01-Sep-2024

ବଲାଙ୍ଗିର, ରାଉରକେଲା ପ୍ରାକ୍ତନ ଏନ୍ ଏ ସି ( ଏସ ଟି )ର  ଅବସରପ୍ରାପ୍ତ   ଶିକ୍ଷକ ଶ୍ରୀ ଯୁକ୍ତ ଜୟହିନ୍ଦ ସାହୁଙ୍କ ୭୬ ବର୍ଷ ବୟସରେ ବାର୍ଦ୍ଧକ୍ୟ ଜନିତ ଅସୁସ୍ଥତା କାରଣରୁ ବାଙ୍ଗାଲୋର ହସ୍ପିଟାଲ ଠାରେ ଚିକିତ୍ସାଧୀନ ଅବସ୍ଥାରେ ତାରିଖ ୩୦୦୮୨୦୨୪ ଶୁକ୍ରବାର ଗତ ପୂର୍ବାହ୍ନ ୧୧.୩୦ ଘଟିକା ରେ ପରଲୋକ ହୋଇଯାଇଛି । ବଲାଙ୍ଗିର ଜିଲ୍ଲା ଦେଓଗାଁ ସ୍ଵର୍ଗତ ଶ୍ରିପତି ଚରଣ ସାହୁଙ୍କ ପୁତ୍ର ଜୟ ହିନ୍ଦ ସାହୁ, ସେ ଗଙ୍ଗାଧର ମେହେର କଲେଜ ସମ୍ବଲପୁର ରେ ପାଠ ପଢ଼ା ଶେଷ କରି ଥିଲେ ଓ ରାଉରକେଲାରେ ଚାକିରି କରିଥିଲେ l ଅବସର ଗ୍ରହଣ ମଧ୍ୟ କରିଥିଲେ l
 ସେ ଜଣେ ଶାନ୍ତ, ମିଷ୍ଟଭାଷୀ,ମେଳାପି , ଧର୍ମପରାୟଣ , ଛାତ୍ର ବାତ୍ସଲ୍ୟ ଓ ପରୋପକାରୀ ବ୍ୟକ୍ତିତ୍ୱର ଅଧିକାରୀ ଥିଲେ।  ମୃତ୍ୟୁ ଶଯ୍ୟା ନିକଟରେ ପୁତ୍ର ରଞ୍ଜନ ସାହୁ,   ନାତୁଣୀ ଶୃତି, କନ୍ୟା   କବିତା ଓ ସରିତା, ଆତ୍ମୀୟ, ସ୍ୱଜନ ଓ ଆଖପାଖ ଅଞ୍ଚଳର ବହୁ ଲୋକ ଉପସ୍ଥିତ ଥିଲେ। ପୁତ୍ର ରଞ୍ଜନ ସାହୁ ବାଙ୍ଗାଲୋର ସ୍ଥିତ ଶ୍ମଶାନ ରେ ମୁଖାଗ୍ନୀ ଦେଇଥିଲେ। ତାଙ୍କର ଶେଷକୃତ୍ୟ  ବାଙ୍ଗାଲୋର ଠାରେ ସମ୍ପନ୍ନ ହୋଇଯାଇଛି । ଚାକିରିରୁ ଅବସର ପରେ ସ୍ବର୍ଗତ ସାହୁ ପୁଅ ରଞ୍ଜନ ପାଖରେ ସ୍ଥାୟୀ ଭାବରେ ଅବସ୍ଥାନ କରୁଥିଲେ। ରାଉରକେଲା ର 
ପ୍ରାକ୍ତନ ଏନ୍ ଏ ସି ( ଏସ ଟି )ର ଅବସର ପ୍ରାପ୍ତ ଶିକ୍ଷକ/ଶିକ୍ଷୟିତ୍ରୀ ମାନଙ୍କ ପକ୍ଷରୁ ଅମର ଆତ୍ମାର ଶାନ୍ତି ଓ ସଦଗତି କାମନା ସହ  ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି l