26-Sep-2024

ଅତାବିରା(ଆକାଶ ମିଶ୍ର): ସଂସ୍କାର ଓ ସ୍ଵଭାବ ରେ ସ୍ବଚ୍ଛତା  ପାଇଁ  ଦ୍ଵାର ଉନ୍ମୁକ୍ତ କରେ  ସ୍ୱଚ୍ଛ ପରିବେଶ । ତେଣୁ ପରିବେଶ କୁ ସ୍ୱଚ୍ଛ ରଖିବା  ପ୍ରତ୍ୟେକ ଜନତା ଙ୍କ କର୍ତ୍ତବ୍ୟ । ସ୍ବଚ୍ଛତା ହିଁ ସେବାରୂପକ ଏକ ମହାନ୍ ବାର୍ତ୍ତାକୁ ଜନ ମାନସରେ ପହଞ୍ଚାଇବା  ପାଇଁ "କହିବା ଆଗରୁ କରିବା 'ଉକ୍ତିକୁ  ହୃଦୟଙ୍ଗମ କରି ଅତାବିରା ଗୋଷ୍ଠୀ ଉନ୍ନୟନ ଅଧିକାରୀ ସୂର୍ଯ୍ୟ କୁମାର ନାୟକ ଅଣ୍ଟା ଭିଡିଛନ୍ତି   ପରିବେଶ ସଫେଇ ପାଇଁ ।ଏଥିପାଇଁ ଆଜି ସକାଳ ପ୍ରାୟ  ୫ ଠାରୁ  ୮ ଟା ଯାଏଁ ବ୍ଲକ ର ସମସ୍ତ କର୍ମଚାରୀ  ଙ୍କ ସହ  ବ୍ଲକ ଚତୁଃପାର୍ଶ୍ଵ ଓ ସମବାୟ ବ୍ୟାଙ୍କ୍ ପର୍ଯ୍ୟନ୍ତ  ରହିଥିବା ସମସ୍ତ ଆବର୍ଜନା କୁ  ସଫା କରିଥିଲେ । ଅତାବିରା  ବିଜ୍ଞାପିତ ଅଞ୍ଚଳ ପରିଷଦ ର ଆବର୍ଜନା ଗାଡ଼ି କୁ ଅନି ସେଥିରେ ସମସ୍ତ ଆବର୍ଜନା କୁ ବୋଝେଇ କରି ସହର ଠାରୁ ଦୂରରେ କାଣ୍ଡପାଲି ରେ  ରହିଥିବା ମଳ ପ୍ଲାଣ୍ଟ କୁ ପଠାଇଥିଲେ ।ଏହା ବ୍ୟତୀତ  ପରିବେଶ କୁ ଜୀବାଣୁ ମୁକ୍ତ କରିବା ପାଇଁ ଫିନାଇଲ, ଡି ଡି ଟି ଆଦି ସିଞ୍ଚନ କରି ଥିଲେ  ।ବ୍ଲକ ପରିସର ମଧ୍ୟରେ ହେଉଥିବା ସଭା ସମିତି ମାନଙ୍କରେ  ବ୍ୟବହୃତ ପ୍ଲାଷ୍ଟିକ ପାଣି ବୋତଲ, ପ୍ଲେଟ, ଗ୍ଲାସ  , ଖାଲି ଆଦି କୁ ପକାଇବା ପାଇଁ ଡଷ୍ଟ୍ବବିନ ର ବ୍ୟବସ୍ଥା କରିଥିଲେ । କଠିନ  ଅଜୈବିକ,ଜୈବିକ ଆଦି ବର୍ଜ୍ୟବସ୍ତୁ କୁ ନିର୍ଦ୍ଧିଷ୍ଟ

ଡଷ୍ଟବିନରେ ପକାଇ ବର୍ଜ୍ୟବସ୍ତୁ ସୁପରିଚାଳନାରେ ନିଜକୁ ଅଂଶୀଦାର କରିବା ପାଇଁ ଲୋକଙ୍କୁ ସଚେତନ ମଧ୍ୟ କରିଥିଲେ । ଏହି ସଫେଇ କାର୍ଯ୍ୟକ୍ରମରେ ବ୍ଲକ କର୍ମଚାରୀ ଅସାଡୁ କିଷାନ, ସlନିଟାଇଯର ଏକ୍ସପୋର୍ଟ ଦୀନବନ୍ଧୁ ପ୍ରଧାନ, ବି ଆର୍ ସି ହରିହର ସିଂ, ଆର୍ ଡବ୍ଲ ଏସ ଏସ ରଞ୍ଜନ କୁମାର ନାଏକ, କନିଷ୍ଠ ଯନ୍ତ୍ରୀ ପ୍ରେଷ୍କାର୍ ଧରୂଆ, ପି ଇ ଓ ବବଳି  ବିଶ୍ଵାଳ, ସୁପ୍ରଭା ପଣ୍ଡା, ଜ୍ୟୋତିର୍ମୟୀ ପଣ୍ଡା ଓ ସମସ୍ତ କର୍ମଚାରୀ ସାମିଲ ହୋଇଥିଲେ ।