11-Aug-2024

  ବରଗଡ଼/ଅମ୍ବାଭୋନା:(ନିରଞ୍ଜନ ତ୍ରିପାଠୀ)-ଅଦ୍ୟ ରବିବାର ଦିନ କେଦାରନାଥ କଳା-ସାହିଦ୍ୟ ସଂସଦ ଏବଂ ସମ୍ବାଦ ସାହିତ୍ୟ ଘର,ଅମ୍ବାଭୋନା ଶାଖାର ମିଳିତ ଆନୁକୁଲ୍ୟରେ କେଦାରନାଥ ମନ୍ଦିର ପ୍ରାଙ୍ଗଣରେ "ସ୍ବଭାବ କବି ଗଙ୍ଗାଧର ମେହେର ସ୍ମୃତି ସମାରୋହ" ଦିବା ନଅ ଘଟିକା ସମୟରେ ଅନୁଷ୍ଠିତ ହୋଇଥିଲା। ପ୍ରାରମ୍ଭରେ ଉପସ୍ଥିତ ଅତିଥି ବୃନ୍ଦ ଓ ସାଂସଦ ମାନଙ୍କ ଗହଣରେ ମାଁ ସରସ୍ବତୀ ତଥା ସ୍ବଭାବ କବି ଗଙ୍ଗାଧର ମେହେରଙ୍କ ଫଟୋଚିତ୍ର ଉପରେ ପୁଷ୍ପ ମାଲ୍ୟାର୍ପଣ,ଦୀପ ପ୍ରଜ୍ଜ୍ବଳନ ପୂର୍ବକ ଶୁଭାରମ୍ଭ କରାଯାଇଥିଲା।ଶ୍ରୀଯୁକ୍ତ ସୀତାରାମ ରଥଙ୍କ ସଭାପତିତ୍ୱରେ  କାର୍ଯ୍ୟକ୍ରମର ପ୍ରଥମ ପର୍ଯ୍ୟାୟ ସାହିତ୍ୟ ଆସରକୁ ସଂଯୋଜନା କରିଥିଲେ ଶ୍ରୀମାନ ସୁଲଳିତ ପାତ୍ର। ଗଙ୍ଗାଧରୀୟ ସଙ୍ଗୀତ ଗାନ କରିଥିଲେ ଶ୍ରୀ ଶୁକ୍ରୁ ଦେହେରୀ ସହଯୋଗ କରିଥିଲେ ଶ୍ରୀ ନିମାଇଁ କାଲୋ ଓ ଅନ୍ୟାନ୍ୟ କଳାକାର ବୃନ୍ଦ । ଶ୍ରୀମତୀ ସୁଦ୍ରୁମା ପଣ୍ଡା,ଶ୍ରୀମାନ ଦୟାସାଗର ପଟେଲ,ଶ୍ରୀ ମଙ୍ଗଳ ସିଂ ଗଣ୍ଡ, ବ୍ରହ୍ମଚାରୀ ବେହେରା,ସୋମନାଥ ବେହେରା,ଶ୍ରୀମତୀ ଲୀଳାବତୀ ବେହେରା,ଶ୍ରୀ ବୈଷ୍ଣବ ଭୋଇ ପ୍ରମୁଖ ସ୍ବରଚନାବଳୀ ପାଠ କରିଥିଲେ।ସଭାପତିଙ୍କ ଅଭିଭାଷଣ ପରେ ପରେ ଦ୍ବିତୀୟ ଅଧିବେଶନ ଆରମ୍ଭରେ  ମୁଖ୍ୟ ଅତିଥି  ଶ୍ରୀଯୁକ୍ତ ନରେନ୍ଦ୍ର ପଧାନ (ଅବସରପ୍ରାପ୍ତ ପ୍ରାଧ୍ୟାପକ,କେନ୍ଦୁଝର ମହାବିଦ୍ୟାଳୟ) ମୁଖ୍ୟବକ୍ତା ଶ୍ରୀମତୀ ଡ: ସଂଘମିତ୍ରା ମିଶ୍ର (ଅଧ୍ୟାପିକା,ପାର୍ବତୀ ଗିରି ମହିଳା ମହାବିଦ୍ୟାଳୟ, ବରଗଡ଼) ଯୋଗଦାନ ପୂର୍ବକ ଗଙ୍ଗାଧର ମେହେର ସ୍ମୃତି ସମାରୋହ ଅନୁଷ୍ଠିତ ହୋଇଥିଲା।ମେହେର ସାହିତ୍ୟରେ କୃଷକ ସଙ୍ଗୀତ ଉପରେ ପ୍ରାକ୍‌ ବକ୍ତବ୍ୟ ରଖିଥିଲେ ଅବସରପ୍ରାପ୍ତ ଶିକ୍ଷକ ସୁଲଳିତ ପାତ୍ର।ମୁଖ୍ୟବକ୍ତା ଶ୍ରମତୀ ମିଶ୍ର ତାଙ୍କ  ଅଭିଭାଷଣରେ "ଆସ ଗଙ୍ଗାଧର ଙ୍କୁ ପଢ଼ିବା" ସମ୍ପର୍କରେ ଅନ୍ତର୍ନିହିତ ଭାବନାର ଏକ ହୃଦୟଗ୍ରାହୀ ଆଲୋକପାତ କରିଥିଲେ। ତାପରେ ମୁଖ୍ୟଅତିଥି ଶ୍ରୀ ପଧାନ ଗଙ୍ଗାଧର ମେହେର ସାହିତ୍ଯ କୃତିର ବିଭିନ୍ନ ଦିଗରେ ନିଜସ୍ୱ ମତ ପ୍ରତିପାଦନ କରିଥିଲେ। ଏହି କାର୍ଯ୍ୟକ୍ରମର ଅନ୍ତିମ ପର୍ଯ୍ୟାୟରେ ଉଦ୍‌ଯାପନି ସଙ୍ଗୀତ ଗାନ କରିଥିଲେ ଶ୍ରୀ ଶୁକ୍ରୁ ଦେହେରୀ ଓ କୃଷ୍ଣଚନ୍ଦ୍ର ସାହୁ ସହଯୋଗ କରିଥିଲେ ଶ୍ରୀମାନ ବିଦ୍ୟାଧର ପଶାୟତ। ଧନ୍ୟବାଦ ଅର୍ପଣ କରିଥିଲେ ଭଟଲିସ୍ଥିତ ବରିଷ୍ଠ ନାଗରିକ କମିଟୀର ମୁଖ୍ଯ ଶ୍ରଯୁକ୍ତ ଜଗଦୀଶ ସାହୁ।।