12-Aug-2024

ଟିକାବାଲି (ରମେଶ ପଣ୍ଡା): କନ୍ଧମାଳ ଜିଲ୍ଲା ଟିକାବାଲି ବ୍ଲକ ଗାର୍ଡିଙ୍ଗିଆ ଗ୍ରାମ ପଂଚାୟତ ରେ ଥିବା ପୁରାତନ ଆଶ୍ରକନ୍ୟା ଗୁରୁକୁଳ ବିଦ୍ୟାପୀଠ ବାର୍ଷେଡ଼ି ଆଶ୍ରମ ପୁନଃଉଦ୍ଜୀବିତ ଉଦ୍ଦେଶ୍ୟରେ ସ୍ଥାନୀୟ ସରପଞ୍ଚ ଜିତେନ୍ଦ୍ର ମଳିକଙ୍କ ସଭାପତିତ୍ୱ ରେ ଏକ ସାଧାରଣ ବୈଠକ ଅନୁଷ୍ଠିତ ହୋଇଛି l 
ସୂଚନା ଅନୁସାରେ ଏହି ବିଦ୍ୟାପୀଠଟି 1975 ମସିହାରୁ ପ୍ରଥମେ କ. ନୂଆଗାଁ ବ୍ଲକ ସ୍ଥିତ ତପବନ ଆଶ୍ରମ  ସହିତ  ଯୋଗାସୂତ୍ର ରଖି ଗାର୍ଡିଙ୍ଗିଆ ଗ୍ରାମ ପଞ୍ଚାୟତ ରେ ମଧ୍ୟ୍ୟ ଏପରି ଏକ ଆଶ୍ରମ କରିବା ପାଇଁ ମୁଖ୍ୟ ସୂତ୍ରଧର ସାଜିଥିଲେ ପୂର୍ଵତନ ସରପଞ୍ଚ ତଥା ଅଞ୍ଚଳ ର ବିଶିଷ୍ଟ ବ୍ୟକ୍ତି ଜଗନ୍ନାଥ ମଳିକ, ରଘୁନାଥ ମଳିକ, ଗଣେଶ୍ୱର ପ୍ରଧାନ, ଶତ୍ରୁଘନ ମଳିକଙ୍କ ଆପ୍ରାଣ ଉଦ୍ୟମ ଓ ପ୍ରଚେଷ୍ଟାରେ ପ୍ରଥମେ ଆରମ୍ଭ କରାଯାଇଥିଲା ଏକ ଝlଟିମାଟି ଚାଲଛପର ଗୁରୁକୁଳ ଆଶ୍ରମ ବିଦ୍ୟାଳୟ, ଏବଂ 1980 ମସିହାରେ ସୁନ୍ଦରଗଡ଼ ଜିଲ୍ଲାର ରାଉରକେଲା ସ୍ଥିତ ବେଦବ୍ୟାସ ଆଶ୍ରମରୁ ପଣ୍ଡିତ ଧନେଶ୍ୱର ବେହେରାଙ୍କ କରକମଳରେ ପ୍ରଥମ ଉଦଘାଟନ କରାଯାଇଥିଲା ଏବଂ ସେହି ବର୍ଷ ଅଗଷ୍ଟ 3 ତାରିଖ ଦିନ ଠାରୁ ବିଦ୍ୟାଳୟରେ ଛାତ୍ରୀ ମାନଙ୍କ ନାମ ଲେଖା ସହିତ ପାଠ ପଡା ଆରମ୍ଭ କରାଗଲା l ଠିକ ଦୁଇ ବର୍ଷ ପରେ ଅର୍ଥାତ 1982ମସିହା ରେ ଛାତ୍ରୀ ନିବାସୀ ପାଇଁ ସରକାର ମଞ୍ଜୁରୀ ପ୍ରଦାନ କଲେ, ଏପରି କିଛି ବର୍ଷ  ନିୟମିତ ପାଠ ପଡା ଚାଲିଲା ଏବଂ ଜଣେ  ସରକାରୀ ପ୍ରଧାନ ଶିକ୍ଷକ ଭାବରେ ଶ୍ରୀ ବାଞ୍ଛାନିଧି ପ୍ରଧାନ ବିଦ୍ୟାଳୟ ର ଦାୟିତ୍ୱ ଗ୍ରହଣ କଳା ପରେ, ହଟାତ କିପରି ଓ କାହିଁକି ଆଶ୍ରମ ବନ୍ଦ ହୋଇଗଲା ତାର କୌଣସି ସଠିକ ତଥ୍ୟ ମିଳିଲା ନାହିଁ l ତେଣୁ ଆଜି ଅଞ୍ଚଳ ର ସମସ୍ତ ଶିକ୍ଷିତ ଯୁବକ ଶିକ୍ଷା ପ୍ରେମି ପୁଣି ସେହି ଅନୁଷ୍ଠାନ ଟିକୁ କିପରି ପୂର୍ଵ ପରି ନିୟମିତ ଚାଲୁ ହୋଇ ପାରିବ ସେ ନେଇ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଥିବା ର ଦେଖିବା କୁ ମିଳିଛି l
ଆଜିର ଏହି ଆଲୋଚନା ଚକ୍ର ରେ ଭୁବନେଶ୍ୱର ପିପୁଲ ଫରୱାଡ଼ ଫାଉଣ୍ଡେସନ ର ସମ୍ପାଦକ ଶ୍ରୀ ସତ୍ୟଜିତ ବରୁଆ, ,ଉପସଭାପତି ଶ୍ରୀ ପ୍ରଣୟ କୁମାର ମହାପାତ୍ର,ଅଞ୍ଚଳ ର ପୂର୍ଵତନ ସ୍ୱତନ୍ତ୍ର ଆଦିବାସୀ ଉନ୍ନୟନ ପରିଷଦ ଅଧ୍ୟକ୍ଷ ଶ୍ରୀ ରଦନ ମଳିକ କୋରାପୁଟ ଜିଲ୍ଲାର କୁଦୁଲି ଗୁରୁକୁଳ ଆଶ୍ରମ ର ମନୁଦେବ ଗୁରୁଜୀ, ଡ଼ଃ ଜଳେନ୍ଦ୍ର ତ୍ରିପାଠୀ ,ଅମିତ ଆଚାର୍ଯ୍ୟ, ବୈକୁଣ୍ଟ ଆଚାର୍ଯ୍ୟ, ସାମାଜିକ କର୍ମୀ ବନିତା ପରିଡ଼ା, ସମିତି ସଭ୍ୟ ଆଲଫାନ ପ୍ରଧାନ, ୱାର୍ଡ ସଭ୍ୟା ମିନାକ୍ଷୀ ପ୍ରଧାନ, ତର୍ମିକା ପ୍ରଧାନ, ସସ୍ମିତା ଦେହୁରୀ, ଶିବରାମ ପ୍ରଧାନ, ଗୌର ଚନ୍ଦ୍ର ପ୍ରଧାନ, ଏହା ସହିତ ପୂର୍ଵ ତନ ଆର୍ଯ୍ୟ ସମାଜ ସଭାପତି ଶ୍ରୀ ରାଧାନାଥ ମଳିକ, ସୁରାଜ ପ୍ରଧାନ ଦେବେନ୍ଦ୍ର ଦିଗାଲ ପ୍ରମୁଖ ଉପସ୍ଥିତ ଥିଲେ l