୍ୟାଳୟ ରୁଚିଦା, ଔପନ୍ୟାସିକ ପଟେଲଙ୍କ ଚଉଦ ଗୋଟି ଥିବା ସମସ୍ତ ପର୍ଯ୍ୟାୟକୁ ବିଶଦ ଭାବେ ପର୍ଯ୍ୟାଲୋଚନା କରିଥିଲେ । ସମ୍ମାନିତ ଅତିଥି ଶ୍ରୀଯୁକ୍ତ ତ୍ରିଲୋଚନ ପଟେଲ, ଅବସର ପ୍ରାପ୍ତ ଶିକ୍ଷକ ଛତିଶଗଡ଼,ଡ଼ା: ପର୍ଶୁରାମ ଦ୍ୱିବେଦୀଙ୍କ ରଚିତ ବାଦଶାହ ଔର୍‌ ବିରବଲ ‌ ଙ୍କ ଉପାଖ୍ୟାନ ମାଧ୍ୟମରେ ଔପନ୍ୟାସିକ ପଟେଲ ଙ୍କ ବିଭିନ୍ନ ଦୃଷ୍ଟିକୋଣ ସଂପର୍କରେ ଏକ ସୂକ୍ଷ୍ମ ବିବରଣୀ ପ୍ରଦାନ କରିଥିଲେ । ସମ୍ମାନୀତ ଅତିଥି ସଂଗ୍ରାମ ସାହୁ ଅଧ୍ୟାପକ, ଦଧିବାମନ ଡିଗ୍ରୀ ମହାବିଦ୍ୟାଳୟ, ଭଟଲି, ଔପନ୍ୟାସିକ ଜଣେ ପୁରୁଷ ଶ୍ରେଣୀଭୁକ୍ତ ହୋଇ ମଧ୍ୟ ଜଣେ ନାରୀ ଚରିତ୍ରର ବେଦନାକୁ ଅତି ନିଖୁଣ ଭାବେ ଚିତ୍ରଣ କରି ପାରିଥିବା ଯୋଗୁଁ ରଚୟିତାଙ୍କର ଉଚ୍ଚ ପ୍ରଶଂସା କରିଥିଲେ । ସମ୍ମାନିୟ ସଂସଦର ସାଂସଦ୍‌ ଶ୍ରୀଯୁକ୍ତ ଶରତ ପ୍ରଧାନ "ବୈଦେହୀ" ଉପନ୍ୟାସ ରେ ସାମାଜିକ ଚଲଣୀର ଗୁରୁତ୍ଵ ବିଷୟ ପ୍ରତି ସମସ୍ତଙ୍କ ଧ୍ୟାନ ଆକର୍ଷଣ କରିଥିଲେ । ଏହା ସମାଜ ର ସମସ୍ତ ପୁରୁଷ ଓ ମହିଳାଙ୍କ ନିମନ୍ତେ ପଠନୋପଯୋଗୀ  ଉପନ୍ୟାସ ବୋଲି ଦୃଢ଼ ଅଭିମତ ପ୍ରକାଶ କରିଥିଲେ । ଅନ୍ୟତମ ସମ୍ମାନିତ ଅତିଥି ଶ୍ରୀଯୁକ୍ତ  ନରେନ୍ଦ୍ର ପ୍ରଧାନ  ଅବସର ପ୍ରାପ୍ତ ପ୍ରାଧ୍ୟାପକ  "ବୈଦେହୀ" ଙ୍କୁ ପ୍ରଣିଘ ଓ ରାଧା ଙ୍କୁ ପ୍ରଣୟିନୀ  ରୂପେ‌ ‌ଅଭିହିତ କରି ପୁରୁଷ ର ବିକାଶରେ ଉଭୟ ଙ୍କ ଗୁରୁତ୍ଵ ‌ରହିଥିବା ଉଲ୍ଲେଖ କରିଥିଲେ । ସଭାପତି ଶ୍ରୀଯୁକ୍ତ ସୀତାରାମ ରଥ "ବୈଦେହୀ" ଉପନ୍ୟାସ ରେ ବର୍ଣ୍ଣିତ ଜନକ ନନ୍ଦିନୀ ସୀତାଙ୍କ  ନଙ୍ଗଳ ମୁହଁରୁ ଆବିର୍ଭାବ ଓ ଉର୍ମିଳା, ମାଣ୍ଡବୀ, ଶ୍ରୂତିକିର୍ତ୍ତୀ  ଜନକଙ୍କ ଭ୍ରାତା ଙ୍କ ଦୁହିତା ଥିବା ସହ,ଶ୍ରୁପଣଖା ନିଜ ସ୍ୱାର୍ଥ ପାଇଁ ଅସୁର ବଂଶନାଶ ଚକ୍ରାନ୍ତ ସଂକ୍ରାନ୍ତରେ ଔପନ୍ୟାସିକଙ୍କ ବର୍ଣ୍ଣନାକୁ ଉଚ୍ଚ ପ୍ରଶଂସା କରିଥିଲେ । ଅନ୍ୟ ସଦସ୍ୟମାନଙ୍କ ମଧ୍ୟରେ  ଶ୍ରୀ ଦୁର୍ଯୋଧନ କାଲୋ, ଶ୍ରୀ ଦୟାସାଗର ପଟେଲ ,ନାଥ ପ୍ରଧାନ , ଶ୍ୟାମଲାଲ ନାୟକ ଆଲୋଚନା ରେ ଅଂଶ ଗ୍ରହଣ କରି ଉପନ୍ୟାସ ସଂପର୍କୀୟ ନିଜସ୍ୱ ଅଭିମତ ବର୍ଣ୍ଣନା କରିଥିଲେ । ଶେଷରେ କଳା -ସାହିତ୍ଯ  ସଂସଦ ର ସଂପାଦକ  ଶ୍ରୀଯୁକ୍ତ  ଯୋଗେଶ୍ୱର ରଥ  ଧନ୍ୟବାଦ ଅର୍ପଣ କରିଥିଲେ ।