03-Oct-2024

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ବଡ ଖମାର ସ୍ଥିତ ଲାଲ ବହାଦୁର କ୍ଲବର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି l  ଅମ୍ରିଶ ବାରିକଙ୍କ ପୌରହିତ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ  ମୁଖ୍ୟ ଅତିଥିଭାବେ ବୟନିକା ରାଜ୍ୟ ସଭାପତି  ପ୍ରକାଶ ଚନ୍ଦ୍ର ମେହେର , ସମାଜସେବୀ ଓ ଶିକ୍ଷାବିତ କ୍ଷିର ସାଗର ବିଭାର, ମୀନକେତନ ମହାକୁର, ଦୁର୍ୟୋଧନ ମେହେର, ଡୋଳାମଣି ମେହେର, ଆଶିଷ ସାହୁ ପ୍ରମୁଖ ସମ୍ମାନିତ ଅତିଥି ଭାବେ ମଞ୍ଚାସିନ ଥିଲେ।  ସଭାରେ କୁନିକୁନି ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥିଲା।  ସ୍ୱାଗତ ସଂଗୀତ ପରିବେଷଣ କରିଥିବା  ଶିଶୁ କଳାକାର ମାନଙ୍କୁ ମୁଖ୍ୟ ଅତିଥି ଏକ ହଜାର ଟଙ୍କା ପୁରସ୍କୃତ କରାଯାଇଥିଲା l ମଞ୍ଚରେ ଗ୍ରାମର ମଠ ଅନ୍ତେବାସୀ ବାର ଜଣଙ୍କୁ ବୟନିକା ତରଫରୁ ଶୀତ ବସ୍ତ୍ର,ବେଟସିଟ ଚାଦର ପ୍ରଦାନ, ସାହିତ୍ୟ ସ୍ରଷ୍ଟା ଗୋପୀନାଥ ସୁନାଙ୍କୁ ସମ୍ମାନୀତ କରିବା ସହ କଳାକାର ମାନଙ୍କୁ ଟ୍ରଫି ସହ ମାନପତ୍ର ପ୍ରଦାନ କରାଯାଇଥିଲା। କାର୍ଯ୍ୟକ୍ରମରେ ମନମୁଣ୍ଡା ତ୍ରିରଙ୍ଗା କ୍ଲବ ବରିଷ୍ଠ ସଦସ୍ୟ ଅନିଲ ମଲିକ, ରାଜେଶ ରଣା, ଜିତେନ୍ଦ୍ର ମେହେର, ଯଶୋବନ୍ତ ମଲିକ, ବିଶ୍ୱଜିତ ପାତ୍ର, ସଞ୍ଜୟ ମହାପାତ୍ର, କ୍ଲବ ସଦସ୍ୟ ହେମନ୍ତ ପଧାନ, ଉମାକାନ୍ତ ଭୋଇ, ସଂଜୀବ ସାହୁ ସହ ସମସ୍ତ ସଦସ୍ୟ ସହ ଗ୍ରାମ ଓ ଅଞ୍ଚଳର ହଜାର ସଂଖ୍ୟାରେ ଉପସ୍ଥିତ ଦର୍ଶକମଣ୍ଡଳୀ ଉପସ୍ଥିତ ଥିଲେ। ଏଥିରେ  ସଚ୍ଚିଦାନନ୍ଦ ମହାକୁର ସଭା ପରିଚାଳନା କରିଥିବାବେଳେ କ୍ଲବ ସମ୍ପାଦକ ଗଦାଧର ବାରିକ ଧନ୍ୟବାଦ ଅର୍ପଣ କରିଥିଲେ l ସନ୍ଧ୍ୟା ସମୟରେ ସ୍ଥାନୀୟ ଶିଶୁ କଳାକାର ମାନଙ୍କ ଦ୍ବାରା  ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା।