10-Aug-2024

ବରଗଡ଼(ନିରଞ୍ଜନ ତ୍ରିପାଠୀ) ନୂଆଦିଲ୍ଲୀ ସ୍ଥିତ ଜାତୀୟ କାରିଗରୀ ସଂଗ୍ରହାଳୟ ଠାରେ ଆୟୋଜିତ ପରମ୍ପରା ଓ ଉଦ୍ଭାବନ ଉତ୍ସବରେ ସନ୍ଥ କବୀର ପୁରସ୍କାରପ୍ରାପ୍ତ  ରାମକୃଷ୍ଣ ମେହେରଙ୍କ ସମ୍ବଲପୁରୀ ଶାଢ଼ୀ (ରାଷ୍ଟ୍ରୀୟ ଏକତାର ନିଦର୍ଶନ) ପ୍ରଦର୍ଶନୀରେ ବେଶ ଚର୍ଚ୍ଚାର ବିଷୟ ହୋଇଥିଲା।ତା ୦୮.୦୮.୨୦୨୪ ରିଖରେ ଅନୁଷ୍ଠିତ ଏହି ଭବ୍ୟ ଉତ୍ସବକୁ ମାନ୍ୟବର କେନ୍ଦ୍ର ବୟନଶିଳ୍ପ ମନ୍ତ୍ରୀ ଗିରିରାଜ ସିଂ ଉଦଘାଟନ କରିଥିବାବେଳେ, ସ୍ୱତନ୍ତ୍ର ଆମନ୍ତ୍ରଣ କ୍ରମେ ସନ୍ଥକବୀର ରାମକୃଷ୍ଣ ମେହେର ଯୋଗଦାନ କରିଥିଲେ। ବିଭିନ୍ନ ପ୍ରାନ୍ତରୁ ଆସିଥିବା ଆନ୍ତର୍ଜାତିକ ଡିଜାଇନରଙ୍କ ସମେତ ବସ୍ତ୍ର ମନ୍ତ୍ରଣାଳୟର ଉଚ୍ଚପଦସ୍ଥ ପଦାଧିକାରୀମାନେ ଉକ୍ତ ଶାଢ଼ୀର ଭାବାବେଗକୁ ଭୂୟସୀ ପ୍ରଶଂସା କରିବା ସହ ସମ୍ବଲପୁରୀ ବାନ୍ଧକଳାର ସ୍ୱତନ୍ତ୍ରତା ଉପରେ ବେଶ ଆଲୋଚନା କରିଥିଲେ।ଏ ପରିପ୍ରେକ୍ଷୀରେ ସନ୍ଥକବୀର ଶ୍ରୀଯୁକ୍ତ ରାମକୃଷ୍ଣ ମେହେର ବାନ୍ଧ କଳାରେ ତିଆରି କରାଯାଉଥିବା ବିଘ୍ନରାଜ ଶ୍ରୀଗଣେଶ ଠାକୁରଙ୍କ ଏକ ଫଟୋଚିତ୍ର କେନ୍ଦ୍ରମନ୍ତ୍ରୀ ଗିରିରାଜ ସିଂ ଙ୍କୁ ପ୍ରଦାନ କରିବା ସହିତ ସନ୍ଥ କବୀର ପୁରସ୍କାରପ୍ରାପ୍ତ କରିଥିବା ରାଷ୍ଟ୍ରୟ ଏକତା ସମ୍ବଲପୁରୀ ଶାଢ଼ି ବିଷୟରେ ବ୍ୟାଖ୍ୟା କରିଥିଲେ। କାର୍ଯ୍ୟକ୍ରମରେ ବୟନ ରାଜ୍ୟମନ୍ତ୍ରୀ ପବିତ୍ର ମାର୍ଘେରିଟା,ବୟନ ସଚିବ ଶ୍ରୀମତୀ ରଚନା ଶାହା, ହସ୍ତତନ୍ତ ଉନ୍ନୟନ କମିଶନରଙ୍କ ବୀଣା ଏ ମଧ୍ୟ ଉପସ୍ଥିତ ଥିଲେ।