02-Aug-2024

କନ୍ଧମାଳ(ମୃତ୍ୟୁଞ୍ଜୟ ଦିଗାଲ): ‌ବର୍ଷେରୁ ଉର୍ଦ୍ଧ ହେବ ସରି ପାରୁନି ପ୍ରଧାନମନ୍ତ୍ରୀ ସଡ଼କ ଯୋଜନା ରେ ନିର୍ମାଣ ହେଉଥିବା ରାସ୍ତା କାମ ବର୍ଷାରେ କାଦୁଅ ରେ ପଚ ପଚ ହେଉଛି ସାଧାରଣ ଲୋକେ ଚାଲିକି ଯିବା ଅସମ୍ଭବ ହୋଇ ପଡ଼ିଥିବା ବେଳେ ଗାଡି ଯିବା ଦୂରର କଥା ବାଇକ ଟିଏ ଗଲେ ଲୋକେ ରାସ୍ତା ଉପରେ ଛାଡି ଯିବା ଭଳି ପରିସ୍ଥିତି ଉପୁଜିଛି l ବାରମ୍ବାର ଅଭିଯୋଗ ପରେ ବି ହୋଇ ପାରୁନି ରାସ୍ତା ନିର୍ମାଣ କାର୍ଯ୍ୟ ଠିକାଦାର ଜାଣି ଶୁଣି ମନ ଇଚ୍ଛା ନିଜ ଇଛା ମୁତାବକ କାର୍ଯ୍ୟ କରୁଥିବା ଅଭିଯୋଗ ହୋଇଛି l ଏମିତି ରାସ୍ତା ଦେଖିବାକୁ ମିଳିଛି ଫିରିଙ୍ଗିଆ ବ୍ଲକ ସୁମେରୁବନ୍ଧ ପଞ୍ଚାୟତ ସୁମେରୁବନ୍ଧ ଠାରୁ କିଲୁର ପଙ୍ଗା  ଦେଇ  ମିଙ୍ଗୁନ ପଦର ଯାଇଥିବା ରାସ୍ତାରେ l ଏହି ରାସ୍ତା ଉପାନ୍ତ ଅଞ୍ଚଳ ବାସୀ ତଥା ସୁମରୁ ବନ୍ଧ ପଞ୍ଚାୟତ ର ଜନସାଧାରଣ ଙ୍କ ଯାତାୟତ ସମସ୍ୟା ଦୃଷ୍ଟି କୋଣରୁ ଗତ ୨୧/ ୨୨ ଆର୍ଥିକ ବର୍ଷରେ ସରକାର ଙ୍କ ତରଫରୁ ଅନୁମୋଦନ

କରା ଯାଇ ଟେଣ୍ଡର ମାଧ୍ୟମରେ ଜଣେ ଠିକାଦାର କୁ କାର୍ଯ୍ୟାଦେଶ ପ୍ରଦାନ କରାଯାଇଛି l କିନ୍ତୁ ଠିକାଦାର ଠିକ ଭାବରେ କାମକୁ ଗୁରୁତ୍ୱ ଦେଉନଥିବା ବେଳେ ଦୀର୍ଘ ବର୍ଷେ ରୁ ଉର୍ଧ୍ଵ ସମୟ ବିତିଯାଥିଲେ ମଧ୍ୟ ଆଜି ପର୍ଯ୍ୟନ୍ତ କେବଳ ରାସ୍ତା ଉପରେ ମାଟି ପକାଇ ରଖିଥିବାରୁ ଯାତାୟତ ରେ ବହୁ ସମସ୍ୟା ଦେଖା ଯାଇଛି l ସୁମେରୁ ବନ୍ଧ ଠାରୁ କିଲୁରପଙ୍ଗା ୫ କିଲୋମିଟର ହୋଇଥିବା ବେଳେ କିଲୁର ପଙ୍ଗା ଠାରୁ ମିଙ୍ଗୁନ ପଦର ୩ କିଲୋମିଟର ସମୁଦାୟ ୮ କିଲୋମିଟର ରାସ୍ତା କାର୍ଯ୍ୟ ଚାଲିଛି l ଖରା ଦିନ ଠାରୁ ଏହି ରାସ୍ତା କୁ ନେଇ ଅଞ୍ଚଳ ବାସୀ ଠିକ ଭାବରେ କାର୍ଯ୍ୟ କରିବାକୁ ଠିକାଦାର କୁ କହିବା ସହ ପ୍ରଦାସନିକ ସ୍ଥରରେ ଅଭିଯୋଗ କରିଥିଲେ ମଧ୍ୟ ଆଜି ପର୍ଯ୍ୟନ୍ତ କୌଣସି କାର୍ଯ୍ୟ ସଫଳ ହୋଇ ପାରି ନାହିଁ l ବର୍ତମାନ ବର୍ଷା ଦିନ ହୋଇଥିବା ବେଳେ ରାସ୍ତାର ପ୍ରାୟ ଜାଗାରେ ପ୍ରବଳ କାଦୁଅ ରେ ପଚ ପଚ ହେଉଥିବା ବେଳେ ରାସ୍ତାରେ ସାଧାରଣ ଭାବରେ ବାଇକ ଟିଏ ଗଲେ କାଦୁଅ ରେ ବୁଡି ଯାଇ ପାରନାହିଁ l ପ୍ରାୟ ୮ କିଲୋମିଟର ଦୂର ହୋଇଥିବା ବେଳେ ଆମ୍ବୁଲାନ୍ସ ଯିବା ଦୂରର କଥା ସାଧାରଣ ଭାବରେ ଲୋକେ ଚାଲିକି ଯିବାଟା ବି ଅସମ୍ଭବ ହୋଇ ପଡିଛି l ଏବେ ଅଞ୍ଚଳ ର ଲୋକେ ମେଡିକାଲ ଠାରୁ ଛାତ୍ର ଛାତ୍ରୀ ମାନଙ୍କ ବିଦ୍ୟାଳୟ କୁ ଯିବା ଅସମ୍ଭବ ହୋଇ ପଡିଛି l ପ୍ରାୟତଃ କାମ ସାଡୀଙ୍ଗିଆ ପଞ୍ଚାୟତ ଉପରେ ନିର୍ଭର କରୁଥିବା ବେଳେ ଫିରିଙ୍ଗିଆ ବ୍ଲକ କୁ ମଧ୍ୟ ଆସିବା ଅସମ୍ଭବ ହୋଇ ପଡିଛି l ଅସୁବିଧା ଦୃଷ୍ଟିରୁ ତୁରନ୍ତ ରାସ୍ତା କାର୍ଯ୍ୟ କରି ଲୋକଙ୍କ ଯିବା ଆସିବା ସୁବିଧା କରିବା ସହ ତୁରନ୍ତ ରାସ୍ତା ନିର୍ମାଣ କରିବାକୁ ସୁମେରୁ ବନ୍ଧ ପଞ୍ଚାୟତ ସରପଞ୍ଚ ସୁଶୀଳା କହଁରଙ୍କ ସହ  ଅଞ୍ଚଳ ବାସୀ ଦାବୀ କରିଛନ୍ତି l 
《କନ୍ଧମାଳ ଜିଲ୍ଲାରୁ  ମୃତ୍ୟୁଞ୍ଜୟ ଦିଗାଲଙ୍କ ରିପୋର୍ଟ》