20-Sep-2024

ବରଗଡ:(ନିରଞ୍ଜନ ତ୍ରିପାଠୀ)-ବରଗଡର Cancer Survivors ମାନଙ୍କ ଦ୍ଵାରା ଗଠିତ  Fighters Group ଆଗାମୀ ୨୯ ସେପ୍ଟେମ୍ବର ରବିବାର, ୯ ଘଣ୍ଟା ୩୦ ମିନିଟ ସମୟରେ ସ୍ଥାନୀୟ ବିଜୁ ପଟ୍ଟନାୟକ ଟାଉନ ହଲ ଠାରେ  କେନ୍ସର ରୋଗୀ ଓ ପୀଡିତ ପରିବାରବର୍ଗଙ୍କୁ ମାନସିକ ସ୍ତରରେ ମଜବୁତ କରି ମନୋବଳ ବୃଦ୍ଧି କରିବାର ପ୍ରୟାସ କରି ଏକ ନିଆରା କାର୍ଯ୍ୟକ୍ରମ ପାଇଁ ଅଣ୍ଟା ଭିଡିଛି ଯାହାକି ସାରା ଓଡିଶାରେ ପ୍ରଥମ ଥର ପାଇଁ ବରଗଡ ସହରରେ ହେବାକୁ ଯାଉଛି।ଏନେଇ ଶୁକ୍ରବାର ସ୍ଥାନୀୟ ଅଗ୍ରଗାମୀ ଯୁବକ ସଂଘ ଠାରେ ଆୟୋଜିତ ଏକ ସାମ୍ବାଦିକ ସମ୍ବିଳନୀରେ ଫାଇଟର୍ସ ଗୃଫ ପକ୍ଷରୁ ସୂଚନା ଦିଆଯାଇଛି ।ସାମାଜିକ ଓ ମାନସିକ ସ୍ତରରେ କେନ୍ସର ରୋଗୀ ଓ ତାଙ୍କ ପରିବାରର ମନୋବଳ ବୃଦ୍ଧି ପାଇଁ ଆୟୋଜିତ ଏହି "ମନୋବଳ ବୃଦ୍ଧି କାର୍ଯ୍ୟକ୍ରମ"  (Psycho-Social Support to Cancer patients and family Event )ର ମୁଖ୍ୟ ଆକର୍ଷଣ ହେଉଛନ୍ତି ଓଡିଶାର ବାଗଚୀ ଶଙ୍କରାଶ୍ରୟ  Psycho- Oncologist ଡାକ୍ତର ଶ୍ରୀମତୀ କେଶବ ଶର୍ମା । ଏହି କାର୍ଯ୍ୟକ୍ରମ ରେ ବିଶିଷ୍ଟ Psycho- Oncologist ମାନେ ଯୋଗଦେଇ କେନସର ଚିହ୍ନଟ ହେବା ମୂହୁର୍ତ୍ତରୁ ଚିକିତ୍ସା ର ପ୍ରତ୍ୟେକ ପର୍ଯ୍ୟାୟରେ ନିଜକୁ କିଭଳି ମାନସିକସ୍ତରରେ ମଜବୁତ କରିପାରିବେ ସେ ସଂପର୍କରେ ପିଡୀତ ଓ ପରିବାରଙ୍କ ସହିତ ଆଲୋଚନା କରିବେ।  ସେହିପରି ରାୟପୁର ବାଲକୋ ହସ୍ପିଟାଲରୁ ସାଇକୋଲୋଜିଷ୍ଟ ଡାକ୍ତର ଅମୃତ ମଜୁମଦାର,ବୁର୍ଲା ଭୀମସାରରୁ ବରିଷ୍ଠ ରେଡିଏସନ ଅଙ୍କୋଲୋଜିଷ୍ଟ ଡାକ୍ତର ବିଶ୍ଵରଞ୍ଜନ ରାଉତରାୟ,ସମ୍ବଲପୁର ବିଶ୍ଵବିଦ୍ୟାଳୟର ଆସିଷ୍ଟେନ ପ୍ରଫେସର ସୋସିଓଲୋଜି ସ୍ପେଶିଆଳିଷ୍ଟ ଡାକ୍ତର