18-Aug-2024

କଣ୍ଟାମାଳ(ଜୟ କୁମାର ମହାରଣା): ଓଡ଼ିଶାରେ ୧୪ଟି ଚିହ୍ନିତ ହାତୀ କରିଡର ରହିଅଛି l ତନ୍ମଧ୍ୟରୁ ଆନ୍ତରାଜ୍ୟ ୪ଗୋଟି, ଆନ୍ତଜିଲା ୬ଗୋଟି ହାତୀ ଚଲାପଥ ରହିଛି l ହାତୀ କରିଡର ମଧ୍ୟ ଦେଇ ଜାତୀୟ ରାଜପଥ ଓ ରେଳପଥର ସମ୍ପ୍ରସାରଣ, ଆବାସିକ ଘର ନିର୍ମାଣ ଯୋଗୁଁ ହାତୀ କରିଡରରେ ହାତୀମାନଙ୍କ ଚଳପ୍ରଚଳ ବାଧାପ୍ରାପ୍ତ ହେଉଛି l ବନ୍ୟପ୍ରାଣୀଙ୍କ କ୍ଷେତ୍ରରେ କାର୍ଯ୍ୟ କରୁଥିବା ଅଗ୍ରଣୀ ଅନୁଷ୍ଠାନ ଏଭରଗ୍ରୀନ ଫୋରମ ପକ୍ଷରୁ ଆନ୍ତଃଜିଲା ବାରପାହାଡ଼-ତରଭା-କଣ୍ଟାମାଳ ହାତୀ କରିଡର ସର୍ଭେ କରାଯାଇଛି l ଫୋରମ ସଭାପତି ପ୍ରକାଶ ଚନ୍ଦ୍ର ଜେନାଙ୍କ ନେତୃତ୍ୱରେ ଇଂ. ସଞ୍ଜୀବ କୁମାର ପରିଡା, ଅରିନ୍ଦମ ପରିଡା, ସ୍ୱରାଜ କୁମାର କହଁର, ଡଃ ଗୌରୀଶଙ୍କର ଜେନା, ଡଃ ନରେନ୍ଦ୍ର କୁମାର ରାଉତ ଏବଂ ଅନିଳ କୁମାର ବେହେରା ପ୍ରମୁଖ ହାତୀ କରିଡର ପରିଦର୍ଶନ କରି ହାତୀମାନଙ୍କ ଯାତାୟାତ ସମ୍ବନ୍ଧରେ ସର୍ଭେ କରିଥିଲେ l ଉକ୍ତ ପରିଦର୍ଶନ କାର୍ଯ୍ୟକ୍ରମରେ ସୁବର୍ଣ୍ଣପୁର ବନଖଣ୍ଡ ଅଧିକାରୀ ମଦନଲାଲ ଶର୍ମା, ବୌଦ୍ଧ ବନଖଣ୍ଡ ଏସିଏଫ ଆଶିଷ କୁମାର କହଁର, କଣ୍ଟାମାଳ ଏସିଏଫ କ୍ଷିରାବ୍ଧି ପ୍ରଧାନ, ବୌଦ୍ଧ ଏସିଏଫ ଅର୍ଚ୍ଚନା ଗମାଙ୍ଗୋ, ବନପାଳ ଚନ୍ଦ୍ରଶେଖର ଦାଶ, ଦିଗାମ୍ବର ପ୍ରଧାନ, ବୁଲି ବେହେରା, ଦିନେଶ ମାଝୀ, ଭକ୍ତ ଚରଣ ମିଶ୍ର, ବନରକ୍ଷୀ ଜ୍ୟୋତି ରଞ୍ଜନ ବାରିକ, ବିଷ୍ଣୁ ନାଏକ ଏବଂ ଅନ୍ୟାନ୍ୟ ବନ କର୍ମଚାରୀ ଉପସ୍ଥିତ ରହି ସହଯୋଗ କରିଥିଲେ l