02-Oct-2024

 ବିନିକା(ହିମାଂଶୁ ଶେଖର ପୁଟେଲ): ମଙ୍ଗଳବାର ଜାତୀୟ ସ୍ଵେଚ୍ଛାକୃତ ରକ୍ତଦାନ ଦିବସ ଅବସରରେ ଆଜି ବିନିକା ସ୍ଥିତ ସିଦ୍ଧାର୍ଥ ଡ଼ିଗ୍ରୀ କଲେଜରେ ଯୁବ ରେଡକ୍ରସ,ରେଡ ରିବନ କ୍ଲବ ଓ ଏନଏସଏସର ମିଳିତ ଆନୁକୂଲ୍ୟରେ ଏକ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଟିତ ହୋଇଥିଲା।ଏଥିରେ ୭ଜଣ ମହିଳାଙ୍କ ସମେତ ମୋଟ ୫୧ଜଣ ସ୍ଵେଚ୍ଛାକୃତ ଭାବେ ରକ୍ତଦାନ କରିଥିଲେ ।ଜିଲ୍ଲା ରେଡକ୍ରସ ସଂଯୋଜକ ତଥା ଅର୍ଥନୀତି ଅଧ୍ୟାପକ ବିଶ୍ଵନାଥ ମିଶ୍ରଙ୍କ ପରିଚାଳନାରେ ଅନୁଷ୍ଟିତ ଏହି ଶିବିରକୁ ଅଧ୍ୟକ୍ଷ ଡ଼ ଧୀରେନ୍ଦ୍ର କୁମାର ନାୟକ ଫିତାକାଟି ଉଦ୍ଘାଟନ କରିଥିଲେ ।ଏହି ଅବସରରେ ଏନଏସଏସ ପ୍ରୋଗ୍ରାମ ଅଧିକାରୀ ହରିଶ୍ଚନ୍ଦ୍ର ହୋତା,ଇତିହାସ ବିଭାଗ ମୁଖ୍ୟ ଗୋପାଳ କୃଷ୍ଣ ଦାଶ,ରାଜନୀତି ବିଜ୍ଞାନ ବିଭାଗ ମୁଖ୍ୟ ରୁଦ୍ର ନାରାୟଣ ଦାଶଙ୍କ ସମେତ ସମସ୍ତ ଅଧ୍ୟାପକ/ଅଧ୍ୟାପିକା ଉପସ୍ଥିତ ଥିଲେ।ସୁବର୍ଣ୍ଣପୁର ବ୍ଲଡ଼ ବ୍ୟାଙ୍କରୁ ଡ଼.ମନୋଜ କୁମାର ପ୍ରଧାନଙ୍କ ନେତୃତ୍ୱରେ ସୁଦାମ ବିଶ୍ୱାଳ,ଜଗତ ଡରୱନ,ବନମାଳୀ ସାହୁ,ଯୁଧିଷ୍ଟିର ନାଏକ,ଟଙ୍କଧର କୁନାର ପ୍ରମୁଖ ଯୋଗଦେଇ ରକ୍ତଦାତାଙ୍କ ଠାରୁ ରକ୍ତ ସଂଗ୍ରହ କରିଥିଲେ | ଏହି ପରିପ୍ରେକ୍ଷୀରେ ବୀରମହାରାଜପୁର ବିଧାୟକ ଇଂ ରଘୁନାଥ ଜଗଦଲା ଯୋଗଦେଇ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ | ଶିବିର ପରିଚାଳନାରେ ଛାତ୍ରଛାତ୍ରୀ  ସହଯୋଗ କରିଥିଲେ |