17-Aug-2024

କଣ୍ଟାମାଳ(ଜୟ କୁମାର ମହାରଣା): ଦିନକୁ ଦିନ ପରିବେଷର ଦ୍ରୁତ ପ୍ରଦୂଷଣ ଓ ତାପମାତ୍ରା ବୃଦ୍ଧିକୁ ଦୃଷ୍ଟିରେ ରଖି ୭୮ତମ ସ୍ୱାଧୀନତା ଦିବସ ପାଳନ ଅବସରରେ କଣ୍ଟାମାଳ ବଣିକ ସଂଘ ପକ୍ଷରୁ ଜାତୀୟ ପତାକା ଉତ୍ତୋଳନ ସହ ବୃକ୍ଷରୋପଣ  କରି ସମସ୍ତଙ୍କ ମଧ୍ୟରେ ସଚେତନତାର ବାର୍ତ୍ତା ସୃଷ୍ଟି ପାଇଁ ଏକ ଅଭିନଵ ପ୍ରୟାସ କରିଛନ୍ତି l ସଂଘର ପ୍ରସ୍ତାବିତ କାର୍ଯ୍ୟାଳୟ ଠାରେ ସଂଘ ସଭାପତି ବଜରଙ୍ଗଲାଲ ଅଗ୍ରୱାଲଙ୍କ ଅଧ୍ୟକ୍ଷତାରେ ବରିଷ୍ଠ ଆଇନଜୀବୀ କୈଳାସ ଚନ୍ଦ୍ର ବାରିକ ମୁଖ୍ୟଅତିଥି ଓ ଉପଦେଷ୍ଠା ପ୍ରଶାନ୍ତ କୁମାର ସାହୁ ସମ୍ମାନିତ ଅତିଥିଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ  l  ତାପମାତ୍ରା ବୃଦ୍ଧିକୁ ରୋକିବା ସହ ପରିବେଶ ସନ୍ତୁଳନ ବଜାୟ ରଖିବାକୁ ପର୍ଯ୍ୟାପ୍ତ ବୃକ୍ଷରୋପଣ ଅତ୍ୟନ୍ତ ଜରୁରୀ । ସମସ୍ତେ ଗଛ ଲଗାଇ ଭୁଲି ଯାଉଥିବା ବେଳେ ରୋପିତ ଚାରାର ସୁରକ୍ଷା, ଯତ୍ନ ଓ ଅଭିବୃଦ୍ଧି ନିମନ୍ତେ ଆମେ ସମସ୍ତେ ଆଜି ଏହି ତ୍ରିରଙ୍ଗା ଜାତୀୟ ପତାକା ତଳେ ସଂକଳ୍ପ ନେବା ପାଇଁ ଅତିଥିମାନେ ଆହ୍ୱାନ ଦେଇଥିଲେ l ପରେ ସମସ୍ତ ଙ୍କ ଦ୍ୱାରା ଏକ ସlମୁହିକ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l  ଏଥିରେ ଉପସଭାପତି ଶଙ୍କରଦୟାଲ ସାହୁ, ସହସମ୍ପାଦକ ତରଣୀସେନ ସାହୁ, କୋଷାଧ୍ୟକ୍ଷ୍ୟ ଚୈତନ୍ୟ ବେହେରା ଓ ସଦସ୍ୟ ଲବକିଶୋର ସାହୁ, ବସନ୍ତ ପାଢ଼ୀ, ଦାମୋଦର ସ୍ୱାଇଁ, ବିଷ୍ଣୁ ପ୍ରଧାନ, ସଚିକାନ୍ତ ସାହୁ, ଚୈତନ୍ୟ ରଣା, ବିବତ୍ସ କର୍ମୀ, ମୁକେଶ ଖଟୁଆ, ବସନ୍ତ ପାଢ଼ୀ, ଶିବ ସାହୁ, ରମଣୀସେନ ସାହୁ ସମେତ ଅନ୍ୟସମସ୍ତେ କାର୍ଯ୍ୟକ୍ରମରେ ଉପସ୍ଥିତ ଥିଲେ  l