ମଧୁମିତା ବିଶ୍ଵାଳ,ଭୁବନେଶ୍ବର ବାଗଚୀ ଶଙ୍କରାଶ୍ରୟ ସାଇକୋଲୋଜିକାଲ କାଉନ୍ସିଲର ରାଜନନ୍ଦିନୀ ଘୋଷ ଏବଂ ଭୁବନେଶ୍ବର "ଉମିଦେ " ର ଫାଉଣ୍ଡର ନିତାଇ ଗୌର ପାଣିଗ୍ରାହୀ ଉପସ୍ଥିତ ରହି କେନ୍ସର ରୋଗୀ ଏବଂ ପୀଡିତ ପରିବାରଙ୍କ ସହିତ ଆଲୋଚନା କରିବେ ।କେନ୍ସର ରୋଗ ସହିତ ଲଢେଇକରି ବିଜୟୀ ହୋଇଥିବା କେନ୍ସର ସରଭାଇଭର ମାନଙ୍କ ଦ୍ଵାରା ଗଠିତ ବରଗଡର ଫାଇଟର୍ସ ଗୃଫ ଆଜି ପର୍ଯ୍ୟନ୍ତ ଅନ୍ୟ କେନ୍ସର ରୋଗୀଙ୍କୁ  ଉନ୍ନତ ଚିକିତ୍ସା କ୍ଷେତ୍ରରେ ରାହା ଦେଖାଇ ସାହାଯ୍ୟର ହାତବଢାଇ ଆସିଥିଲା ଓ ବରଗଡରେ କେନ୍ସର ସହଯୋଗ କେନ୍ଦ୍ର ଖୋଲି ନିଆରା ପ୍ରୟାସ କରିଥିଲା ମାତ୍ର କେନ୍ସର ରୋଗୀ ଓ ପରିବାର ମାନସିକ ଓ ସାମାଜିକ କ୍ଷେତ୍ରରେ ଯେଉଁ ସମସ୍ୟାର ସାମନା କରିଥାନ୍ତି ତାହା ପୁରା ପରିବାରକୁ ଅସ୍ତବ୍ୟସ୍ତ କରି ପକାଇଥାଏ ତେଣୁ ଫାଇଟର୍ସ ଗୃଫ ପୁଣି ନିଆରା ପ୍ରୟାସ କରିଛି କେନ୍ସର ରୋଗୀ ଓ ପୀଡିତ ପରିବାରଙ୍କୁ ମାନସିକ ସ୍ତରରେ ମଜବୁତ କରିବାକୁ।ତେବେ ଜିଲ୍ଲା ଓ ଜିଲ୍ଲା ବାହାରେ ରହିଥିବା କେନ୍ସର ରୋଗୀ ତଥା ରୋଗୀଙ୍କ ପରିବାର ବର୍ଗ ଆସନ୍ତା ୨୯ ତାରିଖରେ ହେବାକୁଥିବା ଏହି ମନୋବଳ ବୃଦ୍ଧି କାର୍ଯ୍ୟକ୍ରମରେ ନିଶ୍ଚିତ ରୂପେ ଯୋଗଦାନ କରିବାକୁ ଆଜିର ଆୟୋଜିତ ସାମ୍ବାଦିକ ସମ୍ବିଳନୀରେ ଫାଇଟର୍ସ ଗୃଫ ପକ୍ଷରୁ ଅନୁରୋଧ କରାଯାଇଛି । ଆଜିର ଏହି ସାମ୍ବାଦିକ ସମ୍ବିଳନୀରେ "ଫାଇଟର୍ସ ଗୃଫ ଟ୍ରଷ୍ଟ ର ଅଧ୍ୟକ୍ଷ ଅଶ୍ଵିନୀ ଦର୍ଜି, ଭ୍ବବନେଶ୍ବର "ଉମିଦେ" ର ଫାଉଣ୍ଡର ନିତାଇ ଗୌର ପାଣିଗ୍ରାହୀ,ରବି ପଣ୍ଡା,କେନ୍ସର ସହଯୋଗ କେନ୍ଦ୍ରର କୋଡିନେଟର ଦୁର୍ଲଭି ବିଶ୍ଵାଳ,ଫାଇଟର୍ସ ଗୃଫର ସଦସ୍ୟ ପ୍ରତାପ ଦାସ ଏବଂ କେନ୍ସର କେୟାର ଭୋଲେଣ୍ଟିୟର ସେଖ ମହମ୍ମଦ ଗଜନବି ଉପସ୍ଥିତ ଥିଲେ ।