10-Aug-2024

ବରଗଡ଼/ଅମ୍ବାଭୋନା(ନିରଞ୍ଜନ ତ୍ରିପାଠୀ): ଅମ୍ବାଭୋନା କେଦାରନାଥ ଆଦିବାସୀ ଉଚ୍ଚ ବିଦ୍ୟାଳୟର ଏକାଦଶ ବେଚ୍‌ (୧୯୯୬-୯୭) ର ସମସ୍ତ ପୁରାତନ ଛାତ୍ରଛାତ୍ରୀ ନିଜର ବନ୍ଧୁତ୍ବର ଏକ ବିରଳ ଉଦାହରଣ ସାଜିଛନ୍ତି । ପ୍ରକାଶ ଥାଉକି ପ୍ରୋକ୍ତ ବେଚ୍‌ରେ ପଢ଼ୁଥିବା ପୁରାତନ ଛାତ୍ର ୰ଦାମ୍ବୋଦର ନାୟକ( ଘୁଘୁରାପାଲି)ଙ୍କ  ଗତ ତା:- ୧୭ /୦୬/୨୦୨୪ ଦିନ ଅକାଳ ବିୟୋଗ ଘଟିଥିଲା। ସେ କର୍କଟ ରୋଗରେ ପିଡ଼ିତ ଥିଲେ। ତାଙ୍କ ପରିବାରରେ ମାଆଁ,ସହଧର୍ମିଣୀ ଆଶା ନାୟକ,ପୁଅ ଙ୍କୁ ଛାଡ଼ି ଯାଇଛନ୍ତି। ଏପରି ଅପ୍ରତ୍ୟାଶିତ ଖବର ପାଇବା ମାତ୍ରେ ଏକା ସାଙ୍ଗରେ  ଗୋଟିଏ ବିଦ୍ୟାଳୟରେ ପଢ଼ୁଥିବା ସମସ୍ତ ସାଙ୍ଗ ସାଥୀ ମାନେ ଫୋନ୍‌ ଯୋଗେ ଯୋଗାଯୋଗ କରିଥିଲେ। ସାଙ୍ଗର ଏତାଦୃଶ ଦୁଃଖଦ ଖବର ଶୁଣି ସମସ୍ତେ ଅତ୍ୟନ୍ତ ମର୍ମାହତ ହୋଇ ପଡ଼ିଥିଲେ। ଫଳରେ ସାଙ୍ଗସାଥୀ ମାନଙ୍କ ଠାରୁ ଆର୍ଥିକ ସହଯୋଗ ରାଶି ସଂଗ୍ରହ କରା ଯାଇଥିଲା। ଆଜି ଉକ୍ତ ସଂଗୃହୀତ ରାଶି ମୋଟ ତିରିଶ ହଜାର ଟଙ୍କା  ୰ନାୟକଙ୍କର ସହଧର୍ମିଣୀ ଶ୍ରୀମତୀ ଆଶା ନାୟକଙ୍କୁ ତାଙ୍କ ବାସ ଭବନରେ ଭେଟି ପ୍ରଦାନ କରିଥିଲେ।